شي جينپيڭ تەلەگرامما جولداپ حاسينانىڭ بەنگالدىڭ زۇڭليى بولىپ سايلانىپ، ءۇرتىس مىندەت وتەگەنىن قۇتتىقتادى
2024.01.12 14:54 كەلۋ قاينارى : حالىق تورابى
شينحۋا اگەنتتىگى، 1 – ايدىڭ 11 – كۇنى، بەيجيڭ. 1 – ايدىڭ 11 – كۇنى مەملەكەت ءتوراعاسى شي جينپيڭ شەيح حاسيناعا تەلەگرامما جولداپ، ونىڭ بەنگال حالىق رەسپۋبليكاسىنىڭ زۇڭليى بولىپ سايلانىپ، ءۇرتىس مىندەت وتەگەنىن قۇتتىقتادى.
شي جينپيڭ بىلاي دەپ اتاپ كورسەتتى: جۇڭگو مەن بەنگال − ءداستۇرلى دوس كورشىلەر. ديپلوماتيالىق قارىم - قاتىناس ورناتقان 49 جىلدان بەرى ەكى ەل باستان - اياق ءوزارا قۇرمەت ەتىپ، تەڭ تۇرعىدا مامىلە جاساپ، ءوزارا پايدا جەتكىزىپ، تەڭ يگىلىككە كەنەلىپ، ءبىر - ءبىرىنىڭ وزەكتى مۇددەسىنە ساياتىن ماسەلەلەردە ءبىرىن - ءبىرى قولداپ، وزدەرىنىڭ دامۋىن، گۇلدەنۋىن جۇزەگە اسىرۋ جولىندا قول ۇستاسا العا باسىپ، ەكى ەل حالىقتارىنا ناقتى قۇت - ىرىس اكەلدى. بىلتىر 8 - ايدا حاسينا زۇڭلي ەكەۋىمىز وڭتۇستىك افريكانىڭ يوحاننەسبۋرگ قالاسىندا كەزدەسىپ، جۇڭگو - بەنگال قارىم - قاتىناسىن دامىتۋ جونىندە ماڭىزدى ورتاق تانىمعا كەلدىك. جۇڭگو، بەنگال ەكى جاقتىڭ بىرگە قۇلشىنىپ، ەكى جاق كەلىسكەن ماڭىزدى ورتاق تانىمدى اناعۇرلىم ويداعىداي تياناقتاندىرىپ، ساياسي ءوزارا سەنىمدىلىكتى تەرەڭدەتىپ، ءداستۇرلى دوستىقتى اسقاقتاتىپ، دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، جۇڭگو مەن بەنگالدىڭ ستراتەگيالىق سەلبەستىك سەرىكتەستىك قارىم - قاتىناسىن ۇزدىكسىز تىڭ ساتىعا كوتەرۋىن ءۇمىت ەتەمىن.
سول كۇنى مەملەكەتتىك كەڭەستىڭ زۇڭليى لي چياڭ حاسينا زۇڭليگە قۇتتىقتاۋ تەلەگرامماسىن جولدادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
