باركول اۋدانى، جەمەنەي اۋدانى 2023 – جىلعى ىستىقتان سايالاۋ ساياحاتىنىڭ نىسانالى جەرىنە تاڭدالدى
2024.01.12 15:37 كەلۋ قاينارى : حالىق تورابى
1 – ايدىڭ 11 – كۇنى، جۇڭگو اۋا رايى مەكەمەسىنىڭ تورابى 2023 – جىلعى ىستىقتان سايالاۋ ساياحاتىنىڭ نىسانالى جەرىن باعالاۋ ناتيجەسىن اشىق جاريالادى. مۇنىڭ ىشىندە شينجياڭنىڭ باركول قازاق اۆتونوميالى اۋدانى، جەمەنەي اۋدانى قاتاردان ورىن الدى.
باركول قوڭىرجاي بەلدەۋلىك قۇرلىقتىق سالقىن قۇرعاق كليماتتى وڭىرگە جاتادى، تەڭىز دەڭگەيىنەن ورتاشا بيىكتىگى 1650 مەتر، قىسى قاقاعان سۋىق، جازى سالقىن، كۇن نۇرى تولىق تۇسەدى. جىلدىق ورتاشا تەمپەراتۋراسى 1 سەلتسي گرادۋس. شەكتەن تىس ەڭ جوعارى تەمپەراتۋراسى 35 سەلتسي گرادۋس. ءار جىلدىڭ 6 - ، 7 -، 8 - ايلارىندا كوپتەگەن ساياحاتشىلار جايلاۋمەن جاپسارلاسىپ جاتاتىن وسى ءبىر شاعىن قالاعا ات باسىن بۇرىپ، سالقىنداپ، ىستىقتان سايالاپ، ساحارانىڭ كوركەمدىگىن سەزىنىپ قايتادى.
جەمەنەي اۋدانىنىڭ ەندىك گرادۋسى سولتۇستىككە بەيىم، تەڭىز - مۇحيتتان شالعاي، قۇرلىقتىق سولتۇستىك قوڭىرجاي بەلدەۋلىك سۋىق كليماتقا جاتادى، قىسى جىلى، جازى سالقىن، قىراۋسىز مەزگىلى قىسقا، كۇن نۇرى، جىلۋ بايلىعى مول، جايىلىم بايلىعى مول. جەمەنەي اۋدانىنىڭ 6 – ايداعى ورتاشا اۋا تەمپەراتۋراسى 18.7 سەلتسي گرادۋس، 7 - ايداعى ورتاشا تەمپەراتۋراسى 20.8 سەلتسي گرادۋس، 8 – ايداعى ورتاشا تەمپەراتۋراسى 19.3 سەلتسي گرادۋس، جازدا ونى جەر بەتىندەگى تابيعي اۋا رەتتەگىش دەپ اتاۋعا بولادى.
اشىق جاريالاۋدا كورسەتىلۋىنشە، قاتاڭ باعالاۋ ارقىلى وسى رەت حىبەي ولكەسىنىڭ لاييۋان اۋدانى سياقتى 32 رايونعا ىستىقتان سايالاۋ ساياحاتىنىڭ نىسانالى جەرى اتاعى بەرىلگەن، جاريالاۋ ۋاقىتى 1 – ايدىڭ 11 – كۇنىنەن 15 – كۇنىنە دەيىن.
”ىستىقتان سايالاۋ ساياحاتىنىڭ نىسانالى جەرى“ — مەملەكەتتىڭ كليمات بەلگىسى ماركاسى، ءبىر رايوننىڭ ىستىقتان سايالاۋ ساياحاتىنىڭ كليماتىن، ەكولوگيالىق ورتاسىن جالپىلىق باعالاۋ جانە بەدەلدى تۇراقتاندىرۋ. 2022 – جىلى شينجياڭنىڭ قۇلجا قالاسى، نىلقى اۋدانى، التاي قالاسى، شىڭگىل اۋدانى ىستىقتان سايالاۋ ساياحاتىنىڭ نىسانالى جەرى اتاعىن العان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
