دۇنيە جۇزىلىك دەنساۋلىق ساقتاۋ ۇيىمى: جاڭا تيپتى ايدارشا ۆيرۋس بىلتىر 12 - ايدا دۇنيە ءجۇزى بويىنشا جەدەل تارالدى

2024.01.12 13:08 كەلۋ قاينارى : حالىق تورابى

　　شينحۋا اگەنتتىگىنىڭ ءتىلشىسى زىڭ يان 1 - ايدىڭ 10 - كۇنى جەنەۆادان حابارلايدى. دۇنيە جۇزىلىك دەنساۋلىق ساقتاۋ ۇيىمىنىڭ ءتوراعاسى تەدروستىڭ 1 - ايدىڭ 10 - كۇنى اشىلعان كەزەكتى اقپار جاريالاۋ ماجىلىسىندە ايتۋىنشا، دەمالىس مەزگىلىندە ادامداردىڭ توپتاسۋى، JN.1 وزگەرگەن ۆيرۋس تۇبىرشىگىنىڭ تارالۋى قاتارلى سەبەپتەرگە بايلانىستى بىلتىر 12 - ايدا جاڭا تيپتى ايدارشا ۆيرۋس دۇنيە ءجۇزى بويىنشا جەدەل تارالعان.

　　تەدروس بىلاي دەدى: دۇنيە جۇزىلىك دەنساۋلىق ساقتاۋ ۇيىمى 12 - ايدا جاڭا تيپتى ايدارشا ۆيرۋس سەبەبىنەن 10 مىڭعا جۋىق ادامنىڭ قازا بولعانى جونىندە مالىمەت تاپسىرىپ العان. 11 - ايداعىمەن سالىستىرعاندا، جاڭا تيپتى ايدارشا ۆيرۋسپەن جۇعىمدالۋ سەبەپتى ەمحاناعا جاتقانداردىڭ سانى 12 - ايدا %42 ارتقان، سالماقتى ناۋقاس سەبەبىنەن كۇتىمگە الىنعان ناۋقاستاردىڭ سانى %62 ارتقان. جاڭا تيپتى ايدارشا ۆيرۋس ىندەتى ”الەۋمەتتىك دەنساۋلىق ساقتاۋ سالاسىنداعى حالىقارا نازار اۋدارىپ وتىرعان توساتتان تۋىلعان وقيعا“ قالىپتاستىرماعانىمەن، جاڭا تيپتى ايدارشا ۆيرۋس ءالى دە تارالۋدا، وزگەرۋدە جانە ادامداردىڭ جانىن جالماۋدا.

　　تەدروستىڭ ايتۋىنشا، ءبىر اي ىشىندە جاڭا تيپتى ايدارشا ۆيرۋس سەبەبىنەن قازا بولعانداردىڭ سانىنىڭ 10 مىڭ ادامعا جاقىنداۋى ىندەتتىڭ ءورشىپ تۇرعان كەزىندەگىمەن سالىستىرعاندا الدەقايدا تومەن بولعانىمەن، ولىمگە دۋشار ەتۋدەن ساقتانۋعا بولاتىن جاعدايدا، مۇنداي ءولىم - ءجىتىم سانىن ”قابىلداۋعا كەلمەيدى“. سوندىقتان، دۇنيە جۇزىلىك دەنساۋلىق ساقتاۋ ۇيىمى ءار ەل ۇكىمەتىن ىندەتتى ۇزدىكسىز باقىلاۋعا، جاڭا تيپتى ايدارشا ۆيرۋستىڭ گەن تىزبەگىن تەكسەرۋگە ءارى جۇرتشىلىقتىڭ قولجەتىمدى، سەنىمدى تەكسەرۋگە، ەمدەۋگە يە بولۋىنا جانە ۆاكسينا ەكتىرۋىنە كەپىلدىك ەتۋگە قۋزايدى.

　　سونىمەن بىرگە، ول جەكەلەردى جاڭا تيپتى ايدارشا ۆيرۋس ۆاكسيناسىن ەكتىرۋگە، ۆيرۋستى تەكسەرتۋگە، قاجەتتى بولعان جاعدايدا ماسكى تاعۋعا ءارى ادام شوعىرلانعان بولمە ىشىندەگى ورىنداردا اۋانى الماستىرىپ وتىرۋعا كەپىلدىك ەتۋگە ۇندەدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved