شينجياڭدىق 82 جاستاعى كاريا 6 جىلدان بەرى ءۇش دوڭگەلەكتى موتوتسيكلمەن جۇڭگونى ارالاپ ساياحاتتاعان
كەلەسى قادامدا شەتەلگە بارىپ ساياحاتتاماقشى
2024.01.12 13:06 كەلۋ قاينارى : حالىق تورابى
جۋىردا يۇنناندىق بەينە كەسكىن جازباگەرى ءۇش دوڭگەلەكتى موتوتسيكلمەن جۇڭگونى اينالىپ ساياحاتتاپ جۇرگەن شينجياڭدىق كارياعا جولىعىپ قالعان، ۇعىسۋ بارىسىندا بۇل كاريانىڭ 82 جاسقا كەلگەنىن، 6 جىلدان بەرى ءۇش دوڭگەلەكتى موتوتسيكلمەن ساياحاتتاپ جۇرگەنىن بىلگەن.
ءاسىلى ول بىلتىر شينجياڭدا ”ءۇش دوڭگەلەكتى موتوتسيكلدى اتاي“ دەگەن اتپەن تانىمالى بولعان جاڭ كاريا بولاتىن، ول 1962 - جىلى شينجياڭعا بارعان، سودان بەرى شينجياڭ ءوندىرىس - قۇرىلىس بيڭتۋانى 7 - شىسىندا قىزمەت ىستەپ، تۇرمىس وتكىزىپ كەلەدى، جەتپىس نەشە جاسقا كەلگەن كەزىندە، قايراتىنىڭ قايتپاي تۇرعان كەزىنەن پايدالانىپ، ەلىمىزدىڭ جەر - جەرىن ارالاپ كورۋ ويىنا كەلەدى دە، ءۇش دوڭگەلەكتى موتوتسيكلىمەن جۇڭگونى ارالاپ ساياحاتتاۋ ءۇشىن جولعا شىعادى.
جاڭ كاريا قازىرگە دەيىن جۇڭگونى دەرلىكتەي ارالاپ بولعان، ارالاپ ساياحاتتاۋ بارىسىندا، ول شينجياڭنىڭ كورىنىسى بەينەلەنگەن سۋرەت قاتارلىلاردى وزىمەن بىرگە الا ءجۇرىپ، جۇرگەن جەرىندە ”شينجياڭنىڭ جارشىسى“ بولعان.
جاڭ كاريا تاعى ءبىر جىل ۋاقىت جۇمساپ، بۇل ساپارىن تولىق اقىرلاستىرماقشى. ول قازىر ۆيزاسىن اشتىرۋدى دا باستاپ كەتكەن، كەلەسى قادامدا الدىمەن ۆيەتنامعا بارىپ، شەتەلدىڭ جەر - سۋى مەن سالت - ساناسىن كورمەكشى. كاريانىڭ كەڭ پەيىلى مەن ماڭعازدىعى جۇرتتى تاڭ قالدىردى، كەيدە بىزدە قالاعان ۋاقىتتا جولعا شىعاتىن باتىلدىق بولۋى كەرەك، جول قاشان دا اشىق، ال، ءومىردىڭ شىن ءمانى جۇرەگىمىزدىڭ تۇكپىرىندە.
(شينجياڭ جاقسى جەر ۋيشين تەكشەسى مەن كورلا نولدىك ارالىق ۋيشين تەكشەسىنەن جيناقتالعان)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
