سىرتقى ىستەر مينيسترلىگى ا ق ش جاقتى ءارقانداي تاسىلمەن تايۋان ءوڭىرىنىڭ سايلاۋىنا ارالاسۋدى توقتاتۋعا قۋزادى

2024.01.12 14:18 كەلۋ قاينارى : حالىق تورابى

　　1 - ايدىڭ 11 - كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەردى قابىلداۋ ءماجىلىسىن باسقارىپ اشتى.

　　تايۋان ءوڭىرىنىڭ سايلاۋىنا قاتىستى ماسەلەلەر جونىندە ماۋ نيڭ مىنانى ءبىلدىردى: دۇنيە جۇزىندە تەك ءبىر عانا جۇڭگو بار، تايۋان — جۇڭگونىڭ بولىنبەس ءبىر بولىگى، جۇڭگو جاق ا ق ش جاق پەن تايۋاننىڭ ءارقانداي فورمادا ۇكىمەت ارا بارىس - كەلىس جاساۋىنا باستان - اياق باتىل قارسى تۇرىپ كەلەدى، ا ق ش جاق ءبىر جۇڭگو پرينسيپىنە جانە جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەدەگى بەلگىلەمەلەرگە شىنايى بويسۇنۋى، تايۋانعا قاتىستى ماسەلەلەردى بايىپتىلىقپەن، ۇيلەسىمدى ءبىرجاقتى ەتۋى، ا ق ش جاق پەن تايۋاننىڭ ۇكىمەت ارا بارىس - كەلىس جاساۋىن توقتاتۋى، ”تايۋاندى دەربەستەندىرۋ“ بولشەكتەۋشى كۇشىنە ءارقانداي قاتە سيگنال بەرمەۋى كەرەك، تايۋان ءوڭىرىنىڭ سايلاۋىنا ءارقانداي فورمامەن ارالاسۋىنا بولمايدى، جۇڭگو مەن ا ق ش قارىم - قاتىناسىنا جانە تايۋان بۇعازىنىڭ بەيبىتشىلىگى مەن ورنىقتىلىعىنا اۋىر زيان جەتكىزۋدەن ساقتانۋى كەرەك.

　　ماۋ نيڭ مىنانى ءبىلدىردى: تايۋان ماسەلەسى — جۇڭگونىڭ ىشكى ءىسى، تايۋان ءوڭىرىنىڭ سايلاۋى — جۇڭگونىڭ جەرگىلىكتى ءىسى، ءارقانداي سىرتقى كۇشتىڭ كيلىگۋىنە جول بەرىلمەيدى، ا ق ش جاق تايۋان ءوڭىرىنىڭ سايلاۋىن اشىقتان - اشىق سان - ساققا جۇگىرتتى، جۇڭگو جاق بۇعان قاتاڭ نارازىلىق بىلدىرەدى ءارى باتىل قارسىلىق بىلدىرەدى. مەن تايۋان ماسەلەسىنىڭ جۇڭگونىڭ وزەكتى مۇددەسىنىڭ ىشىندەگى وزەكتى مۇددەسى ەكەنىن، جۇڭگو مەن ا ق ش قارىم - قاتىناسىنىڭ اتتاپ وتۋگە بولمايتىن ءبىرىنشى قىزىل سىزىعى ەكەنىن باسا دارىپتەيمىن.

　　ماۋ نيڭ مىنانى باسا دارىپتەدى: ءبىز ا ق ش جاقتى ءبىر جۇڭگو پرينسيپى مەن جۇڭگو مەن ا ق ش اراسىنداعى ءۇش رەتكى بىرلەسكەن مالىمدەمەدەگى بەلگىلەمەلەرگە بويسۇنۋعا، ءىس جۇزىندىك ارەكەتى ارقىلى ا ق ش جاقتىڭ مەملەكەت باسشىسىنىڭ بەرگەن ۋادەسىن ورىنداۋعا، ءارقانداي فورمامەن تايۋان ءوڭىرىنىڭ سايلاۋىنا ارالاسۋدى توقتاتۋعا، ”تايۋاندى دەربەستەندىرۋ“ بولشەكتەۋشى كۇشىنە قاتە سيگنال بەرمەۋگە قۋزايمىز. جۇڭگو جاق باتىل دا پارمەندى شارالاردى قولدانىپ، مەملەكەتتىڭ يەلىك ۇقىعىنىڭ حاۋىپسىزدىگى مەن تەرريتوريا تۇتاستىعىن قورعايدى.

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved