شينجياڭ

باقىت ايالداماسىنىڭ قۇرىلىسىن جەدەلدەتىپ، وسىزامانعى جاڭاشا مال شارۋاشىلىعى الاڭىن قۇردى

2024.01.15 14:37 كەلۋ قاينارى : حالىق تورابى

　　سۋرەتتە: شينجياڭ تارباعاتاي ايماعى ءدوربىلجىن اۋدانى جايىر مال شارۋاشىلىعى باقىت ايالداماسىنداعى مالشىلار قازاقتىڭ ”قاراجورعا“ ءبيىن بيلەۋدە. (1 - ايدىڭ 11 - كۇنى تۇسىرىلگەن)

　　شينجياڭ مال شارۋاشىلىعىنداعى ءىرى رايون، ءار جىلى كۇز ماۋسىمىندا نەشە ميلليون تۇياق مال قىستاۋعا كوشىرىلەدى. جۋىرداعى جىلداردان بەرى، شينجياڭ بايلىق قاينارىن ءبىرتۇتاس جوسپارلاۋ، قوسىلىمدى ارتتىرۋ ارقىلى سولتۇستىك شينجياڭداعى باستى مال شارۋاشىلىعى وڭىرلەرىندە باقىت ايالداماسى قۇرىلىسىن جەدەل ىلگەرىلەتتى. جەرگىلىكتى ورىنداعى مال شارۋاشىلىعى تاراۋلارى ادام كۇشى، زاتتىق كۇش، قازىنالىق كۇش سىندى بايلىق قاينارىن ءبىرتۇلعالاندىرىپ، باقىت ايالداماسىنا ارناۋلى ادام جىبەرىپ، جايىلىم قۇرىلىسى، حالىق تۇرمىسىن قامتاماسىزداندىرۋ، ەمدەۋ جاعىندا كومەك بەرۋ، مالداعى ىندەتتەن ساقتانۋ، اپاتتان ساقتانىپ، اپاتتىڭ زيانىن ازايتۋ قاتارلى ىستەردى توڭىرەكتەي وتىرىپ، مالشىلارعا قىزمەت وتەپ، مالشىلاردىڭ كوشى - قون بارىسىنداعى جولدىڭ الىستىعى، زاتپەن قامداۋدىڭ قيىن بولۋى سىندى ماسەلەلەرىن ايتارلىقتاي شەشىم ەتىپ، مال شارۋاشىلىعى رايوندارىنداعى مالشىلاردىڭ ءوندىرىس - تۇرمىس قاجەتىن قاناعاتتاندىردى. سونىمەن بىرگە، الۋان ءتۇرلى مادەني جانە سپورت سىندى كوڭىل اشۋ قيمىلدارىن مەرزىم سايىن ۇيىمداستىرۋ ارقىلى بارشا مالشىلار قاۋىمىنىڭ رۋحاني مادەنيەت تۇرمىسىن بايىتىپ، مالشىلاردىڭ تابىس سەزىمىن، باقىت سەزىمىن، حاۋىپسىزدىك سەزىمىن جوعارىلاتتى. شينحۋا اگەنتتىگىنىڭ ءتىلشىسى ديڭ لەي فوتوسى

　　كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى

تەلەفون: 65367915-010 ‍حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved