”ءوزىڭنىڭ ناق ءوزىڭ ەكەنىڭدى دالەلدەۋ“ قاتارلى قايتالاي ىسپات سۇراۋ ماسەلەسىن شەشىم ەتتى
2023 - جىلى ءادىليا مينيسترلىگى 116 ءتۇرلى قاجەتسىز ىسپات ماتەريالىن كۇشىنەن قالدىردى
2024.01.15 14:35 كەلۋ قاينارى : حالىق تورابى
ءتىلشىنىڭ 1 - ايدىڭ 14 - كۇنى ءادىليا مينيسترلىگى اشقان مەملەكەتتىك ءادىليا مەڭگەرمەلەرى باستىقتارىنىڭ ماجىلىسىنەن ۇعىسۋىنشا، 2023 - جىلى ەلىمىز بويىنشا حالىق اراسىنداعى جاراستىرۋ كوميتەتى جاراستىرعان قايشىلىقتار مەن داۋ - شارلار سانى 17 ميلليون 200 گە جەتكەن. ادۆوكاتتىق جاراستىرۋدى تۇيىندە سىناق ەتۋ قىزمەتىندە بەلسەندى ىلگەرىلەۋشىلىك بولعان، قازىرگە دەيىن، ەلىمىز بويىنشا ادۆوكاتتىق جاراستىرۋ قىزمەتى كەڭسەسىنەن (ورتالىعىنان) 13 مىڭ كەڭسە (ورتالىق) قۇرىلعان، جاراستىرۋشى ادۆوكاتتاردىڭ سانى 60 مىڭعا جەتكەن، ولار ات سالىسقان دەلولاردىڭ جالپى سانى 960 مىڭنان اسقان، 450 مىڭنان استام جاراستىرۋ كەلىسىمىنە قول قويىلعان، ىسكە قاتىستى ادامداردىڭ ۋاقىتى مەن زەيىن - قۋاتىن ۇنەمدەۋگە كومەكتەسىپ، زور مولشەردەگى قايشىلىقتار مەن داۋ - شارلاردى شەشىم ەتكەن.
2023 - جىلى ەلىمىز بويىنشا ءادىليالىق اكىمشىلىك ورگاندارى ءبىر ميلليون 585 مىڭ دەلوعا قاتىستى زاڭدىق كومەك بەرۋدى، 13 ميلليون 255 مىڭ رەت كۋالاندىرۋدى، 515 مىڭ رەت تورەلىك ايتۋدى، 3 ميلليون 425 مىڭ رەت ءادىليالىق ساراپتاما جاساۋدى ورىنداپ، حالىق بۇقاراسىنىڭ زاڭمەن جونگە سالۋ جاعىنداعى تابىس سەزىمى شىنايى كۇشەيتىلگەن.
تالداۋ جاساۋ ارقىلى، 2023 - جىلى ءادىليا مينيسترلىگى 33 تۇردەگى 81 ىسپات ماتەريالىنىڭ تىزىمدىگىن جۇيەگە ءتۇسىرىپ، الەۋمەتكە جاريالاعان، قاجەتى جوق ىسپات ماتەريالدارىنان 116 ماتەريالدى وشىرگەن، ىسپاتتى كۇشىنەن قالدىرۋ مولشەرى %29.3 بولدى. الەۋمەتتىك كۋالاندىرۋ قۇرىلىمداردى ىرىقتىلىقپەن تەكسەرۋ جانە ۇكىمەت ىستەرىنە قاتىستى ينفورماتسيالاردى ورتاقتاسۋ قاتارلى تاسىلدەر ارقىلى ىسپات ماتەريالدارىنا قول جەتكىزۋگە مۇمكىندىك الىپ، ىسكە قاتىستى ادامداردان ىسپات ماتەريالدارىن بەرۋدى تالاپ ەتپەيتىن بولدى؛ ىسكە قاتىستى ادامنىڭ جاعدايى انىق، زاڭدىق قارىم - قاتىناسى قاراپايىم بولعان كۋالاندىرۋعا قاتىستى ىستەرگە ساياتىن قوسىمشا سيپاتتاعى ىسپات ماتەريالدارىنىڭ اسىلگى نۇسقاسىن تاپسىرۋىن تالاپ ەتپەيتىن بولدى. ”ءوزىڭنىڭ ناق ءوزىڭ ەكەنىڭدى دالەلدەۋ“ سىندى قايتالاي ىسپات سۇراۋ، قيسىنسىز ىسپات سۇراۋ ماسەلەلەرى ءونىمدى شەشىم ەتىلدى. كەلەسى قادامدا، ءادىليالىق اكىمشىلىك تاراۋلارى كۋالاندىرۋ تۇزىلىسىنە رەفورما جاساۋدى ۇزدىكسىز ورنىقتىلىقپەن ىلگەرىلەتىپ، ”ەڭ كوپ بولعاندا ءبىر رەت بارۋدى قاجەت ەتەتىن“ كۋالاندىرۋ ىستەرىنىڭ كولەمىن كەڭەيتىپ، الەۋمەتتىك كۋالاندىرۋ كاسىبىندە ىسپات سۇراۋدى ازايتىپ، حالىققا قولايلى قىزمەت وتەۋدى شىنايى دا ءونىمدى ىلگەرىلەتەدى. (باس ستانسيا ورتالىق تەلەۆيزيا ءتىلشىسى لي كىجيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
