راقىمەت ساعان، پاتىگۇل ابليميت
2024.01.17 14:25 كەلۋ قاينارى : حالىق تورابى
جۋىردا جياڭشي ولكەسى نانچاڭ قالاسى چاڭبەي حالىقارالىق اۋەجايىندا ءبىر ەر ادام كەنەتتەن جىعىلىپ، باسى قاناعان ءارى تالىپ قالعان، وسىنداي حاۋىپتى ساتتە، جولدان ءوتىپ بارا جاتقان بويجەتكەن ءارى - ءسارى بولماستان جەتىپ بارىپ، جۇرەلەي وتىرا قالىپ، جىعىلعان ادامدى قۇتقارۋ شارالارىن جاساعان.
بۇل بويجەتكەننىڭ اتى پاتىگۇل ابليميت، شينجياڭ قاشقار ايماعى ماكىت اۋدانىنىڭ ادامى، نانچاڭ پوليتەحنيكالىق شۋەيۋانى مەديتسينا شۋەيۋانىنىڭ كۇتىمدەۋ كاسىبىنىڭ ستۋدەنتى.
ءىس تۋىلعان كۇنى، ول ەمحاناداعى 8 ايلىق پراكتيكا ۋاقىتىن اياقتاتىپ، ۇشاقپەن ۇيىنە قايتۋعا دايىندالعان، اۋەجاي عيماراتىنىڭ جانىنان ءوتىپ بارا جاتقاندا، جانىنداعى ءبىر ەر ادامنىڭ كەنەتتەن جىعىلىپ، تالىپ قالعانىن، باسىنىڭ وڭ جاعى كوپ مولشەردە قاناعانىن كورەدى.
وسىنداي توتەنشە قىسىلتاياڭ جاعدايدا، پراكتيكا ىستەگەن كەزدەگى تاجىريبەلەرى مەن كاسىپتىك بىلىمدەرىنە سۇيەنگەن پاتىگۇل ابليميت جىعىلعان ادام ارقالاعان اۋىر سومكانى دەرەۋ ءتۇسىرىپ، سومكانىڭ قىسىمى سەبەبىنەن تىنىس الۋى قيىنعا سوعۋىنان ساقتانادى، ىلە - شالا ول جەرگە جۇرەلەپ وتىرا قالىپ، قولىمەن جاراقاتتىڭ اۋزىن باسىپ، قاننىڭ اعۋىن توقتاتادى، سونىمەن بىرگە، توڭىرەككە جينالعان جۇرتقا اۋەجاي قىزمەتكەرلەرىن شاقىرۋدى ءارى 120 عا تەلەفون سوعۋدى تاپسىرادى.
جارالانعان ادامعا ەكىنشى رەت زيان جەتكىزۋدەن ساقتانۋ ءۇشىن، پاتىگۇل باستان - اياق قولىمەن جارانىڭ اۋزىن باسقان قالپى ءبىر ورىننان قوزعالماي، ەمدەۋ قىزمەتكەرلەرى كەلگەنشە وتىرادى، ورنىنان تۇرعان كەزدە عانا، جارالانعان ادامدى قۇتقارامىن دەپ ۇزاق ۋاقىت جۇرەلەپ وتىرعاندىقتان، اياعى ۇيىپ قالىپ، ورنىنان تۇرۋى قيىنعا سوققانىن بايقايدى.
ەمدەۋ قىزمەتكەرلەرى جارالانعان ادامدى شۇعىل قۇتقارۋ ماشيناسىنا سالعانىن كورگەن سوڭ، پاتىگۇل ابليميت نارسە - كەرەكتەرىن جيناستىرىپ الىپ كەتەدى.
ءبىر كۇننەن كەيىن، جارالانعان ادامنىڭ قىزمەتتەسى اۋەجاي قىزمەتكەرلەرى ارقىلى پاتىگۇل ابليميتپەن حابارلاسىپ، وعان راقىمەت بىلدىرەدى.
جارالانعان ادامنىڭ قۇتقارىلىپ، ومىرىنە حاۋىپ تونبەگەنىن بىلگەن سوڭ، پاتىگۇل ابليميت: ”شىنىمەن دە ەشتەڭە ەتپەيدى، ەمدەۋ قىزمەتكەرى بولعاندىقتان، بۇل ءبىزدىڭ ىستەۋگە ءتيىستى ءىسىمىز“، _ دەيدى.
شۇعىل ساتتە كومەك قولىن سوزۋ — شيپاگەردىڭ ءمورالى عانا بولىپ قالماستان، تۋادا بىتكەن جاقسى قاسيەت، پاتىگۇل ابليميت، راقىمەت ساعان!
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
