حالىق تورابىنىڭ ”اقيقات“ ايدارشاسى
قوعامدىق قامتاماسىزداندىرۋعا قاتىستى مىناداي الدامكوستىكتەرگە سەنبەڭىز
2024.01.16 14:32 كەلۋ قاينارى : حالىق تورابى
حالىق تورابىنىڭ 1 - ايدىڭ 15 - كۇنى بەيجيڭنەن بەرگەن حابارى (جوۋ جيڭيۋان) جۋىردا توردوستاردىڭ بىرەۋى ”قوعامدىق قامتاماسىزداندىرۋ كارتوچكاسىنىڭ ۋاقىتى ءوتىپ كەتسە، ەلەكتروندىق ينفورماتسيالار ينتەرنەتكە شىعارىلماسا كارتوچكانى پايدالانۋعا ىقپال جاسايدى“ دەگەن جالعان مازمۇنداعى تور بەتىنە كىرۋگە شىرعالايتىن الدامكوستىككە جولىققانىن اڭىس ەتكەن، وسى جونىندە حالىق تورابىنىڭ ”اقيقات“ ايدارشاسى قوعامدىق قامتاماسىزداندىرۋعا قاتىستى ءۇش ءتۇرلى الدامكوستىكتى جيناقتاپ شىقتى، كوپشىلىككە بۇل الدامكوستىكتەردەن ساق بولۋدى ەسكەرتەدى.
ءبىرىنشى تۇردەگى الدامكوستىك: قامسىزداندىرۋعا قاتىناسقان ادامعا قوعامدىق قامتاماسىزداندىرۋ كارتوچكاسىنىڭ جاڭاشا ەلەكتروندىق نۇسقاسىن بىتىرمەگەنىن ايتۋ
زاڭسىز ەلەمەنتتەر قامسىزداندىرۋعا قاتىناسقاندارعا: ”ءسىز قوعامدىق قامتاماسىزداندىرۋ كارتوچكاسىنىڭ جاڭاشا ەلەكتروندىق نۇسقاسىن ءالى بىتىرمەدىڭىز، ۋاقىتى ءوتىپ كەتسە، قوعامدىق قامتاماسىزداندىرۋ كارتوچكاسىنان قالىپتى پايدالانۋىڭىزعا ىقپال جاسايدى“ دەگەن مازمۇنداعى كەلتە حاتتى جىبەرەدى ءارى قامسىزداندىرۋعا قاتىناسقان ادامنىڭ بەلگىلەنگەن جالعانىمدى اشىپ، جەكەلىك سالاۋاتى، بانكە كارتوچكاسى، ەسەپ جاساۋ قۇپيا ءنومىرى قاتارلى ينفورماتسيالاردى كىرگىزۋدى تالاپ ەتىپ، وسى ارقىلى مال - مۇلىكتى الداپ الادى.
ەكىنشى تۇردەگى الدامكوستىك: قامسىزداندىرۋعا قاتىناسقان ادامعا قوعامدىق قامتاماسىزداندىرۋ كارتوچكاسىنداعى قوسىمشا قاراجاتتى الماعانىن ايتادى
زاڭسىز ەلەمەنتتەر كەلتە حات جولداۋ جانە ەلەكتروندىق حات جولداۋ ارقىلى قامسىزداندىرۋعا قاتىناسقان ادامعا قوعامدىق قامتاماسىزداندىرۋ كارتوچكاسىنداعى قوسىمشا قاراجاتتى الماعانىن ايتادى، XX كۇنى ساعات XX كە دەيىن سول جەردەگى قوعامدىق قامتاماسىزداندىرۋ مەكەمەسىنە بارىپ قاتىستى رەسميەتتەردى بىتىرگەن سوڭ الۋعا بولاتىنىن ۇقتىرادى ءارى قامسىزداندىرۋعا قاتىناسقان ادامنان ازاماتتىق كۋالىگىنىڭ ءنومىرى، قوعامدىق قامتاماسىزداندىرۋ كارتوچكاسىنىڭ ءنومىرى، بانكە كارتوچكاسىنىڭ قاتارلى ينفورماتسيالاردى بەرىپ، كەلەتىن ۋاقىتىن الدىن الا بەلگىلەپ قويۋدى تالاپ ەتەدى.
ءۇشىنشى تۇردەگى الدامكوستىك: قامسىزداندىرۋعا قاتىناسقان ادامعا قوعامدىق قامتاماسىزداندىرۋ كارتوچكاسىندا قالىپسىزدىق بايقالعانىن ءارى پايدالانۋدان توقتاتىلعانىن ايتادى
زاڭسىز ەلەمەنتتەر تەحنيكالىق تاسىلدەر ارقىلى الدامكوستىككە پايدالانعان تەلەفوننىڭ ءنومىرىن ”XX ادام كۇشى بايلىعى جانە قوعامدىق قامتاماسىزداندىرۋ مەكەمەسى“ دەگەن اتپەن كورىنەتىن ەتىپ جاساپ، وزدەرىن قوعامدىق قامتاماسىزداندىرۋ تاراۋىنىڭ قىزمەتكەرىمىز دەپ تانىستىرىپ، ”قوعامدىق قامتاماسىزداندىرۋ كارتوچكاسىندا قالىپسىزدىق بايقالعاندىقتان ءماجبۇرلى تۇردە توقتاتىلدى“ نەمەسە اقى تولەنبەگەندىكتەن مۇزداتىلدى دەگەندى جەلەۋ ەتىپ، ازاماتتىق كۋالىك ءنومىرى، قوعامدىق قامتاماسىزداندىرۋ كارتوچكاسىنىڭ ءنومىرى، اتى - ءجونى، قۇپيا سيفرى قاتارلى جەكەلىك ينفورماتسيالاردى سۇرايدى نەمەسە بەلگىلەنگەن ەسەپ نومىرگە رەسميەت قاراجاتىن تاپسىرۋدى تالاپ ەتەدى، وسى ارقىلى الدامكوستىك ىستەيدى.
”اقيقات“ ايدارشاسى مىنانى ەسكەرتەدى: كەلۋ قاينارى انىق بولماعان جالعانىمداردى اشپاڭىز، جەكەلىك بانكە كارتوچكاسىنىڭ ءنومىرىن جانە قۇپيا سيفرىن باسقالارعا ايتپاڭىز، ولاردىڭ ايتۋى بويىنشا اقشا جوتكەمەڭىز. توردوستاردىڭ ”مەملەكەتتىك الدامكوستىككە قارسى تۇرۋ ورتالىعىنىڭ“ APP دەتالىن ءتۇسىرىپ، الدامكوستىككە جولىققاندا ساقتىق سيگنالىن بەرۋ سىندى ۇقىق شەگىن اشىپ قويۋىنا بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
