شينجياڭ قاناس كورىنىس رايونى كوشكىن بوگەپ تاستاعان جولدى ۇزدىكسىز تازالادى
جالدىڭ ءۇيى وڭىرىندە قامالىپ قالعان 92 ادامنىڭ تاۋلى وڭىردەن جوتكەلۋىنە كەپىلدىك ەتتى
2024.01.16 14:30 كەلۋ قاينارى : حالىق تورابى
قار ۇزدىكسىز جاۋعاندىقتان، شينجياڭ التاي ايماعىنداعى بۋىرشىن اۋدانىنان قاناس كورىنىس رايونىنا باراتىن جولدىڭ كوپ جەرىندە كوشكىن ءتۇسىپ، قاتىناۋعا مۇمكىندىك بولماعان، كورىنىس رايونىنداعى كەيبىر وڭىرلەرگە بارۋعا بولماي قالعان. 1 - ايدىڭ 15 - كۇنى جەرگىلىكتى ورىنداعى قاتىستى تاراۋلار اتالعان كورىنىس رايونىنداعى جالدىڭ ءۇيى وڭىرىندە قار توسىپ قالعان جولدى تازالاپ، 92 ادامنىڭ تاۋلى وڭىردەن جوتكەلۋىنە كەپىلدىك ەتكەن.
التاي ايماقتىق تاس جولدى باسقارۋ مەكەمەسىنىڭ باستىعى جاۋ جينشىڭنىڭ تانىستىرۋىنشا، بىرنەشە كۇننەن بەرى، جولدى تۇتاستىرۋعا جاۋاپتى ءارقايسى ورىندار قاردى تازالاپ جولدى تۇتاستىرۋ جۇمىسىن ۇزدىكسىز ورىستەتكەن، قازىرگە دەيىن قار كوشكىنىنە قاتىستى 328 كيلومەتر جولدى تازالاعان، تازالانىپ بولماعان 22 كيلومەتر جول بولىگى قازىر تۇتاستىرىلۋدا. 1 - ايدىڭ 15 - كۇنى تۇستە، بۋىرشىن اۋدانىنىڭ اۋدان قالاشىعىنان قاناس كورىنىس رايونىنداعى جالدىڭ ءۇيى وڭىرىنە باراتىن تاس جولدا قاتىناس قالپىنا كەلتىرىلگەن، سول وڭىردە بوگەلىپ قالعان ساياحاتشىلاردان مەن قىزمەتكەرلەردەن، جەرگىلىكتى بۇقارادان جيىنى 92 ادام تاۋلى وڭىردەن جوتكەلگەن.
تاس جول تۇتاستىرىلماي تۇرعاندا، قاناس كورىنىس رايونىن باسقارۋ كوميتەتى بوگەلىپ قالعان ساياحاتشىلاردى ازىق - تۇلىكپەن، قونالقىمەن جانە ەمدەۋ جاعىنداعى قىزمەت وتەۋمەن قامداعان ءارى قاردى تازالاۋعا قاتىستى قىزمەتتەردى دەر كەزىندە حابارلاپ وتىرعان. گۋاڭدۇڭنان كەلگەن ساياحاتشى چىن حاۋۋىننىڭ ايتۋىنشا، ولار بوگەلىپ قالعان مەزگىلدە جەرگىلىكتى ورىن تۇرمىستىق زاتتارمەن قامتاماسىزداندىرۋعا كەپىلدىك ەتكەن. ول: ”قاردى تازالاۋ جاعدايىن ءار كۇنى بىزگە حابارلاپ وتىردى، كوپشىلىك ناقتى جاعدايدى بىلگەن سوڭ، ىشتەي سەنىمدى بولدى“، _ دەدى.
قاناس كورىنىس رايونى قاناس، جالدىڭ ءۇيى، قوم، اققابا سىندى ءتورت وڭىرگە بولىنەدى. 1 - ايدىڭ 14 - كۇنى جەرگىلىكتى ۇكىمەت كورشىلەس قابا اۋدانىنان اققابا قىستاعىنا، قاناس قىستاعىنا باراتىن جولدى تۇتاستىرىپ، 287 ادامنىڭ تاۋلى وڭىردەن حاۋىپسىز جوتكەلىپ، قابا اۋدانىنىڭ اۋدان قالاشىعىنا بارۋىنا كەپىلدىك ەتكەن.
قازىر بۋىرشىن اۋدانىنىڭ اۋدان قالاشىعىنان قوم قىستاعىنا باراتىن تاس جول ءالى دە تازالانۋدا. جاۋ جينشىڭنىڭ تانىستىرۋىنشا، قاردى تازالاۋ بارىسىندا ءالى دە قار كوشكىنى ءتۇسۋ حاۋپى بار، قاتىستى تاراۋلار ۇشقىشسىز ۇشاق ارقىلى تاۋ بەتكەيىندەگى قار قاباتىنىڭ وزگەرىسىن باقىلاۋدا، قار كوشكىنى ءتۇسۋ ىقتيمالدىعى بايقالسا، دەر كەزىندە ەسكەرتۋ بەرىپ، قىزمەتكەرلەردىڭ حاۋىپسىزدىگىنە جانە اسپاپتاردىڭ اقاۋسىزدىعىنا كەپىلدىك ەتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
