«ءوندىرىس حاۋىپسىزدىگى شىرعالاڭىنا قاتىستى ايىپ سالۋ، جازالاۋ تۋرالى بەلگىلەمە» 3 - ايدىڭ 1 - كۇنىنەن باستاپ اتقارىلادى
شىرعالاڭدى مالىمدەمەي جاسىرىپ قالۋ قاتارلى جاعدايلار جونىندە ايقىن بەلگىلەمە شىعارىلعان
2024.01.17 14:33 كەلۋ قاينارى : حالىق تورابى
شۇعىل جاعدايلارعا توتەپ بەرۋ ءىسىن باسقارۋ مينسترلىگى جۋىردا «ءوندىرىس حاۋىپسىزدىگى شىرعالاڭىنا قاتىستى ايىپ سالۋ، جازالاۋ تۋرالى بەلگىلەمەنى» شىعاردى، بيىل 3 - ايدىڭ 1 - كۇنىنەن باستاپ اتقارىلادى.
«ءوندىرىس حاۋىپسىزدىگى شىرعالاڭىنا قاتىستى ايىپ سالۋ، جازالاۋ تۋرالى بەلگىلەمەنىڭ» جالپى مازمۇنى 24 تارماقتان قۇرالادى، شىرعالاڭ تۋىلعان ورىن مەن سول ورىننىڭ باستى جاۋاپتىسىن تۇراقتاندىرۋ كولەمى ايقىندالىپ، قىزمەتكەرلەردىڭ ”وتكەن جىلعى جىلدىق كىرىسى“ جونىندە ايقىن بەلگىلەمە شىعارىلعان، شىرعالاڭدى ”كەشىگىپ مالىمدەۋ، مالىمدەمەي قاعىس قالدىرۋ، جالعان مالىمدەۋ جانە مالىمدەمەي جاسىرىپ قالۋ“ قاتارلى جاعدايلاردىڭ شەت - شەكاراسى ايقىندالعان. اقشالاي ايىپ سالۋ جاعىندا، ءتۇرلى جاعدايلاردى پارىقتاي وتىرىپ، جازالايتىن قۇرىلىمدار مەن قاراجات سوماسى جونىندە بەلگىلەمە شىعارىلعان.
ءتۇرلى جاعدايلارعا باعىتتاي وتىرىپ، «بەلگىلەمەدە» ۇكىم شىعارۋدىڭ ولشەمى ايقىندالعان.
تۋىلىپ بولعان شىرعالاڭدى جاسىرىپ قالىپ، بەلگىلەنگەن ۋاقىت شەگى ىشىندە شۇعىل جاعدايلارعا قاتىستى ىستەردى باسقارۋ تاراۋلارىنا، كەن حاۋىپسىزدىگىن باقىلاۋ قۇرىلىمدارىنا جانە قاتىستى تاراۋلارعا مالىدەمەسە، تەكسەرۋ ارقىلى شىن بولىپ شىقسا، مالىمدەمەي جاسىرىپ قالۋعا جاتادى. بەلگىلەمەدە كەشىگىپ مالىمدەۋ، مالىمدەمەي قاعىس قالدىرۋ، جالعان مالىمدەۋ جونىندە دە ايقىن بەلگىلەمە شىعارىلعان.
ەرەكشە ءىرى شىرعالاڭ تۋىلعان ورىندار مەن ونىڭ قاتىستى جاۋاپتى قىزمەتكەرلەرىنە اقشالاي ايىپ سالۋ سىندى اكىمشىلىك جازا قولدانعاندا، شۇعىل جاعدايلارعا توتەپ بەرۋ ىستەرىن باسقارۋ مينيسترلىگى شىرعالاڭ تۋىلعان ورىن مەن ونىڭ قاتىستى جاۋاپتى قىزمەتكەرىنە اقشالاي ايىپ سالۋ سىندى اكىمشىلىك جازا قولدانۋدى ۇيعارادى. ءىرى شىرعالاڭ، ءبىرشاما ءىرى شىرعالاڭ، ادەتتەگى شىرعالاڭ تۋىلعان ورىندار مەن ونىڭ قاتىستى جاۋاپتى قىزمەتكەرىنە اقشالاي ايىپ سالۋ سىندى اكىمشىلىك جازانى قولدانعاندا، جەكە - جەكە ولكەلىك حالىق ۇكىمەتىنىڭ شۇعىل جاعدايلارعا توتەپ بەرۋ ىستەرىن باسقارۋ تاراۋلارى، رايونعا بولىنگەن قالا دارەجەلى حالىق ۇكىمەتىنىڭ شۇعىل جاعدايلارعا توتەپ بەرۋدى باسقارۋ تاراۋلارى مەن اۋدان دارەجەلى حالىق ۇكىمەتىنىڭ شۇعىل جاعدايعا توتەپ بەرۋدى باسقارۋ تاراۋلارى بەلگىلەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
