اجىراسقاننان كەيىن قالىڭمالدى قايتارىپ بەرۋ كەرەك پە؟ ەڭ جوعارى حالىق سوتى قاتىستى ماسەلەلەردى ايقىندادى
2024.01.19 15:06 كەلۋ قاينارى : حالىق تورابى
قالىڭمال الۋ — ەلىمىزدىڭ ءداستۇرلى سالتى، جۋىرداعى جىلداردان بەرى جەر - جەردە قالىڭمال الۋعا قاتىستى داۋ - شار دەلولارىنىڭ سانى ارتۋ اۋقىمى بايقالدى. وسى جونىندە ەڭ جوعارى حالىق سوتى 1 - ايدىڭ 18 - كۇنى قالىڭمالعا قاتىستى داۋ - شار دەلولارىن انىقتاۋعا قولدانىلاتىن زاڭدارداعى ءبىرقانشا ماسەلە تۋرالى بەلگىلەمەنى جاريالاپ، كەسىم جاساۋ جونىندەگى بەلگىلەمەنى ايقىنداۋ ارقىلى حالىق بۇقاراسىن قالىڭمال ماسەلەسىنە اناعۇرلىم بايسالدىلىقپەن قاراۋعا جەتەلەدى. بەلگىلەمە 2024 - جىلى 2 - ايدىڭ 1 - كۇنىنەن باستاپ اتقارىلادى.
بەلگىلەمەدە ۇيلەنۋدى جەلەۋ ەتىپ مال - مۇلىك الۋعا تۋى ايقىن تۇردە قارسى تۇرعان، بەلگىلەمەدە مىنالار ايقىندالعان: ءبىر جاق قالىڭمال الۋ دەگەن اتپەن ۇيلەنۋدى جەلەۋ ەتىپ مال - مۇلىك العان بولسا، ەندى ءبىر جاق قايتارىپ بەرۋدى تالاپ ەتسە، حالىق سوتى مەكەمەسى قولداۋى كەرەك.
بەلگىلەمەگە ساي، حالىق سوتى قالىڭمالعا قاتىستى داۋ - شار دەلوسىن انىقتاعان كەزدە، ءبىر جاقتىڭ ەندى ءبىر جاققا مال - مۇلىك بەرۋ ماقساتىنا نەگىزدەلە وتىرىپ، ەكى جاق تۇرعان جەردىڭ سالت - ساناسى، مال - مۇلىكتى بەرگەن ۋاقىت پەن بەرۋ ءتاسىلى، مال - مۇلىكتىڭ قۇنى، بەرۋشى مەن الۋشى قاتارلى جاعدايلاردى تولىق ويلاستىرا وتىرىپ، قالىڭمال بەرۋ كولەمىن تۇراقتاندىرۋى كەرەك.
بەلگىلەمەدە تاعى مىنالار ايقىندالعان: ءبىر جاق ەندى ءبىر جاققا مەرەكە، تۋعان كۇن قاتارلى ەرەكشە ەسكە ءتۇسىرۋ ءمانى بار كۇندەردە اسا قىمبات ەمەس تارتۋ ۇسىنسا، سالەم - ساۋقىت بەرسە، ماحابباتىن ءبىلدىرۋ نەمەسە بەكەمدەۋ ماقساتىندا كۇندەلىكتى تۇتىنۋ سيپاتىندا قاراجات جۇمساسا، سونداي - اق، قۇنى جوعارى ەمەس مال - مۇلىك بەرسە، قالىڭمال كولەمىنە جاتپايدى.
سونىمەن بىرگە، قالىڭمالدى قايتارىپ بەرۋ تۋرالى بەلگىلەمەلەردى دە اناعۇرلىم كەمەلدەندىرگەن، ەكى جاق ۇيلەنۋگە تىركەلگەن ءارى بىرگە تۇرمىس كەشىرگەن بولسا، ەكەۋى اجىراسقان كەزدە ولاردىڭ بىرەۋى سالت بويىنشا قارسى جاققا بەرگەن قالىڭمالدى قايتارىپ الۋدى تالاپ ەتسە، حالىق سوتى مەكەمەسى ادەتتە بۇعان قولداۋ كورسەتپەيدى.
الايدا، ەگەر بىرگە تۇرمىس كەشىرگەن ۋاقىتى ءبىرشاما قىسقا ءارى قالىڭمال سوماسى وتە جوعارى بولسا، حالىق سوتى مەكەمەسى قالىڭمالدى ءىس جۇزىندە قالاي پايدالانعانىنا جانە قارسى جاقتىڭ قانداي جاساۋ بەرگەنىنە نەگىزدەلىپ، قالىڭمالدىڭ سوماسى، بىرگە تۇرمىس كەشىرۋ جانە بالالى بولۋ جاعدايى، ەكى جاقتىڭ وتكىزگەن قاتەلىگى قاتارلى جاعدايلاردى جان - جاقتى ويلاستىرا وتىرىپ، جەرگىلىكتى ورىننىڭ سالت - ساناسىمەن ۇشتاستىرىپ، قالىڭمالدى قايتارۋ كەرەك پە، قايتارۋ كەرەك بولسا، قانشالىق قايتارۋ كەرەك دەگەن ماسەلەلەردى تۇراقتاندىرادى.
ەكى جاق ۇيلەنۋگە تىركەلۋدى ءالى ورىنداماعانىمەن، بىرگە تۇرمىس كەشىرگەن بولسا، بىرەۋى سالت - سانا بويىنشا قارسى جاققا بەرگەن قالىڭمالدى قايتارىپ الۋدى تالاپ ەتسە، حالىق سوتى مەكەمەسى قالىڭمالدى ءىس جۇزىندە قالاي پايدالانعانى ءارى جاساۋ بەرۋ جاعدايى قاتارلىلارعا نەگىزدەلە وتىرىپ، بىرگە تۇرمىس كەشىرۋ جانە بالالى بولۋ جاعدايى، ەكى جاقتىڭ وتكىزگەن قاتەلىگى قاتارلى جاعدايلاردى جان - جاقتى ويلاستىرىپ، سول جەردىڭ جاعدايىمەن ۇشتاستىرىپ، قالىڭمالدى قايتارىپ بەرۋى قاجەت، ياكي، قاجەت ەمەس ەكەنىن، سونداي - اق، قايتارىپ بەرۋدىڭ ناقتى ولشەمىن تۇراقتاندىرادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
