ەلىمىز قوعامدىق ۇيىمداردىڭ اتى جونىندە تۇڭعىش رەت ءبىرتۇتاس بەلگىلەمە شىعاردى
كاسىپ (شارۋاشىلىق ىستەرى) سالاسىندا ”ءبىرىنشى“، ”ەڭ جوعارى“ قاتارلى الجاستىراتىن سوزدەردى پايدالانۋعا بولمايدى
2024.01.18 13:14 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى گاۋ لەي 1 - ايدىڭ 17 - كۇنى بەيجيڭنەن حابارلايدى. ءتىلشىنىڭ حالىق ىستەرى مينيسترلىگىنەن ۇعىسۋىنشا، «قوعامدىق ۇيىمداردىڭ اتىن باسقارۋ ءادىسى» جۋىردا جاريالانعان، 2024 - جىلى 5 - ايدىڭ 1 - كۇنىنەن باستاپ اتقارىلادى. ادىستە قوعامدىق ۇيىمداردىڭ اتى جونىندە تۇڭعىش رەت ءبىرتۇتاس بەلگىلەمە شىعارىلعان.
حالىق ىستەرى مينيسترلىگىنىڭ قاتىستى جاۋاپتىسىنىڭ تانىستىرۋىنشا، ەلىمىزدە جيىنى 900 مىڭعا جۋىق قوعامدىق ۇيىم بار، ولار قوعامدىق توپتار، قور قوعامى جانە حالىق باسقارۋىنداعى كاسىپورىنعا جاتپايتىن ورىندار سىندى ءۇش تۇرگە بولىنەدى. وسى رەت ورتاعا قويىلعان ادىستە قوعامدىق توپتاردىڭ اتى جونىندە جۇيەلى بەلگىلەمە شىعارىلعان، بۇل قوعامدىق ۇيىمداردىڭ اتىنا قاتىستى ءبىرتۇتاس باسقارۋ ءتۇزىمىن قالىپتاستىرۋعا پايدالى.
ادىستە مىنالار ايقىندالعان: مەملەكەتتىك كەڭەستىڭ حالىق ىستەرى تاراۋلارى قوعامدىق ۇيىمداردىڭ اتىن تىركەگەندە مەملەكەتتىڭ قاتىستى بەلگىلەمەلەرىنە ساي تەكسەرىپ بەكىتكەن بولسا، ”جۇڭگو“، ”مەملەكەتتىك“، ”جۇڭحۋا“ قاتارلى سوزدەردى قوسۋعا بولادى. اۋدان دارەجەلىدەن جوعارى جەرگىلىكتى حالىق ۇكىمەتتەرىنىڭ تىركەۋدى باسقارۋ ورگاندارى تىركەگەن قوعامدىق ۇيىمداردىڭ اتىندا ”جۇڭگو“، ”مەملەكەتتىك“، ”جۇڭحۋا“، ”حالىقارالىق“، ”دۇنيە جۇزىلىك“ قاتارلى سوزدەر بولسا، بۇل سوزدەر كاسىپ (شارۋاشىلىق ىستەرى) سالاسىنداعى شەكتەۋلى تۇردە بەلگىلەنگەن سوزدەر بولۋى ءارى مەملەكەتتىڭ قاتىستى بەلگىلەمەلەرىنە ۇيلەسۋى كەرەك. قوعامدىق ۇيىمداردىڭ اتىنداعى كاسىپ (شارۋاشىلىق ىستەرى) سالاسىن بىلدىرەتىن سوزدەرگە ”ءبىرىنشى“، ”ەڭ جوعارى“، ”مەملەكەت دارەجەلى“ قاتارلى الجاستىراتىن سوزدەردى پايدالانۋعا بولمايدى، الايدا باسقا ءمان بەرەتىن جاعدايلار بۇعان جاتپايدى.
ادىستە قوعامدىق ۇيىمداردىڭ اتىندا تابيعي تۇلعالاردىڭ ەسىمىن قولدانۋ قاتارلىلار دا جۇيەگە تۇسىرىلگەن. ادىستە بىلاي دەپ بەلگىلەنگەن: قوعامدىق توپتاردىڭ اتىن ادەتتە تابيعي تۇلعالاردىڭ اتىمەن اتاۋعا بولمايدى، شىنىمەن دە قاجەت بولعان جاعدايدا، تەك عىلىم - تەحنيكا، مادەنيەت، دەنساۋلىق ساقتاۋ، وقۋ - اعارتۋ، كوركەمونەر سالالارىندا كەلەلى ۇلەس قوسقان، ەل ءىشى - سىرتىندا اتى ايگىلى ادامداردىڭ ەسىمىن قولدانۋعا بولادى. قور قوعامى، حالىق باسقارۋىنداعى كاسىپورىنعا جاتپايتىن ورىنداردىڭ اتىندا تابيعي تۇلعانىڭ ەسىمىن قولدانسا، تابيعي تۇلعانىڭ رۇقساتىن الۋى كەرەك. قايتىس بولعان ايگىلى ادامنىڭ اتىن قولدانسا، اتالعان ايگىلى ادام قاتىستى الەۋمەتتىك يگىلىك سالاسىندا كەلەلى ۇلەس قوسقان بولۋى، ەل ءىشى - سىرتىندا اتى ايگىلى ادام بولۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
