B تيپتى ۆلترا دىبىستىق تەكسەرۋ، CT تەكسەرۋ باعاسى تومەندەدى
شينجياڭ ۇيعۇر اۆتونوميالى رايونى 352 ءتۇرلى ەمدەۋ قىزمەت وتەۋ نىسانىنىڭ باعاسىن يكەمدى رەتتەدى
2024.01.18 14:43 كەلۋ قاينارى : حالىق تورابى
1 – ايدىڭ 16 – كۇنى ءتىلشىنىڭ شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسىنەن ۇعىسۋىنشا، شينجياڭ ۇيعۇر اۆتونوميالى رايونى ادەتتەگى امبالاتوريادا دياگنوز قويۋ، تەكسەرۋ اقىسى سياقتى 352 ءتۇرلى ەمدەۋ قىزمەت وتەۋ نىسانىنىڭ باعاسىن يكەمدى رەتتەگەن، سونداي - اق قاتىستى نىسانداردىڭ ەمدەۋ قامسىزداندىرۋىنىڭ تولەۋ ولشەمىن بىرگە رەتتەگەن، يكەمدى رەتتەۋ باعاسىندا جوعارىلاۋ، تومەندەۋ بولعان، قازىر رەسمي باستاپ اتقارىلدى.
شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسى شينجياڭ ۇيعۇر اۆتونوميالى رايوندىق دەنساۋلىق ساقتاۋ سالاماتتىق كوميتەتى سياقتى قاتىستى تاراۋلارمەن بىرگە تەكسەرۋ - زەرتتەۋ، ەسەپتەۋ، كوپ جاقتان پىكىر الۋ نەگىزىندە، جالپى مولشەرىن تىزگىندەۋ، تۇرگە ءبولىپ رەتتەۋ، ءوسىرۋ، تومەندەتۋ پرينسيبى بويىنشا، 352 ءتۇرلى ەمدەۋ قىزمەت وتەۋ نىسانىنىڭ باعاسىن رەتتەدى، مۇنىڭ ىشىندە تەكسەرۋ تۇرىندەگى نىسان 59 ءتۇر، دياگنوز قويۋ، تەكسەرۋ تۇرىندەگى نىسان 4 ءتۇر، كۇتىمدەۋ تۇرىندەگى نىسان 16 ءتۇر، پاتولوگيالىق تۇردەگى نىسان 14 ءتۇر، كلينيكالىق ەمدەۋ تۇرىندەگى نىسان (ەمدەۋ جانە وپەراتسيا) 218 ءتۇر، جۇڭگوشا شيپاگەرلىك پەن ۇلتتىق شيپاگەرلىك تۇرىندەگى نىسان 41 ءتۇر.
وسى رەتكى رەتتەۋدە جابدىق، ماتەريال سارىبىن نەگىز ەتكەن تەكسەرۋ تۇرىندەگى نىسانداردىڭ باعاسى تومەندەتىلدى، ماگنيتتىك جاڭعىرىقپەن جايمالاۋ(MRI) Xساۋلەلى كومپيۋتەرمەن دەنە قاباتىن (CT) جايمالاۋ، B تيپتى ۆلترا دىبىستىق تەكسەرۋ، رەڭدى دوپپلەر ۆلترا دىبىستىق تەكسەرۋ سياقتى ءىرى تۇرپاتتى جابدىقتاردىڭ باعاسى ورتا ەسەپپەن %20 تومەندەدى، 3 - دارەجەلى ەمدەۋ قۇرىلىمىنىڭ ماگنيتتىك جاڭعىرىقپەن جايمالاۋ باعاسى 468 يۋاننان 374 يۋانعا تومەندەدى، B تيپتى ۆلترا دىبىستىق قۇرساق ءبولىمىن داعدىلى تەكسەرۋ 40 يۋاننان 32 يۋانعا تومەندەدى، رەڭدى دوپپلەر ۆلترا دىبىستىق قۇرساق ءبولىمىن داعدىلى تەكسەرۋ 150 يۋاننان 120 يۋانعا تومەندەدى، بۇقارانىڭ ەمدەلۋ اۋىرتپالىعىن اناعۇرلىم جەڭىلدەتتى.
شينجياڭ ۇيعۇر اۆتونوميالى رايوندىق ەمدەۋدى قامتاماسىزداندىرۋ مەكەمەسىنىڭ قاتىستى جاۋاپتىسى تانىستىرىپ بىلاي دەدى: ورتالىقتىڭ ەمدەۋ قىزمەت وتەۋ باعاسى رەفورماسىن جاپپاي تەرەڭدەتۋ تالابىنا ساي، وسى رەتكى رەتتەۋدە دياگنوز قويۋ، تەكسەرۋ، كۇتىمدەۋ، جۇڭگوشا شيپاگەرلىك سياقتى ەمدەۋ قىزمەتكەرلەرىنىڭ تەحنيكالىق ەڭبەك قۇنىن ايگىلەيتىن ەمدەۋ قىزمەت وتەۋ نىساندارىنا باسا ءمان بەرىلدى، رەتتەۋ نىساندارى تۇگەلدەي ەمدەۋ قامسىزداندىرۋىنداعى تولەۋ نىسانىنا جاتادى، ناۋقاستاردىڭ ەمدەۋ قاراجاتى اۋىرتپالىعى نورمادان تىس ارتپادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
