مەملەكەتتىك تەمىر جول سەرىكتەستىگى ءۇرىمجى بولىمشە مەكەمەسى: اۋا رايىنىڭ ىقپالى سەبەبىنەن قاتىناۋدان توقتاتىلعان جولاۋشىلار پويەزى قايتادان جولعا شىعا باستادى
2024.02.19 13:38 كەلۋ قاينارى : حالىق تورابى
ءتىلشىنىڭ مەملەكەتتىك تەمىر جول سەرىكتەستىگى ءۇرىمجى بولىمشە مەكەمەسىنەن ۇعىسۋىنشا، اۋا رايىنىڭ بىرتىندەپ جاقسارۋىنا بايلانىستى، وسىنىڭ الدىندا قاتىناۋى توقتاتىلعان جولاۋشىلار پويەزدەرى 2 – ايدىڭ 18 – كۇنى قايتا جولعا شىعا باستاعان.
ساپارلايتىن جولاۋشىلاردىڭ مول بولۋىنا باعىتتاي وتىرىپ، شينجياڭ تەمىر جول تاراۋلارى تاسىمال جاعىندا قىزمەت وتەۋ جانە قامتاماسىزداندىرۋ قىزمەتىن كۇش سالا ويداعىداي ىستەگەن. بەكەتكە كىرۋ – شىعۋ ەسىگى جانە اۆتوماتتى بەلەت ساتۋ ورنى قاتارلى ماڭىزدى ورىنداردا قىزمەتكەرلەردى كوبەيتىپ، جەتەكشىلىك ەتۋدى، ۇيىمداستىرۋدى جانە قاجەتى تۇسكەن جولاۋشىلارعا قىزمەت وتەۋدى ويداعىداي ىستەيدى. جولاۋشى تاسىمالى جەلىسىن اناعۇرلىم جاقسارتىپ، جولاۋشىلاردىڭ پويەزگە وتىرۋى جانە ءتۇسۋى جاعىنداعى ۇيىمداستىرۋدى كۇشەيتىپ، جولاۋشىلاردىڭ پويەزگە وتىرۋىنىڭ جانە بەكەتكە كىرۋىنىڭ، بەكەتتەن شىعۋىنىڭ تەز ءارى ءتارتىپتى بولۋىنا كۇش سالا كەپىلدىك ەتەدى.
شينجياڭ تەمىر جول تاراۋلارى بارشا جولاۋشى دوستارعا بەكەتكە كىرۋ، پويەزدى توسۋ بارىسىندا تارتىپكە بويسۇنۋدى، پويەزگە شىققاندا وركەنيەتتى بولۋدى، كيمەلەمەۋدى، سونىمەن بىرگە، تەمىر جولداعى جولاۋشىلارعا قىزمەت وتەيتىن 12306 تەكشەسىنە نەمەسە ”شينجياڭ تەمىر جولى“ رەسمي ميكروبلوگىنا تىركەلۋ، پويەز بەكەتىندەگى ەكراننان كورۋ، راديونى تىڭداۋ، حابارلاندىرۋدى كورۋ قاتارلىلار ارقىلى پويەزدىڭ قاتىناۋ جاعدايىن ۇعىسىپ، ساپاردى الدىن الا ورنالاستىرۋدى ەسكەرتەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
