لي چياڭ مەملەكەتتىك كەڭەستىڭ ءۇشىنشى جالپى ءماجىلىسىن باسقارىپ اشتى
«ۇكىمەت قىزمەتىنەن باياندامانىڭ» نۇسقاسىن تالقىلاپ، جىلدىق قىزمەتتى ويداعىداي ىستەۋگە جۇمىلدىردى
2024.02.19 15:49 كەلۋ قاينارى : حالىق تورابى
شينحۋا اگەنتتىگى، 2 - ايدىڭ 18 – كۇنى، بەيجيڭ. مەملەكەتتىك كەڭەستىڭ زۇڭليى لي چياڭ 2 - ايدىڭ 18 - كۇنى مەملەكەتتىك كەڭەستىڭ ءۇشىنشى جالپى ءماجىلىسىن باسقارىپ اشىپ، 14 - كەزەكتى مەملەكەتتىك حالىق قۇرىلتايى 2 - ءماجىلىسىنىڭ قاراۋىنا ۇسىنىلاتىن ۇكىمەت قىزمەتىنەن باياندامانى تالقىلادى ءارى جىلدىق قىزمەتتى ويداعىداي ىستەۋ جونىندە جۇمىلدىردى.
لي چياڭ بىلاي دەپ اتاپ كورسەتتى: مەملەكەتتىك حالىق قۇرىلتايىنا قىزمەتتەن بايانداما جاساۋ − مەملەكەتتىك كەڭەستىڭ زاڭدا بەلگىلەنگەن مىندەتى، ساپالى ۇكىمەت قىزمەتىنەن بايانداما قالىپتاستىرۋ ءار جاقتىڭ ورتاق تانىمى مەن كۇش - قۋاتىن ۇيىستىرۋدا ماڭىزدى رول اتقارادى. قوعام كوڭىل ءبولىپ وتىرعان ماسەلەلەرگە بەلسەنە جاۋاپ قايتارىپ، ءار جاقتىڭ پىكىرىن تولىق تىڭداپ، باياندامانى اناعۇرلىم ويداعىداي وڭدەۋ كەرەك.
لي چياڭ مىنالاردى اتاپ كورسەتتى: وسى كەزەكتى ۇكىمەت مىندەت وتەگەن العاشقى مەزگىلدە تۋدى ايقىن ۇستاي وتىرىپ پارتيا ورتالىق كوميتەتىنىڭ شەشىمدەرىن، ورنالاستىرۋلارىن ويداعىداي دايەكتىلەندىرەتىن اتقارۋشى، ارەكەت جاساۋشى، ىسكەر بولۋدى العا قويدى. وتكەن ءبىر جىلدا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، مەملەكەتتىك كەڭەس وسى ورىندى مىقتى يگەرىپ، ءتۇرلى قىزمەتتەردى تىڭعىلىقتى ىلگەرىلەتتى. مەيلى بيىلعى قىزمەت بارىسىندا بولسىن، الدە وسى كەزەكتى ۇكىمەتتىڭ تۇتاس مىندەت وتەۋ مەرزىمىندە بولسىن، ءسوز جوق، وسى ورىندى تاباندىلىقپەن امالياتتا ايگىلەۋ، سونداي - اق مىندەت اتقارىپ، جاۋاپكەرلىكتى ادا ەتۋ بارىسىندا امالياتتىق ءمانىن ۇزدىكسىز بايىتىپ، تىڭ ورلەۋدى جۇزەگە اسىرۋ كەرەك.
لي چياڭ بىلاي دەپ دارىپتەدى: جىل ەسەبى كوكتەمدە. كوكتەم مەرەكەسى دەمالىسى ءوتتى، مەملەكەتتىك كەڭەستىڭ تاراۋلارى ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋىنا ساي، قىزمەت كۇيىنە جەدەل قادام تاستاپ، ءتۇرلى قىزمەتتەردى مىقتى، ناقتى يگەرىپ، ساپالى دامۋدا تىڭ تابىستارعا قول جەتكىزۋدى قۇلشىنا ىلگەرىلەتۋى كەرەك. ءبىرىنشى، سەنىمدى بەكەمدەپ، قايراتتى تاسقىنداتىپ، ءىس تىندىرىپ، يگىلىك جاراتۋ رۋحىن ونان ارى سەرپىلتىپ، تاسقىنداعان قىزمەت ىنتاسىمەن قىزمەتكە كىرىسىپ، بۇقارا مەن كاسىپورىندار كوڭىل ءبولىپ وتىرعان ءىس جۇزىندىك ماسەلەلەردى شەشۋدى قىزمەت جاعدايىن اشۋدىڭ قامال الۋ ءتۇيىنى ەتىپ، سەنىم مەن مەجەنى سەرپىلتۋگە ءتيىمدى ىستەردى كوبىرەك ىستەپ، ساياسات بەلگىلەۋ مەن اتقارۋدىڭ بىردەيلىگىن، ورنىقتىلىعىن ساقتاپ، ناقتى دا پارمەندى ارەكەت ارقىلى تۇتاس قوعامنىڭ سەنىمىن سەرپىلتۋ كەرەك. ەكىنشى، ناقتى ءىس ىستەۋدى ماڭداي الدى ورىنعا قويىپ، ۋاقىتپەن جارىسىپ، شىنايى يگەرىپ، ناقتى ىستەۋ بەتالىسىن بەرىك ورناتىپ، ”قاي - قاشان دا قام جەپ تۇراتىن“ جاۋاپكەرلىك سەزىمىن ”بارلىق ىستە كوڭىلدە تومەنگى شەك بولۋ“ سىندى ارەكەت قوزعاۋشى كۇشىنە شىن مانىندە اينالدىرىپ، قىزمەتتىڭ ۇتىمدى ورايىن قۇلشىنا مىقتى يگەرىپ، ءتۇرلى قىزمەتتەردە تەز ارادا ناقتى ونىمدىلىككە قول جەتكىزۋگە كۇش سالىپ، ناقتى ءىس ىستەۋ، ناقتى ناتيجە جاراتۋ ارقىلى حالىقتىڭ سەنىمىنە يە بولىپ، ەڭ سوڭعى ونىمدىلىكتىڭ پارتيا ورتالىق كوميتەتىنىڭ شەشىم - ماقساتىنا ۇيلەسۋىنە شىنايى كەپىلدىك ەتۋ كەرەك. ءۇشىنشى، قيىنشىلىقتان تايسالماي، قامال الىپ، قيىنشىلىقتاردى جەڭىپ، جۇيە كوزقاراسى بويىنشا قىزمەتتى ىشكەرىلەي جوسپارلاپ جانە ىلگەرىلەتىپ، العا باسۋ بارىسىنداعى ماسەلەلەردى رەفورما ءادىسى ارقىلى شەشۋدە تاباندى بولىپ، وي قالىبى مەن جولعا يەك سۇيەۋدى باتىلدىقپەن تالقانداپ، قىزمەتتىڭ جاسامپازدىق، جەتەكشىلىك سيپاتىن ۇزدىكسىز كۇشەيتىپ، قايشىلىقتار مەن ماسەلەلەردىڭ شەشىلۋىن بار كۇشپەن ىلگەرىلەتۋ كەرەك. ءتورتىنشى، ونىمدىلىكتى جوعارىلاتىپ، بىرىككەن كۇشتى كۇشەيتىپ، جالپى جاعداي تانىمىن، جالپى جاعداي كوزقاراسىن اناعۇرلىم كۇشەيتىپ، قىزمەتتى ىرىقتىلىقپەن العا ىلگەرىلەي وتىرىپ يگەرىپ، ماكرولىق ساياسات بەتالىسىنىڭ بىردەيلىگىن باعالاۋ مەحانيزمىنەن ويداعىداي پايدالانىپ، اكىمشىلىك قىزمەت وتەۋدىڭ ”ءبىر ءىستى جوعارى ونىمدىلىكپەن تىندىرۋ“ مەحانيزمىن كەمەلدەندىرىپ، جابىق باسقارۋ مەحانيزمىن ورناتىپ جانە كەمەلدەندىرىپ، تياناقتاندىرىپ، تۇتاس تۇلعالىق اكىمشىلىك ونىمدىلىكتى ۇزدىكسىز جوعارىلاتۋ كەرەك.
مەملەكەتتىك كەڭەس جالپى ءماجىلىسىنىڭ قۇرامىنداعىلار ماجىلىسكە قاتىناستى، قاتىستى تاراۋلاردىڭ، ورىنداردىڭ جاۋاپتىلارى ماجىلىسكە سىرتتاي قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
