كوكتەم مەرەكەسى دەمالىسىندا ەل ىشىندەگى ساياحاتتاۋشىلار، ساپارلاۋشىلار 474 ميلليون ادام - رەتكە جەتتى (جاڭا ساندى مالىمەت، جاڭا ءتۇيىن)
تۇتاس قوعامدا ءوڭىر اتتاعان ادامداردىڭ اعىلۋ مولشەرى جيىنى 2 ميلليارد 293 ميلليون ادام - رەت بولدى
2024.02.19 15:50 كەلۋ قاينارى : حالىق تورابى
«حالىق گازەتى»، 2 - ايدىڭ 18 - كۇنى، بەيجيڭ. مادەنيەت جانە ساياحات مينيسترلىگىنىڭ ساندى مالىمەت ورتالىعى 2 - ايدىڭ 18 - كۇنى ەسەپتەگەندە، كوكتەم مەرەكەسى دەمالىسىندا ەل ىشىندە 474 ميلليون ادام - رەت ساياحاتقا، ساپارعا شىعىپ، سايكەس مەزگىلدەگىدەن %34.3 ارتقان، سالىستىرمالى ولشەم بويىنشا 2019 - جىلدىڭ ۇقساس مەزگىلىندەگىدەن %19.0 ارتقان؛ ەل ىشىندەگى ساياحاتشىلاردىڭ، ساپارلاۋشىلاردىڭ جۇمساعان جالپى قاراجاتى 632 ميلليارد 687 ميلليون يۋان بولىپ، سايكەس مەزگىلدەگىدەن %47.3 ارتقان، سالىستىرمالى ولشەم بويىنشا 2019 – جىلدىڭ سايكەس مەزگىلىندەگىدەن %7.7 ارتقان؛ شەكارادان كىرىپ – شىعۋ ساياحاتى شامامەن 6 ميلليون 830 مىڭ ادام – رەت بولعان، مۇنىڭ ىشىندە شەكارادان شىعۋ ساياحاتى شامامەن 3 ميلليون 600 مىڭ ادام – رەت، شەكارادان كىرۋ ساياحاتى شامامەن 3 ميلليون 230 مىڭ ادام – رەت بولعان.
2024 - جىلعى جالپىلىق تاسىمال كوكتەم مەرەكەسى كەزىندەگى تاسىمال قىزمەتى ارناۋلى توبى 2 – ايدىڭ 18 - كۇنى جاريالاعان ساندى مالىمەتتە كورسەتىلۋىنشە، كوكتەم مەرەكەسى دەمالىسىندا تۇتاس قوعامدا ءوڭىر اتتاعان ادامداردىڭ اينالىم مولشەرى 2 ميلليارد 293 ميلليون ادام - رەت بولعان. ناقتىلاپ ايتقاندا، تەمىر جول جولاۋشى تاسىمال مولشەرى 99 ميلليون 460 مىڭ ادام - رەت، تاس جول جولاۋشى تاسىمال مولشەرى 2 ميلليارد 166 ميلليون 550 مىڭ ادام - رەت، سۋ جولى جولاۋشى تاسىمال مولشەرى 9 ميلليون 410 مىڭ ادام - رەت، حالىقتىق اۆياتسيا جولاۋشى تاسىمال مولشەرى 17 ميلليون 990 مىڭ ادام – رەت بولعان.
كوكتەم مەرەكەسىنىڭ مادەنيەت لەبى ەسىپ، ءداستۇرلى مادەنيەت تۇلەدى. ءتۇرلى ادەبيەت - كوركەمونەر ويىندارى مەن الەۋمەتتىك مادەنيەت قيمىلدارى كەڭ كولەمدە ورىستەتىلىپ، ەرەكشە بەيزاتتىق ءداستۇرلى سالت - سانا مەرەكەلىك رايى قالىپتاستى، كوكتەم مەرەكەسىندەگى شىراق ساۋىعى، ايداعار ءبيى، بۇتحانا جارمەنكەسى، بەيزاتتىق مادەني مۇرالار الاڭى سياقتى قيمىلدار ساياحاتشىلاردىڭ كوكتەم مەرەكەسىندە ساياحاتقا شىعۋداعى ماڭىزدى تالعامىنا اينالدى، ءوتىمدى مۇراجايلار ۇزدىكسىز دۋمانعا بولەندى. العاشقى ساناققا قاراعاندا، بۇكىل ەل بويىنشا قىستاق كەشى، تەاتردى اۋىل - قىستاققا جەتكىزۋ، جاڭا جىل سۋرەت قيمىلى، كىتاپحانادا شاعان وتكىزۋ سياقتى بۇقارالىق مادەنيەت قيمىلدارى شامامەن 150 مىڭ مايدان وتكىزىلىپ، جەلى ءىشى - سىرتىندا شامامەن 669 ميلليون ادام - رەت قاتىناسقان. كوكتەم مەرەكەسى دەمالىسىندا بۇكىل ەل بويىنشا تيجارات سيپاتتى ويىن قويۋ رەت سانى 16 مىڭ 300 مايدانعا جەتىپ، سايكەس مەزگىلدەگىدەن %52.10 ارتقان؛ تاماشالاعان ادام سانى 6 ميلليون 576 مىڭ 500 ادام - رەتكە جەتىپ، سايكەس مەزگىلدەگىدەن %77.71 ارتقان.
ساياحات بازارىنىڭ ومىرشەڭدىك كۇشى تاسقىنداپ، دەمالىس كەزىندەگى تۇتىنۋ ۇزدىكسىز جوعارىلادى. حۋنان، گۋاڭدۇڭ، گۋاڭشي، سىچۋان، گۇيجوۋ سياقتى نىسانالى جەرلەردە تۇتىنۋ جوعارىلادى؛ ىشكى موڭعۇل، لياۋنيڭ، جيلين، حيلۇڭجياڭ، شينجياڭ سياقتى جەرلەر مول قار - مۇز بايلىعىنا سۇيەنىپ ەرەكشە قيمىلدار وتكىزىپ، قار - مۇز ساياحاتى تۇتىنۋىنىڭ جاڭا ءتاسىلىن بايىتتى. قىزىل ساياحات كوكتەم مەرەكەسى دەمالىسىندا ساياحاتتىڭ جاڭا كورىنەۋ تۇيىنىنە اينالدى.
مادەنيەت پەن ساياحاتتى توعىستىرۋ جاندانىپ، قىزمەت وتەۋمەن قامداۋ ساپاسى جوعارىلاپ، دارەجەسى كوتەرىلدى. كوپ جەر جاساندى زەردە تەحنيكاسىن تىرەك ەتىپ، قالالاردىڭ، ءتۇيىندى كورىنىس وڭىرلەرىنىڭ جانە ساۋدا شەڭبەرلەرىنىڭ دۋماندى جاعدايىنان الدىن الا مالىمەت بەرۋدى جۇزەگە اسىرىپ، جولاۋشىلار اعىنىنا سايكەسىپ، ساياحاتتىڭ قاۋىرت مەزگىلىندەگى باسقارۋ ونىمدىلىگىن جوعارىلاتىپ، ساياحاتشىلاردىڭ القاۋىنا بولەندى.
(«حالىق گازەتىنىڭ» تىلشىلەرى ۋاڭ كى، جىڭ حاي - وۋ، حان شين، لي شينپيڭ)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
