شينجياڭ كوكتەمگى ءتول الۋ مەزگىلىندەگى ىندەتتەن ساقتانۋ ـ تىزگىندەۋ قىزمەتىن جاپپاي ورىستەتتى
2024.03.13 15:53 كەلۋ قاينارى : حالىق تورابى
جىل ەسەبى كوكتەمدە دەمەكشى، قازىر كوكتەمگى ءتول الۋ كەزىندەگى ىندەتتەن ساقتانۋ ـ تىزگىندەۋ قىزمەتى شينجياڭدا جاپپاي ورىستەتىلۋدە.
قىس پەن كوكتەم الماسقان ساتتە، شينجياڭ حايۋاناتتار ىندەتىنەن ساقتانۋ ـ تىزگىندەۋ ورتالىعى اۆتونوميالى رايوندىق مال شارۋاشىلىعى باس پۋنكتىمەن بىرلەسىپ، 60 نەشە كاسىپتىك ـ تەحنيكالىق قىزمەتكەردى ۇيىمداستىرىپ، 14 ايماق، وبلىس، قالاعا كوكتەمگى ءتول الۋ كەزىندە ىندەتتىڭ الدىن الۋعا جانە ونى تىزگىندەۋگە جانە ٴتولدىڭ قاتارعا قوسىلۋ مولشەرىن جوعارىلاتۋعا تەحنيكالىق قىزمەت وتەۋگە جىبەردى. نەگىزگى ساتىعا بارىپ تاربيەلەۋ، ناق مايداندا ۇلگى كورسەتۋ، سونداي - اق قورعانۋ بۇيىمدارىن تاراتۋ سياقتى فورمالار ارقىلى ەگىنشى - مالشىلار مەن نەگىزگى ساتىداعى اۋرۋدىڭ الدىن الۋ قىزمەتكەرلەرىنىڭ شەشۋشى تەحنيكالىق شارالاردى يگەرۋىنە كومەكتەسىپ، ءتول الۋ مەزگىلىندەگى ساربۋىن اۋرۋىنىڭ جۇعىمدالۋ جانە تارالۋ قاتەرىن ءونىمدى تۇردە تومەندەتىپ، عىلىمي، ارناعا تۇسكەن باعىمشىلىق قابىلەتىن جوعارىلاتىپ، ٴتولدىڭ قاتارعا قوسىلۋ مولشەرىن جوعارىلاتۋعا بەرىك نەگىز قالادى.
ىلە قازاق اۆتونوميالى وبلىسىندا جەرگىلىكتى ورىن ماماندار ۇيىرمەسىن كۋرسقا قاتىناسۋعا ۇسىنىس ەتىپ، كوكتەمگى ءتول الۋ كەزىندەگى ىندەتتىڭ الدىن الۋ جانە ونى تىزگىندەۋ مەن ٴتولدىڭ قاتارعا قوسىلۋ مولشەرىن جوعارىلاتۋ، ەلەۋلى ىندەتتەن ساقتانۋ ـ تىزگىندەۋ، ادام مەن مالعا بىردەي جۇعىمدالۋدان ساقتانۋ جانە ونى ەمدەۋ بىلىمدەرى، سونداي ـ اق قاعازسىز ىندەتتەن ساقتانۋ جۇيەسى سياقتى جاقتارداعى مازمۇنداردى ءتۇسىندىردى، سونداي ـ اق جۇرتتىڭ سۇراۋىنا ناق مايداندا جاۋاپ بەردى. سانجى حۇيزۋ اۆتونوميالى وبلىسىندا 5 ماماننان قۇرالعان بىرلەسكەن قىزمەت وتەۋ گرۋپپاسى نەگىزگى ساتىعا ىشكەرىلەي بارىپ، ءبىلىمدى دارىپتەپ، تەحنيكا جەتكىزىپ، زاتتىق ماتەريالداردى تولىقتاپ، قيىن ماسەلەلەردى شەشىپ، ءوندىرىس بۋىندارىنداعى ساربۋىنمەن جۇعىمدالۋ جانە ونىڭ تارالۋ حاۋىپ ـ قاتەرىن شىنايى تومەندەتتى. قازىرگە دەيىن بۇكىل شينجياڭدا 19 اۋدان، قالا 90 نەشە رەت باۋلۋ، ۇلگى كورسەتۋ قيمىلىن ۇيىمداستىرىپ، 1300 دەن استام ۇگىت ماتەريالىن تاراتىپ، 12 مىڭ 700 دەن استام ماسكى، رازينكە قولعاپ، قورعانۋ كيىمىن تاراتتى.
شينجياڭ ۇيعۇر اۆتونوميالى رايوندىق حايۋاناتتار ىندەتىنەن ساقتانۋ ـ تىزگىندەۋ ورتالىعى، اۆتونوميالى رايوندىق ىندەتتەن ساقتانۋ ـ تىزگىندەۋ ورتالىعى، بيڭتۋان اۋرۋدان ساقتانۋ ـ تىزگىندەۋ ورتالىعى، بيڭتۋان مال شارۋاشىلىعى، مال شيپاگەرلىگى باس پۋنكتى بىرلەسىپ ورنالاستىرىپ ورىستەتكەن وسى رەتكى كوكتەمگى ءتول الۋ كەزىندەگى ىندەتتەن ساقتانۋ ـ تىزگىندەۋ مەرزىمى 2 اي بولادى، وسى مەزگىلدە ءار دارەجەلى مال شارۋاشىلىعى، مال شيپاگەرلىگى، دەنساۋلىق ساقتاۋ، سالاماتتىق سياقتى تاراۋلار ءوزارا اۋىس ـ كۇيىستى كۇشەيتىپ، سەلبەسىپ، بىرلەسىپ ساقتانۋدىڭ بىرىككەن كۇشىن قالىپتاستىرىپ، مال شارۋاشىلىعى ءوندىرىسىنىڭ حاۋىپسىزدىگىن قورعايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2023 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
