وقۋ – اعارتۋ مينيسترلىگى جوعارى مەكتەپتەن وقۋ بىتىرگەندەردىڭ جۇمىستانۋىنا قاتىستى ءتورت ءتۇرلى الدامكوستىكتەن بارىنشا ساقتانۋدى ەسكەرتتى
2024.05.22 13:03 كەلۋ قاينارى : حالىق تورابى
قازىر ءدال جوعارى مەكتەپتەن وقۋ بىتىرگەندەر قىزمەت ىزدەيتىن شەشۋشى ءسات، ءىشىنارا زاڭسىز ەلەمەنتتەر قىزمەتكەر قابىلدايمىز دەگەندى جەلەۋ ەتىپ ”ور“ قازۋى مۇمكىن، الداپ قارجى الۋ، ينفورماتسيا ۇرلاۋ، قىلمىس وتكىزۋگە جەتەلەۋ قاتارلى جاعدايلار ءجيى تۋىلىپ، وقۋ بىتىرگەندەردىڭ جۇمىستانۋ جاعىنداعى ۇقىق – مۇددەسىنە اۋىر دارەجەدە زيان جەتكىزۋدە. وقۋ – اعارتۋ مينيسترلىگى 5 - ايدىڭ 21 – كۇنى جوعارى مەكتەپتەن وقۋ تاۋىسقاندارعا مىنانى ەسكەرتتى: زاڭسىز كاسىپتىك دەلدالداردىڭ تۇزاعىنان قاتاڭ ساقتانۋ، قىزمەتكەر قابىلدايمىز دەپ اقى الۋ تۇزاعىنان قاتاڭ ساقتانۋ، قىزمەتكەر قابىلدايمىز دەپ الدامكوستىك ىستەۋ تۇزاعىنان قاتاڭ ساقتانۋ، ”شيكىلىگى“ بار توقتام جاساۋ تۇزاعىنان قاتاڭ ساقتانۋ كەرەك.
سونىمەن بىرگە، وقۋ – اعارتۋ مينسيترلىگى جوعارى مەكتەپتەن وقۋ بىتىرگەن بارشا ستۋدەنتتەرگە مىنانى ەسكەرتەدى: حاۋىپ – قاتەردەن ساقتانۋ تانىمىن كۇشەيتىپ، اتالمىش ”قىزمەت ىزدەۋدىڭ توتە جولىمەن“ جۇرمەي، جاسىرىن تۇردەگى ”جوعارى ەڭبەكاقى بەرەمىز دەيتىن الدامكوستىكتەن“ ساق بولۋ قاجەت؛ ينفورماتسيا حاۋىپسىزدىگى تانىمىن كۇشەيتىپ، رەسمي ارنالار ارقىلى جۇمىستانۋعا قاتىستى ينفورماتسيالارعا قول جەتكىزىپ، ءتۇرلى ارنالار ارقىلى ساراپتاپ، كوزسىزدىكپەن سەنە كەتپەۋ قاجەت؛ زاڭ بويىنشا ۇقىعىن قورعاۋ تانىمىن كۇشەيتىپ، قىزمەت ىزدەۋ، جۇمىستانۋ جاعىنداعى قاتىستى زاڭ – تۇزىمدىك بىلىمدەردى ىرىقتىلىقپەن ءتۇسىنىپ جانە ۇيرەنىپ، زاڭ ارقىلى ءوز ۇقىق – مۇددەسىن قورعاۋدى ۇيرەنۋى قاجەت. (ءتىلشى: شى يۇي)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
