جازعى ءبيدايدى ورۋ كەڭ كولەمدە باستالدى (جاڭا ساندى مالىمەت، جاڭا ءتۇيىن)
جەر - جەر 60 ميلليون مۋدان استام دۇمبە ءبيداي وردى
2024.05.29 10:54 كەلۋ قاينارى : حالىق تورابى
«حالىق گازەتى»، 5 - ايدىڭ 27 – كۇنى، بەيجيڭ (تىلشىلەر جۋ جۇن، يۇي جيڭشيان). ءتىلشىنىڭ اۋىل شارۋاشىلىعى، اۋىل - قىستاق مينيسترلىگىنەن ۇعىسۋىنشا، بۇكىل ەل بويىنشا جازعى ءبيداي ورۋ جۇمىسى جاپپاي باستالعان، قازىر ءبيداي ورۋ قارقىنى %20 كە تاياعان، مۇنىڭ ىشىندە باتىس وڭتۇستىك رايوندار مەن حۋبەيدىڭ ءبيداي ورۋى اياقتالعان، حىناننىڭ قارقىنى %20 تەي بولىپ، جياڭسۋ، انحۇي، شانشي ولكەلەرىندە جۇمىس باستالعان. 5 - ايدىڭ 27 – كۇنى ساعات 17 گە دەيىن جەر - جەر 60 ميلليون مۋدان استام دۇمبە ءبيداي ورىپ، كۇنىنە 4 ميلليون مۋدان اسقان.
تانىستىرۋعا قاراعاندا، بيىل جازعى جيىن - تەرىندە بۇكىل ەلدىڭ جەر - جەرى مەجەمەن 16 ميلليون 500 مىڭنان استام اۋىل شارۋاشىلىق ماشيناسىن ىسكە قوسىپ، جازعى جيىن - تەرىندى ماشينالاندىرۋدى ىلگەرىلەتكەن.
جازعى جيىن – تەرىن كەزىندە ءبيدايدى ماشينامەن ورۋ قىزمەتىنىڭ ءساتتى ورىستەتىلۋىن قامتاماسىز ەتۋ ءۇشىن، اۋىل شارۋاشىلىعى، اۋىل - قىستاق مينيسترلىگى قاتىناس - تاسىمال، اۋا رايى، مۇناي، مۇناي حيميا سياقتى تاراۋلارمەن بىرلەسىپ، اۋىل شارۋاشىلىعى ماشينالارىنىڭ جۇمىس ىستەۋىن قامتاماسىز ەتۋدى بىرگە كۇشەيتىپ، ءبيداي وراتىن ولكەلەردىڭ ءتۇرلى دايىندىق قىزمەتتەرىن ەرتەرەك ورنالاستىردى. قازىر ءبيداي وراتىن ولكەلەر 2 مىڭ 100 گە جۋىق رايون اتتاپ جۇمىس جۇرگىزۋ، كۇتىپ الۋ قىزمەت وتەۋ پۋنكتىن قۇردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
