شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ 14 - رەتكى كوللەكتيۆ ۇيرەنۋىندە مىنانى باسا دارىپتەدى
ساپالى، تولىق جۇمىستاندىرۋدى جەبەپ، قالىڭ ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك
2024.05.29 16:59 كەلۋ قاينارى : حالىق تورابى
شينحۋا اگەنتتىگى، 5 – ايدىڭ 28 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسى 5 - ايدىڭ 27 - كۇنى تۇستەن كەيىن ساپالى، تولىق جۇمىستاندىرۋدى جەبەۋ جونىنەن 14 – رەتكى كوللەكتيۆ ۇيرەنۋىن وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: ساپالى، تولىق جۇمىستاندىرۋدى جەبەۋ − جاڭا ءداۋىر، جاڭا جورىقتاعى جۇمىستاندىرۋ قىزمەتىندەگى جاڭا ورىن، جاڭا مىندەت. حالىقتى وزەك ەتكەن دامۋ يدەياسىندا تاباندى بولىپ، ەڭبەكشىلەردىڭ دەربەس جۇمىستانۋى، جۇمىستاندىرۋدى بازار ارقىلى رەتتەۋ، ۇكىمەت جۇمىستاندىرۋدى جەبەۋ جانە يگىلىك جاراتۋعا شابىتتاندىرۋ باعىتىن جاپپاي دايەكتەندىرىپ، جۇمىستاندىرۋ ساپاسىنىڭ ءونىمدى جوعارىلاۋى مەن مولشەردىڭ ۇيلەسىمدى ارتۋىن ۇزدىكسىز جەبەپ، قالىڭ ەڭبەكشىلەردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتىرۋ، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە پارمەندى تىرەك ازىرلەۋ كەرەك.
جۇڭگو ەڭبەك جانە قوعامدىق قامتاماسىزداندىرۋ عىلمي زەرتتەۋ ورنىنىڭ باستىعى، اعا زەرتتەۋشى مو رۇڭ وسى ماسەلە جونىندە تۇسىنىك جاساپ، قىزمەت ۇسىنىسىن ورتاعا قويدى. ورتالىق كوميتەت ساياسي بيۋروسىنداعى جولداستار تۇسىندىرمەنى مۇقيات تىڭدادى ءارى تالقى جۇرگىزدى.
شي جينپيڭ تۇسىنىك پەن تالقىنى تىڭداعاننان كەيىن ماڭىزدى ءسوز سويلەدى. ول بىلاي دەپ اتاپ كورسەتتى: جۇمىستاندىرۋ − ەڭ نەگىزگى حالىق تۇرمىسى، حالىق بۇقاراسىنىڭ ءتول مۇددەسىنە، ەكونوميكانىڭ، قوعامنىڭ اقاۋسىز دامۋىنا، مەملەكەتتىڭ باياندى تىنىشتىعىنا سايادى. پارتيا 18 - قۇرىلتايىنان بەرى پارتيا ورتالىق كوميتەتى جۇمىستاندىرۋ قىزمەتىن ەل باسقارۋداعى كورنەكتى ورىنعا قويۋدا تاباندى بولىپ، جۇمىستاندىرۋدى الدىمەن ويلاستىرۋ ساياساتىن كۇشەيتىپ، جۇمىستاندىرۋدى جەبەۋ مەحانيزمىن اقاۋسىزداندىرىپ، ءتۇرلى قىسىم مەن سىن - سايىسقا ءونىمدى توتەپ بەرىپ، قالا - قالاشىقتا جىلىنا ورتا ەسەپپەن 13 ميلليون ادامدى تىڭنان جۇمىستاندىرىپ، حالىق تۇرمىسىن جاقسارتۋ مەن ەكونوميكالىق دامۋعا ماڭىزدى تىرەك ازىرلەدى. اماليات بارىسىندا جاڭا داۋىردەگى جۇمىستاندىرۋ قىزمەتىنىڭ زاڭدىلىعى جونىندەگى تانىمدى ۇزدىكسىز تەرەڭدەتىپ، كوپتەگەن تاجىريبە توپتادىق. باستىسى مىنالاردى قامتيدى: جۇمىستاندىرۋدى حالىق تۇرمىسىنىڭ نەگىزى ەتۋددە تاباندى بولۋ؛ جۇمىستاندىرۋدى الدىمەن ويلاستىرۋ ستراتەگياسىن اتقارۋدا تاباندى بولۋ؛ دامۋعا سۇيەنىپ جۇمىستاندىرۋدى جەبەۋدە تاباندى بولۋ؛ جۇمىستاندىرۋ سيىمدىلىعىن كەڭەيتۋ مەن جۇمىستاندىرۋ ساپاسىن جوعارىلاتۋدى ۇشتاستىرۋدا تاباندى بولۋ؛ ءتۇيىندى قاۋىمنىڭ جۇمىستانۋىن كورنەكتى تۇردە مىقتى يگەرۋدە تاباندى بولۋ؛ يگىلىك جاراتۋ ارقىلى جۇمىستاندىرۋدى جەتەكتەۋدە تاباندى بولۋ؛ ءادىل جۇمىستاندىرۋ ورتاسىن جاراتۋعا، جاراسىمدى ەڭبەك قاتىناسىن ورناتۋدا تاباندى بولۋ، ت. ب. بۇل تاجىريبەلەر توتەنشە باعالى، ۇزاق ۋاقىت تاباندى بولۋ جانە ۇزدىكسىز بايىتۋ، دامىتۋ كەرەك.
شي جينپيڭ بىلاي دەپ باسا دارىپتەدى: جاڭا دامۋ تانىمىن بۇلجىماي دايەكتىلەندىرىپ، ساپالى، تولىق جۇمىستاندىرۋدى ەكونوميكالىق، قوعامدىق دامۋدىڭ ماڭداي الدى نىساناسى ەتىپ، ساپالى دامۋ بارىسىن جۇمىستاندىرۋدىڭ ساپاسىن جوعارىلاتىپ، جۇمىستاندىرۋ اياسىن كەڭەيتۋ بارىسىنا اينالدىرىپ، جۇمىستاندىرۋدىڭ دامۋ قوزعاۋشى كۇشىن جوعارىلاتۋ كەرەك. جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، ءداستۇرلى كاسىپ سالالارىن جاڭالاپ، ساپالىلاندىرىپ، جاڭادان گۇلدەنگەن كاسىپ سالالارىن جەتىلدىرىپ جانە زورايتىپ، بولاشاق كاسىپ سالالارىن ورنالاستىرىپ، وسىزاماندانعان كاسىپ سالاسى جۇيەسىن كەمەلدەندىرىپ، اناعۇرلىم كوپ ساپالى جۇمىستاندىرۋ ورىندارىن قۇلشىنا اشۋ كەرەك. جۇمىسقا قابىلداۋ قۋاتى كۇشتى كاسىپتەر مەن كاسىپورىنداردى دامىتۋعا قولداۋ كورسەتىپ، جۇمىستاندىرۋ سيىمدىلىعىن ورنىقتىرۋ جانە كەڭەيتۋ كەرەك. ەكونوميكالىق، قوعامدىق دامۋدىڭ جاڭا بەتالىسى مەن حالىق بۇقاراسىنىڭ ساپالى تۇرمىسىنىڭ جاڭا تىلەگىنە ساي، جاڭا كاسىپ كۇيىن، جاڭا ۇلگىنى كۇش سالا دامىتىپ، جاڭا كاسىپ تىزبەگىن بەلسەنە اشىپ جانە جەتىلدىرىپ، جۇمىستاندىرۋدى ارتتىرۋدىڭ جاڭا تۇيىندەرىن اشۋ كەرەك. كەلەلى ساياساتتاردىڭ، كەلەلى نىسانداردىڭ، كەلەلى وندىرگىش كۇشتەردىڭ ورنالاستىرىلۋىنىڭ جۇمىستاندىرۋعا جاسايتىن ىقپالىن باعالاۋدى كۇشەيتىپ، قازىنا، اقشا، قارجى قوسۋ، تۇتىنۋ، كاسىپ سالاسى، ءوڭىر سياقتى ساياساتتاردىڭ جۇمىستاندىرۋ ساياساتىمەن سايكەسۋىن، ىقپالداستىعىن ىلگەرىلەتىپ، ءبىر باعىتتا كۇش سالىپ، جۇمىستاندىرۋدىڭ جاراسىمدى دامۋ ءتاسىلىن ورناتۋ كەرەك.
شي جينپيڭ بىلاي دەپ اتاپ كورسەتتى: ساپاسى جاقسى، جالپى مولشەرى جەتكىلىكتى، قۇرىلىمى ساپالى، ورنالاسۋى ۇيلەسىمدى وسىزاماندانعان ادام كۇشى بايلىعىن جەدەل قالىپتاستىرىپ، ادام كۇشى بايلىعى جاعىنداعى قامداۋ مەن قاجەتسىنۋدىڭ سايكەسپەۋى سىندى قۇرىلىمدىق جۇمىستاندىرۋ قايشىلىعىن ويداعىداي شەشۋ كەرەك. جاڭا كەزەكتى عىلىم - تەحنيكا توڭكەرىسىنە جانە كاسىپ سالاسى وزگەرىسىنە سايكەسىپ، ادام كۇشى بايلىعىنىڭ دامۋ بەتالىسىنا عىلمي تۇجىرىم جاساپ، وقۋ - اعارتۋدى، كۋرستان وتكىزۋدى جانە جۇمىستاندىرۋدى ءبىر تۇتاس ويداعىداي يگەرىپ، جوعارى دارەجەلى وقۋ - اعارتۋدىڭ كاسىپتەرى مەن بايلىق قۇرىلىمىنىڭ ورنالاسۋىن يكەمدى رەتتەپ، كاسىپتىك وقۋ - اعارتۋدى زور كۇشپەن دامىتىپ، ومىرلىك كاسىپتىك ونەرگە باۋلۋ ءتۇزىمىن اقاۋسىزداندىرۋ كەرەك. قامداۋ مەن قاجەتسىنۋدى ۇشتاستىرۋ مەحانيزمىن كەمەلدەندىرىپ، ادام مەن جۇمىس ورنىنىڭ سايكەسۋىن، ادام ىستەتۋدىڭ ەرەكشەلىگىن، قابىلەتىن تولىق ساۋلەلەندىرىپ، جۇمىستاندىرۋ ساپاسى مەن ورنىقتىلىعىن جوعارىلاتۋعا كۇش سالۋ كەرەك. ۇگىت - تاربيەنى كۇشەيتىپ، تۇتاس قوعامدى دۇرىس جۇمىستاندىرۋ كوزقاراسىن بەرىك ورناتۋعا جەتەكتەپ، كاسىپ تاڭداۋدىڭ جاڭا كوزقاراسى ارقىلى جۇمىستاندىرۋدىڭ تىڭ ءورىسىن اشۋ كەرەك. كەيبىر كاسىپتەردە جۇمىسشى ىستەتۋدىڭ كەمشىل بولۋ سەبەبىنە ىشكەرىلەي تالداۋ جاساپ، ”جۇمىس بولۋ، ىستەيتىن ادام بولماۋ“ ماسەلەسىن شەشۋدەن باستاپ كىرىسىپ، ”ىستەيتىن ادام بولۋ، جۇمىس بولماۋ“ ماسەلەسىن شەشۋ كەرەك.
شي جينپيڭ بىلاي دەپ باسا دارىپتەدى: ءتۇيىندى قاۋىمدى جۇمىستاندىرۋدى قولداۋ ساياساتىن كەمەلدەندىرۋ كەرەك. جوعارى مەكتەپ بىتىرگەن وقۋشىلار قاتارلى جاستار قاۋىمىن جۇمىستاندىرۋدى ەڭ ماڭىزدى ورىنعا قويۋدا تاباندى بولىپ، ۇيرەنگەن ارتىقشىلىقتارىن ساۋلەلەندىرۋگە ءتيىمدى اناعۇرلىم كوپ جۇمىس ورىندارىن اشىپ، جاستاردى ءتۇيىندى سالالارعا، ءتۇيىندى كاسىپتەرگە، قالا - اۋىل نەگىزگى ساتىلارىنا جانە ورتا، شاعىن، ۇساق كاسىپورىندارعا بارىپ جۇمىستانۋعا، يگىلىك جاراتۋعا شابىتتاندىرىپ، بازارلانعان، قوعامدانعان جۇمىستاندىرۋ ارناسىن كەڭەيتۋ كەرەك. جاڭاشا قالا - قالاشىقتاندىرۋ جانە اۋىل - قىستاقتى جاپپاي گۇلدەندىرۋدى ىلگەرىلەتۋمەن ۇشتاستىرىپ، سىرتقا شىعىپ جۇمىستانۋ مەن سول جەردىڭ وزىندە، جاقىن ماڭدا جۇمىستانۋعا تەڭ ءمان بەرۋدە تاباندى بولىپ، كوپ ءتۇرلى شارانى قاتار قولدانىپ، شارۋا جۇمىسكەرلەردىڭ جۇمىستانۋىن جەبەپ، سىرتقا شىققان دارىندىلاردى اۋىلىنا قايتۋعا، قالاداعى دارىندىلاردى اۋىل - قىستاققا بارىپ يگىلىك جاراتۋعا جەتەكتەۋ كەرەك. كەدەيلىكتەن ارىلعانداردىڭ جۇمىس كولەمى مەن جۇمىس كىرىسىن ورنىقتىرۋ، جۇمىسسىزدىق سەبەىنەن كولەمدى قايتا كەدەيلەسۋدەن ساقتانۋ كەرەك. جاسى ۇلكەن، مۇگەدەك، ءبىرشاما ۇزاق ۋاقىت جۇمىسسىز قالۋ سياقتى جۇمىستانۋى قيىن قاۋىمعا كومەكتەسۋ - سۇيەمەلدەۋدى كۇشەيتىپ، الەۋمەتتىك يگىلىك سيپاتتى جۇمىس ورىندارىنان ءبىر تۇتاس ويداعىداي پايدالانىپ، بىردە - ءبىر ادامى جۇمىستانباعان وتباسىلارىن يكەمدى اداقتاۋعا شىنايى كەپىلدىك ەتۋ كەرەك. اسكەردەن بوساعان اسكەريلەر، ايەلدەر قاتارلى قاۋىمدى جۇمىستاندىرۋ قىزمەتىن ويداعىداي ىستەۋ كەرەك.
شي جينپيڭ بىلاي دەپ اتاپ كورسەتتى: جۇمىستاندىرۋ ءتۇزىلىس، مەحانيزمى رەفورماسىن تەرەڭدەتۋ كەرەك. جۇمىستاندىرۋعا الەۋمەتتىك قىزمەت وتەۋ ءتۇزىمىن كەمەلدەندىرىپ، جۇمىستاندىرۋعا الەۋمەتتىك قىزمەت وتەۋ جۇيەسىن اقاۋسىزداندىرۋ كەرەك. يگىلىك جاراتۋ ارقىلى جۇمىستاندىرۋدى قامتاماسىز ەتۋ ءتۇزىمىن كەمەلدەندىرىپ، يگىلىك جاراتۋعا قىزمەت وتەۋدى ساپالىلاندىرىپ، يگىلىك جاراتۋ ساپاسىن جوعارىلاتۋ كەرەك. ءبىر تۇتاس ارناعا تۇسكەن ادام كۇشى بايلىعى بازارى جۇيەسىن اقاۋسىزداندىرىپ، ءادىل جۇمىستاندىرۋ ورتاسىن جاراتىپ، بارلىق ادامنىڭ قاجىرلىلىقپەن قۇلشىنۋ ارقىلى وزىندىك دامۋدى جۇزەگە اسىرۋىنا وراي جاراتۋ كەرەك.
شي جينپيڭ بىلاي دەپ باسا دارىپتەدى: ەڭبەكشىلەردىڭ ۇقىق - مۇددەسىن قامتاماسىز ەتۋدى كۇشەيتۋ كەرەك. ەڭبەك زاڭ - ەرەجەلەرىن اقاۋسىزداندىرىپ، جاڭا جۇمىستاندىرۋ فورماتسياسىنداعى ەڭبەك ولشەمىن ارناعا ءتۇسىرىپ، قوعامدىق قامتاماسىزداندىرۋ جۇيەسىن كەمەلدەندىرىپ، ەڭبەكشىلەردىڭ زاڭدى ۇقىق - مۇددەسىن قورعاۋ كەرەك. يكەمدى جۇمىستاندىرۋ مەن جاڭا جۇمىستاندىرۋ فورماتسياسىنداعى ەڭبەكشىلەردىڭ ۇقىق - مۇددەسىن قامتاماسىزداندىرۋدى كۇشەيتىپ، جۇمىس بارىسىندا زاقىمدالۋشىلاردىڭ تۇرمىسىن قامتاماسىزداندىرۋ سىناق ءتۇيىن كولەمىن كەڭەيتىپ، تاجىريبەلەردى دەر كەزىندە قورىتىندىلاپ، ءتۇزىم قالىپتاستىرۋ كەرەك. بازار باقىلاۋ - باسقارۋ مەن ەڭبەك قامتاماسىزداندىرۋىن باقىلاۋ - تەكسەرۋ، زاڭ اتقارۋدى كۇشەيتىپ، جۇمىستاندىرۋداعى كەمسىتۋ، ەڭبەكاقىعا قارىزدار بولۋ، قامتاماسىزداندىرماۋ، زاڭعا قايشىلىق جاساۋ سياقتى بىلىققان جايتتەردى ءونىمدى جونگە سالۋ كەرەك.
شي جينپيڭ سوڭىندا بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر جۇمىستاندىرۋدى حالىق تۇرمىسىنداعى ماڭداي الدى ءىرى ءىس رەتىندە يگەرىپ، ۇيىمدىق باسشىلىقتى كۇشەيتىپ، ءتۇزىم، مەحانيزمدى اقاۋسىزداندىرىپ، قىزمەت بىرىككەن كۇشىن نىعايتۋى كەرەك. جۇڭگونىڭ جۇمىستاندىرۋ نازاريالىق جۇيەسىن جەدەل ورناتىپ، ەلىمىزدىڭ جۇمىستاندىرۋ سالاسىنداعى حالىقارالىق ءسوز سويلەۋ ۇقىعى مەن ىقپال كۇشىن ءونىمدى جوعارىلاتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
