شي جينپيڭ مەملەكەتتىك قوعام حاۋىپسىزدىگى قىزمەتى ءماجىلىسىنىڭ ۋاكىلدەرىمەن كەزدەستى
لي چياڭ، ساي چي، ديڭ شۋەشياڭ، لي شي كەزدەسۋدە بىرگە بولدى
2024.05.30 16:06 كەلۋ قاينارى : حالىق تورابى
5 - ايدىڭ 28 - كۇنى پارتيا مەن مەملەكەت باسشىلارىنان شي جينپيڭ، لي چياڭ، ساي چي، ديڭ شۋەشياڭ، لي شي قاتارلىلار بەيجيڭدەگى حالىق سارايىندا مەملەكەتتىك قوعام حاۋىپسىزدىگى قىزمەتى ءماجىلىسىنىڭ ۋاكىلدەرىمەن كەزدەستى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن
«حالىق گازەتى»، 5 - ايدىڭ 29 - كۇنى، بەيجيڭ (ءتىلشى جاۋ بيڭ). جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 5 - ايدىڭ 28 - كۇنى تۇستەن كەيىن بەيجيڭدەگى حالىق سارايىندا مەملەكەتتىك قوعام حاۋىپسىزدىگى قىزمەتى ءماجىلىسىنىڭ ۋاكىلدەرىمەن ىقىلاسپەن كەزدەسىپ، ولاردان شىنايى حال سۇرادى، بۇكىل ەلدەگى قوعام حاۋىپسىزدىگى حالىق ساقشىلارىنان جانە كومەكشى ساقشى قىزمەتكەرلەردەن قوعام حاۋىپسىزدىگى قىزمەتىن وسىزامانداندىرۋدى قۇلشىنا ىلگەرىلەتىپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن ىلگەرىلەتۋگە اناعۇرلىم زور ۇلەس قوسۋعا شابىتتاندىردى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، ساي چي، ديڭ شۋەشياڭ، لي شي كەزدەسۋدە بىرگە بولدى.
تۇستەن كەيىن ساعات 4 تە شي جينپيڭ قاتارلىلار حالىق سارايىنىڭ باتىس زالىنا كەلگەندە زالدا شاپالاق ءۇنى شاتىرلاي كوتەرىلدى. شي جينپيڭ قاتارلىلار ۋاكىلدەردىڭ اراسىنا بارىپ، كوپشىلىكپەن ىقىلاسپەن قول الىسىپ، اڭگىمەلەستى ءارى ەستەلىك سۋرەتكە ءتۇستى.
چىن ۋىنچيڭ كەزدەسۋگە قاتىناستى ءارى 5 - ايدىڭ 29 - كۇنى تۇستەن بۇرىن اشىلعان مەملەكەتتىك قوعام حاۋىپسىزدىگى قىزمەتى ماجىلىسىندە ءسوز سويلەدى. ول بىلاي دەپ اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، شي جينپيڭ زاڭمەن باسقارۋ يدەياسىن، جالپى تۇلعالىق مەملەكەت حاۋىپسىزدىگى كوزقاراسىن جاپپاي دايەكتىلەندىرىپ، باس شۋجي شي جينپيڭنىڭ جاڭا داۋىردەگى قوعام حاۋىپسىزدىگى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا جورىقتاعى قوعام حاۋىپسىزدىگى قىزمەتىنىڭ العا باسۋ بەتالىسىن مىقتى يگەرۋ؛ پارتيانىڭ ساياسي قۇرىلىسىن جاپپاي كۇشەيتىپ، ادال، كىرشىكسىز، جاۋاپكەرلىك ارقالايتىن ىسىلعان قوعام حاۋىپسىزدىگى قۇرىش قوسىنىن كۇش سالا قۇرۋ؛ مىندەتتى، بورىشتى ادالدىقپەن وتەپ، حاۋىپ - قاتەردەن ساقتانۋعا، حاۋىپسىزدىككە كەپىلدىك ەتۋگە، ورنىقتىلىقتى قورعاۋعا، دامۋدى جەبەۋگە كۇش سالۋ؛ زاڭمەن باسقارىلاتىن قوعام حاۋىپسىزدىگى قۇرىلىسىن تەرەڭدەتىپ، زاڭ اتقارۋدىڭ ساپاسىن، ونىمدىلىگىن جانە زاڭ اتقارۋدىڭ الەۋمەتتىك سەنىمدىلىگىن ۇزدىكسىز جوعارىلاتۋ؛ رەفورما ارقىلى ساقشى ىستەرىن نىعايتۋ جولىمەن بۇلجىماي ءجۇرىپ، قوعام حاۋىپسىزدىگى قىزمەتىن وسىزامانداندىرۋدا جاڭا جاعداي جاراتۋعا قۇلشىنۋ كەرەك.
لي گانجيە، ۋ جىڭلۇڭ كەزدەسۋدە بىرگە بولدى، ۋاڭ شياۋحۇڭ كەزدەسۋدە بىرگە بولدى ءارى ءماجىلىستى باسقاردى.
ولكە، اۆتونوميالى رايون، توتە قاراستى قالالارداعى جانە جوسپارى بولەك جاسالاتىن قالالارداعى، شينجياڭ ءوندىرىس - قۇرىلىس بيڭتۋانىنداعى، ولكە ورتالىعى قالالارى پارتكومدارىنىڭ ساياسي - زاڭ كوميتەتتەرىندەگى، قوعام حاۋىپسىزدىگى مەڭگەرمەلەرىندەگى (مەكەمە) نەگىزگى جاۋاپتى جولداستار، ورتالىق پەن مەملەكەت ورگاندارىنىڭ قاتىستى تاراۋلارىنداعى، ارميانىڭ قاتىستى ورىندارىنداعى جاۋاپتى جولداستار ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
