شي جينپيڭ ەگيپەتتىڭ زۇڭتۇڭى سيسيمەن كەڭەس وتكىزدى
2024.05.30 16:39 كەلۋ قاينارى : حالىق تورابى
 |
5 - ايدىڭ 29 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - اراب ەلدەرى سەلبەستىك تالقى مىنبەسىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن ەگيپەتتىڭ زۇڭتۇڭى سيسيمەن كەڭەس وتكىزدى. سۋرەتتە: شي جينپيڭ سيسيمەن قول الىسۋدا. سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن
|
شينحۋا اگەنتتىگى، 5 - ايدىڭ 29 – كۇنى، بەيجيڭ (تىلشىلەر جىڭ ميڭدا، ۋاڭ بين). 5 - ايدىڭ 29 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - اراب ەلدەرى سەلبەستىك تالقى مىنبەسىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن ەگيپەتتىڭ زۇڭتۇڭى سيسيمەن كەڭەس وتكىزدى.
شي جينپيڭ بىلاي دەپ اتاپ كورسەتتى: 68 جىلدىڭ الدىندا ەگيپەت اراب جانە افريكا ەلدەرى اراسىندا ەڭ الدىمەن جاڭا جۇڭگومەن ديپلوماتيالىق قارىم - قاتىناس ورناتقان. حالىقارالىق جاعداي اۋمالى - توكپەلى بولسا دا، ەكى ەل باستان - اياق ءبىر - بىرىنە سەنىم ارتىپ، شىنايى سەلبەسىپ، قول ۇستاسا دامىدى. بيىل − جۇڭگو مەن ەگيپەتتىڭ جاپپاي ستراتەگيالىق سەرىكتەستىك قارىم - قاتىناس ورناتقانىنىڭ 10 جىلدىعى. 10 جىلدان بەرى سيسي زۇڭتۇڭ ەكەۋىمىز ەكى جاقتى قارىم - قاتىناستىڭ قارىشتاپ دامۋىنا بىرگە جەتەكشىلىك ەتتىك. جۇڭگو - ەگيپەت قارىم - قاتىناسى جۇڭگونىڭ اراب ەلدەرىمەن، افريكامەن، ءىسلام ەلدەرىمەن جانە وركەندەپ كەلە جاتقان ەلدەرمەن ىنتىماقتاسىپ، سەلبەسىپ، ءوزارا پايدا جەتكىزىپ، تەڭ يگىلىككە كەنەلۋىنىڭ جاندى كارتيناسىنا اينالدى. جاڭا جاعدايدا ىشكى مازمۇنى ءتىپتى دە باي، ومىرشەڭدىك كۇشى ءتىپتى دە مىعىم جۇڭگو – ەگيپەت قارىم - قاتىناسىن ورناتۋ ەكى ەل حالىقتارىنىڭ ورتاق تىلەگىنە ۇيلەسەدى. جۇڭگو جاق ەگيپەت جاقپەن ءوزارا سەنىمدىلىكتى ۇزدىكسىز تەرەڭدەتىپ، سەلبەستىكتى ىلگەرىلەتىپ، جاڭا داۋىرگە بەت العان جۇڭگو - ەگيپەت تاعدىرلاس ورتاق تۇلعاسىن قۇرىپ، ءوڭىردىڭ، ءتىپتى، دۇنيە ءجۇزىنىڭ بەيبىتشىلىگىنە، ورنىقتىلىعىنا، دامۋىنا، گۇلدەنۋىنە ۇلەس قوسۋدى قالايدى.
شي جينپيڭ بىلاي دەپ باسا دارىپتەدى: جۇڭگو مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋدە، جۇڭگو مەن ەگيپەتتىڭ ءار سالاسىنداعى اۋىس - كۇيىس، سەلبەستىك تاريحي ورايعا ءدوپ كەلدى. ەكى جاق ءبىر - ءبىرىن ۇزدىكسىز تاباندىلىقپەن قولداپ، بىرگە دامۋدى قول ۇستاسا جەبەۋى كەرەك. جۇڭگو جاق ەگيپەت جاقپەن نەگىزدىك قۇرىلعى، ونەركاسىپ، ەلەكتر قۋاتى، اۋىل شارۋاشىلىعى سياقتى ءداستۇرلى سالالارداعى سەلبەستىك كومەسكى كۇشىن ىشكەرىلەي اشىپ، ەمدەۋ، دەنساۋلىق ساقتاۋ، ينفورماتسيا، حابارلاسۋ، قايتا تۋىندايتىن ەنەرگيا سياقتى جاڭادان گۇلدەنگەن سالالارداعى سەلبەستىكتى اشىپ، ەكونوميكا - ساۋدا، قارجى قوسۋ سەلبەستىگىن تەرەڭدەتىپ، اناعۇرلىم كوپ جۇڭگو كاسىپورىندارىن ەگيپەتكە بارىپ قارجى قوسىپ، شارۋاشىلىقتى گۇلدەندىرۋگە ىنتالاندىرۋدى قالايدى. بيىلعى ”جۇڭگو - ەگيپەت سەرىكتەستىك جىلىن“ ويداعىداي وتكىزىپ، ەكى ەل ادامدارىنىڭ بارىس - كەلىسى مەن گۋمانيتارلىق اۋىس - كۇيىس سەلبەستىگىن كەڭەيتىپ، ەگيپەتتىڭ ”لۋبان شەبەرحاناسىن“ جۇڭگو - افريكا كاسىپتىك وقۋ - اعارتۋ سەلبەستىگىنىڭ ۇلگىسى ەتىپ قۇرىپ شىعۋ كەرەك.
شي جينپيڭ بىلاي دەپ باسا دارىپتەدى: جۇڭگو جاق ەگيپەتتىڭ حالىقارالىق جانە وڭىرلىك ىستەردە اناعۇرلىم زور رول اتقارۋىن قولدايدى، ەگيپەت جاقپەن بىرگە بىرلەسكەن مەملەكەتتەر ۇيىمى، شاڭحاي سەلبەستىك ۇيىمى، بريكس ەلدەرى سەلبەستىك مەحانيزمى سياقتى كوپ جاقتى تۇعىرلاردا سايكەسۋدى، سەلبەسۋدى اناعۇرلىم جيىلەتىپ، دۇنيە ءجۇزىنىڭ بارابار، ءتارتىپتى كوپ ۇيەكتەنۋى مەن جالپىعا ءتيىمدى، سيىسىمدى ەكونوميكانىڭ جاھاندانۋىن دارىپتەپ، حالىقارالىق ادىلدىكتى، تۋراشىلدىقتى جانە وركەندەپ كەلە جاتقان ەلدەردىڭ ورتاق مۇددەسىن بىرگە قورعاۋدى قالايدى. بيىل − جۇڭگو - اراب ەلدەرى سەلبەستىك تالقى مىنبەسى قۇرىلعانىنىڭ 20 جىلدىعى. جۇڭگو جاق ەگيپەتپەن جانە باسقا دا ءار جاقپەن تىعىز بايلانىس جاساپ، سەلبەسىپ، جۇڭگو - اراب ەلدەرى سەلبەستىك تالقى مىنبەسىن ويداعىداي قۇرىپ، جۇڭگو - اراب ەلدەرى قارىم - قاتىناسىنىڭ دامۋىنا ۇزدىكسىز جاڭا قوزعاۋشى كۇش ۇستەپ، جۇڭگو - اراب ەلدەرىنىڭ تاعدىرلاس ورتاق تۇلعاسى قۇرىلىسىن ىلگەرىلەتۋدى قالايدى. جۇڭگو جاق تا ەگيپەت سياقتى جۇڭگو - افريكا سەلبەستىك تالقى مىنبەسىنىڭ افريكا جاقتاعى مۇشەلەرىمەن بىرگە جۇڭگو - افريكا دوستىق سەلبەستىك رۋحىن ساۋلەلەندىرىپ، جوعارى دەڭگەيدەگى جۇڭگو - افريكا تاعدىرلاس ورتاق تۇلعاسىن قول ۇستاسا قۇرۋدى قالايدى.
سيسي مىنالاردى ءبىلدىردى: جۇڭگودا مەملەكەتتىك ساپاردا بولعانىما ءارى جۇڭگو - اراب ەلدەرى سەلبەستىك تالقى مىنبەسىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسقانىما وتە قۋانىشتىمىن. قازىر دۇنيە ءجۇزى تەرەڭ دە كۇردەلى وزگەرىس بارىسىندا تۇر، ورتا شىعىس ءوڭىرى داعدارىسقا تاپ بولۋدا. ەگيپەت جاق جۇڭگو جاقپەن جاپپاي ستراتەگيالىق سەرىكتەستىك قارىم - قاتىناستى ونان ارى تەرەڭدەتىپ، ءوڭىردىڭ بەيبىتشىلىگى مەن ورنىقتىلىعىن قۇلشىنا جەبەۋدى ءۇمىت ەتەدى. ەگيپەت جاق ءبىر جۇڭگو پرينسيبىندە تاباندى بولادى، جۇڭگونىڭ تايۋانعا ساياتىن، شياڭگاڭعا ساياتىن، شيزاڭعا ساياتىن ىستەر، ادامدىق ۇقىق سياقتى وزەكتى مۇددە ماسەلەلەرىندەگى تۇرعىسىن باتىل قولدايدى، جۇڭگونىڭ مەملەكەتتىڭ بۇكىلدەي بىرلىككە كەلۋىن جۇزەگە اسىرۋىن باتىل قولدايدى. ەگيپەت جاق اناعۇرلىم كوپ جۇڭگو كاسىپورىندارىنىڭ ەگيپەتكە بارىپ قارجى قوسىپ، سەلبەستىك جاساپ، ەگيپەتتىڭ جاساۋ كاسىبىنىڭ دامۋى مەن ونەركاسىپتەنۋ اياق الىسىنا دەم بەرۋىن قارسى الادى. بيىلعى ”ەگيپەت - جۇڭگو سەرىكتەستىك جىلىن“ وراي ەتىپ، گۋمانيتارلىق اۋىس - كۇيىستى جيىلەتىپ، ەكى ەلدىڭ ينفورماتسيا، حابارلاسۋ، جاساندى زەردە، جاڭا ەنەرگيا، استىق حاۋىپسىزدىگى، فينانس سياقتى جاقتارداعى ىنتىماقتاستىعىن كۇشەيتۋدى ءۇمىت ەتەمىن. ەگيپەت جاق ءتوراعا شي جينپيڭ العا قويعان جەلىلەس دۇنيە جۇزىلىك باستامالاردى القايدى، جۇڭگو جاقپەن كوپ جاقتى سەلبەستىكتى جيىلەتىپ، ادامزاتتىڭ بەيبىتشىلىگى مەن العا باسۋىنا بەلسەندى ۇلەس قوسۋدى قالايدى.
ەكى جاق پالەستينا - يزرايل قاقتىعىسى جونىندە پىكىر اۋىستىردى. شي جينپيڭ بىلاي دەپ اتاپ كورسەتتى: وسى رەتكى پالەستينا - يزرايل قاقتىعىسىنان پالەستيندەگى قىرۋار بەيكۇنا جاي بۇقارا ءولىم - جىتىمگە ۇشىرادى، گازاداعى ادامگەرشىلىك جاعدايى توتەنشە اۋىر، جۇڭگو جاق بۇعان قاتتى اشىنادى. قازىرگى شۇعىل مىندەت سوعىستى دەرەۋ توقتاتىپ، قاقتىعىستىڭ سىرتقا كەڭەيىپ، وڭىرلىك بەيبىتشىلىك پەن ورنىقتىلىققا سوققى بولىپ تيۋىنەن ساقتانۋ، ءتىپتى دە اۋىر داعدارىستان ساقتانۋ بولىپ تابىلادى. ”ەكى ەل جوباسى“ − پالەستينا ماسەلەسىن شەشۋدىڭ ءتۇبىرلى شىعار جولى. جۇڭگو جاق پالەستينانىڭ بىرلەسكەن مەملەكەتتەر ۇيىمىنا رەسمي مۇشە ەل بولۋىن باتىل قولدايدى. جۇڭگو جاق ەگيپەتتىڭ جاعدايدىڭ باسەڭدەۋىن جانە ادامگەرشىلىك كومەك بەرۋدى ىلگەرىلەتۋدە اتقارعان ماڭىزدى رولىن القايدى، ەگيپەتپەن بىرگە گازاداعى بۇقاراعا قولىنان كەلگەنىنشە ۇزدىكسىز كومەك كورسەتىپ، پالەستينا ماسەلەسىن ەرتەرەك جاپپاي، ءادىل، باياندى شەشۋدى ىلگەرىلەتۋدى قالايدى.
سيسي مىنانى ءبىلدىردى: ەگيپەت جۇڭگونىڭ پالەستينا ماسەلەسىندە باستان ـ اياق ادىلدىكتى جاقتاپ، ادىلەت مايدانىندا تاباندى بولعانىن ايرىقشا القايدى، جۇڭگومەن تىعىز قارىم ـ قاتىناستى ساقتاپ، گازا وڭىرىندەگى شۇعىل جاعدايدىڭ تەز ارادا باسەڭدەۋىن ىلگەرىلەتۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتۋ سەلبەستىك جوباسى، عىلىم - تەحنيكادا جاڭالىق اشۋ، قارجى قوسۋ جانە ەكونوميكالىق سەلبەستىك، كارانتيندەۋ سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن اراب ەگيپەت رەسپۋبليكاسىنىڭ جان - جاقتى ستراتەگيالىق سەرىكتەستىك قارىم - قاتىناستى تەرەڭدەتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا سيسيدى قارسى الۋ سالتىن وتكىزدى.
سيسي كەلگەندە قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن ەگيپەت ەكى ەلدىڭ مەملەكەت ءانىن ورىندادى، تيان - انمىن الاڭى 21 رەت قۇرمەت ساليۋتى اتىلدى. سيسي شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
سول كۇنى كەشتە شي جينپيڭ حالىق سارايىنىڭ التىن ءتۇستى زالىندا سيسيدى قارسى الۋ قوناعاسىن بەردى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
5 - ايدىڭ 29 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - اراب ەلدەرى سەلبەستىك تالقى مىنبەسىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن ەگيپەتتىڭ زۇڭتۇڭى سيسيمەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ شىعىس قاقپاسىنىڭ سىرتىنداعى الاڭدا سيسيدى قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى ديڭ حايتاۋ تۇسىرگەن
|
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
