شي جينپيڭ ”تورتتە جاقسى اۋىل - قىستاق جولى“ قۇرىلىسىن ونان ارى جاقسى ىستەۋ جونىندە ماڭىزدى نۇسقاۋ بەرىپ بىلاي دەپ باسا دارىپتەدى
ۇزدىكسىز كۇش سالىپ، ۇزاق ۋاقىت ۇلەس قوسىپ، ”تورتتە جاقسى اۋىل - قىستاق جولىنىڭ“ ساپالى دامۋىن ىلگەرىلەتۋ كەرەك
2024.05.30 16:41 كەلۋ قاينارى : حالىق تورابى
شينحۋا اگەنتتىگى، 5 - ايدىڭ 29 – كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جۋىقتا ”تورتتە جاقسى اۋىل - قىستاق تاس جولى“ قۇرىلىسىن اناعۇرلىم جاقسى ىستەۋ جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: تاياۋ جىلداردان بەرى قاتىناس - تاسىمال مينيسترلىگى قاتارلى قاتىستى تاراۋلار مەن جەر - جەر پارتيا ورتالىق كوميتەتىنىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، تياناقتاندىرىپ، تاباندىلىقپەن قامال الىپ، قيىنشىلىقتاردى جەڭىپ، ”تورتتە جاقسى اۋىل - قىستاق تاس جولى“ قۇرىلىسىنىڭ ناتيجەسى كورنەكتى بولدى، شارۋالار بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيىپ، اۋىل - قىستاق تاس جولى بۇقارانىڭ ەسىك الدىنداعى اۋقاتتانۋ جولىنا، باقىت جولىنا، كوڭىل توعىستىرۋ جولىنا، گۇلدەنۋ جولىنا اينالدى.
شي جينپيڭ بىلاي دەپ باسا دارىپتەدى: جاڭا ءداۋىر، جاڭا جورىقتا ۇزدىكسىز كۇش سالىپ، ۇزاق ۋاقىت ۇلەس قوسىپ، ساياسات، زاڭ - ەرەجەلەردى اناعۇرلىم كەمەلدەندىرىپ، جونگە سالۋ قابىلەتىن جوعارىلاتىپ، جاڭا كەزەكتى اۋىل - قىستاق تاس جولىن ساپالىلاندىرۋ ارەكەتىن ويداعىداي اتقارىپ، ”تورتتە جاقسى اۋىل - قىستاق تاس جولىنىڭ“ ساپالى دامۋىن ۇزدىكسىز ىلگەرىلەتىپ، قونىستانۋعا جايلى، كاسىپكە قولايلى جانە كورىكتى اۋىل - قىستاق قۇرىلىسىنا دەم بەرىپ، شارۋالاردىڭ، اۋىل - قىستاقتىڭ بىرگە اۋقاتتانۋىن جەبەۋدى، اۋىل - قىستاقتى جاپپاي گۇلدەندىرۋدى ىلگەرىلەتۋدى، اۋىل شارۋاشىلىعىن، اۋىل - قىستاقتى وسىزامانداندىرۋ اياق الىسىن جەدەلدەتۋدى، جۇڭگو ۇلگىسىندەگى وسىزامانداندىرۋدى ىلگەرىلەتۋدى پارمەندى قىزمەت وتەۋمەن قامتاماسىز ەتۋ كەرەك.
2024 - جىلعى ”تورتتە جاقسى اۋىل - قىستاق جولىنىڭ“ ساپالى دامۋىن ىلگەرىلەتۋ جۇمىس باسى ءماجىلىسى 5 - ايدىڭ 29 - كۇنى جىجياڭنىڭ شاۋشيڭ قالاسىندا اشىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەدى. حى ليفىڭ مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى جاڭا ءداۋىر، جاڭا جورىقتاعى ”تورتتە جاقسى اۋىل - قىستاق جولىنىڭ“ ساپالى دامۋىنا ايقىن العا باسۋ بەتالىسىن كورسەتىپ، ءتۇبىرلى تياناق ازىرلەدى. باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي ۇيرەنىپ، ءتۇسىنىپ، دايەكتىلەندىرىپ، تياناقتاندىرىپ، جاۋاپكەرلىك سەزىمدى، كوكەي تەستىلىك سەزىمدى شىنايى كۇشەيتىپ، تاياۋ جانە ورتا مەزگىلدەگى ءتۇيىندى قىزمەت مىندەتتەرىن تياناقتاندىرۋدى كورنەكتى تۇردە مىقتى يگەرىپ، جول تورابىنىڭ ساپاسىن كۇش سالا جوعارىلاتىپ، باسقارۋدى، قورعاۋدى كۇشەيتىپ، اينالىم دەڭگەيىن جوعارىلاتىپ، جول حاۋىپسىزدىگىنە كەپىلدىك ەتۋ كەرەك. پارتيانىڭ جاپپاي باسشىلىعىندا تاباندى بولىپ جانە ونى كۇشەيتىپ، رەفورمانى اناعۇرلىم جاپپاي تەرەڭدەتۋدى قوزعاۋشى كۇش ەتىپ، جەرگىلىكتى جاعدايعا قاراي ىستەپ، عىلمي جوبالاپ، ۇزدىكسىز كۇش سالىپ، ۇزاق ۋاقىت كۇش سالىپ، ”تورتتە جاقسى اۋىل - قىستاق جولى“ قىزمەتىن ويداعىداي ىستەۋ قابىلەتى مەن دەڭگەيىن ۇزدىكسىز جوعارىلاتۋ كەرەك.
قاتىناس - تاسىمال مينيسترلىگىندەگى، مەملەكەتتىك دامۋ - رەفورما كوميتەتىندەگى، قازىنا مينيسترلىگىندەگى، جاراتىلىستىق بايلىق مينيسترلىگىندەگى، اۋىل شارۋاشىلىعى، اۋىل - قىستاق مينيسترلىگىندەگى، مادەنيەت جانە ساياحات مينيسترلىگىندەگى، جىجياڭ ولكەسىندەگى، شينجياڭ ۇيعۇر اۆتونوميالى رايونىنداعى، فۋجيان ولكەسىندەگى، گۇيجوۋ ولكەسىندەگى، حۋنان ولكەسىندەگى، گانسۋ ولكەسىندەگى قاتىستى جاۋاپتى جولداستار پىكىر اۋىستىرىپ، ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
