شي جينپيڭ اراب بىرىككەن امىرلىگىنىڭ زۇڭتۇڭى مۇحاممەدپەن كەڭەس وتكىزدى
2024.05.31 16:50 كەلۋ قاينارى : حالىق تورابى
 |
5 – ايدىڭ 30 – كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ءارى جۇڭگو - اراب ەلدەرى سەلبەستىك تالقى مىنبەرىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسقان اراب بىرىككەن امىرلىگىنىڭ زۇڭتۇڭى مۇحاممەدپەن كەڭەس وتكىزدى. سۋرەتتە: شي جينپيڭ مۇحاممەدپەن قول الىسۋدا. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
|
شينحۋا اگەنتتىگى، 5 - ايدىڭ 30 – كۇنى، بەيجيڭ (تىلشىلەر سۇ ي، ۋاڭ بين). مەملەكەت ءتوراعاسى شي جينپيڭ 5 - ايدىڭ 30 – كۇنى تۇستەن كەيىن بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ءارى جۇڭگو - اراب ەلدەرى سەلبەستىك تالقى مىنبەرىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسقان اراب بىرىككەن امىرلىگىنىڭ زۇڭتۇڭى مۇحاممەدپەن كەڭەس وتكىزدى.
شي جينپيڭ بىلاي دەپ اتاپ كورسەتتى: اراب بىرىككەن امىرلىگى − جۇڭگونىڭ ماڭىزدى جان - جاقتى ستراتەگيالىق سەرىگى. تاياۋ جىلداردان بەرى ءبىزدىڭ بىرگە جەتەكشىلىك ەتۋىمىزدە، جۇڭگو - اراب بىرىككەن امىرلىگى قارىم - قاتىناسى تاماشا دامۋ ارىنىن ساقتاپ، جاڭا داۋىردەگى جۇڭگو مەن اراب ەلدەرى قارىم - قاتىناسىنىڭ ۇلگىسىن ورناتتى. بيىل _ جۇڭگو مەن اراب بىرىككەن امىرلىگىنىڭ ديپلوماتيالىق قارىم - قاتىناس ورناتقانىنىڭ 40 جىلدىعى، جۇڭگو - اراب بىرىككەن امىرلىگى قارىم - قاتىناسىندا بۇرىنعىعا مۇراگەر بولىپ، بولاشاققا جول اشۋدىڭ ماڭىزدى ءساتى. جۇڭگو جاق اراب بىرىككەن امىرلىگى جاقپەن بىرگە ەكى ەل قارىم - قاتىناسىنىڭ جالپى بەتالىسىن ستراتەگيالىق جانە ۇزاق بولاشاقتىق تۇرعىدان مىقتى يگەرىپ، جۇڭگو مەن اراب بىرىككەن امىرلىگىنىڭ جالپى بەتتىك ستراتەگيالىق ارىپتەستىك قارىم - قاتىناسىنىڭ باستان – اياق قارىشتاپ دامۋىنا كەپىلدىك ەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو جاق اراب بىرىككەن امىرلىگىنىڭ دەربەس، ءوز - وزىنە قوجايىن بولۋ سىندى دامۋ جولىمەن ءجۇرۋىن قولدايدى، اراب بىرىككەن امىرلىگى جاقتىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن قولدايدى، اراب بىرىككەن امىرلىگى جاقپەن ساياسي ءوزارا سەنىمدىلىكتى بەكەمدەۋدى، سەلبەستىكتى كۇشەيتۋدى، جۇڭگو - اراب بىرىككەن امىرلىگى ورتاق تۇلعاسىن قول ۇستاسا قۇرۋدى قالايدى. جۇڭگو جاق اراب بىرىككەن امىرلىگى جاقپەن ”ءبىر بەلدەۋ، ءبىر جولدى“ بىرگە قۇرۋدى جوعارى ساپامەن ۇزدىكسىز ىلگەرىلەتىپ، دامۋ ستراتەگياسىن ۇشتاستىرۋدى كۇشەيتىپ، جۇڭگو - اراب بىرىككەن امىرلىگى قارجى قوسۋ سەلبەستىگىنىڭ جوعارى دارەجەلى كوميتەتىن قۇرۋدى وراي ەتىپ، ەكى ەل سەلبەستىگىنىڭ اناعۇرلىم كوپ ناتيجەگە قول جەتكىزۋىن ىلگەرىلەتۋدى قالايدى. ساۋدا، ەنەرگيا، نەگىزدىك قۇرىلعىلار سياقتى سالالارداعى سەلبەستىكتى بەكەمدەپ، ينفورماتسيا تەحنيكاسى، جاساندى زەردە، سيفرلى ەكونوميكا، جاڭا ەنەرگيا سياقتى جوعارى تەحنيكا سالاسىنداعى سەلبەستىكتى كەڭەيتۋ كەرەك. زاڭ اتقارۋ حاۋىپسىزدىگى جاعىنداعى سەلبەستىكتى كۇشەيتۋ كەرەك. تاياۋدا مەن اراب بىرىككەن امىرلىگىنىڭ جۇڭگو ءتىلىن ۇيرەنۋشىلەرىنە ارناۋلى جاۋاپ حات جازىپ، ولاردى جۇڭگو ءتىلىن جاقسى ۇيرەنىپ، جۇڭگونى ءتۇسىنىپ، جۇڭگو مەن اراب بىرىككەن امىرلىگىنىڭ دوستىعىن جەبەۋگە ۇلەس قوسۋعا شابىتتاندىردىم. جۇڭگو جاق ”ءجۇز مەكتەپتە جۇڭگو ءتىلىن ۇيرەتۋ“ نىسانىنا ۇزدىكسىز قولداۋ كورسەتۋدى، اراب بىرىككەن امىرلىگىنىڭ جۇڭگو مادەنيەت ورتالىعى قۇرىلىسىن ىلگەرىلەتۋدى، گۋمانيتارلىق اۋىس - كۇيىستى كۇشەيتۋدى، ءوزارا ءتۇسىنىسۋ مەن دوستىقتى نىعايتۋدى قالايدى.
شي جينپيڭ بىلاي دەپ اتاپ كورسەتتى: قازىر دۇنيە ءجۇزىنىڭ كوپ ۇيەكتەنۋ بەتالىسى بوگەۋ بەرمەيدى. كوپ ۇيەكتەنۋ، ءمانى جاعىنان العاندا، تۇرلىشە وركەنيەت، تۇرلىشە ءتۇزىم، تۇرلىشە جول اراسىندا ءوزارا قۇرمەت ەتۋ، بەيبىت قاتار تۇرۋ بولۋعا ءتيىس. ورتا شىعىس رايونىنداعى مەملەكەتتەر _ وركەندەپ كەلە جاتقان ەلدەردىڭ ماڭىزدى قۇرامداس بولەگى، دۇنيە ءجۇزىنىڭ كوپ ۇيەكتەنۋىندەگى ماڭىزدى كۇش. جۇڭگو وسى وڭىردەگى ەلدەردىڭ ءوز ەلىنىڭ مەملەكەت جاعدايىنا ۇيلەسەتىن دامۋ جولىمەن ۇزدىكسىز ءجۇرۋىن، ىنتىماقتاسۋ، قۇدىرەتتەنۋ، بەيبىت تاتۋلاسۋ جولىمەن بۇلجىماي ءجۇرۋىن، الاۋىزدىقتاردى تىلدەسۋ، كەڭەسۋ ارقىلى شەشۋدەن جازباي، بولاشاق تاعدىرىن ءوز قولىندا ۇستاۋىن قولدايدى. جۇڭگو جاق اراب بىرىككەن امىرلىگى قاتارلى اراب ەلدەرىمەن بىرگە قۇلشىنىپ، 2 - كەزەكتى جۇڭگو - اراب ەلدەرى باس قوسۋىن ويداعىداي وتكىزىپ، جۇڭگو مەن اراب ەلدەرىنىڭ تاعدىرلاس ورتاق تۇلعاسى قۇرىلىسىن ىلگەرىلەتۋدى قالايدى. جۇڭگو جاق اراب بىرىككەن امىرلىگى جاقپەن جۇڭگو – شىعاناق ەلدەرى ستراتەگيالىق سەرىكتەستىك قارىم - قاتىناسىن كۇشەيتىپ، كوپ جاقتى سەلبەستىكتى كەڭەيتىپ، ”دۇنيە ءجۇزىنىڭ وڭتۇستىگى“ ەلدەرىنىڭ ورتاق مۇددەسىن قورعاۋدى قالايدى.
مۇحاممەد مىنانى ءبىلدىردى: 2 - مەكەنىم جۇڭگوعا تاعى دا ساپارلاي كەلگەنىمە ءارى ءتوراعا شي جينپيڭمەن بىرگە جۇڭگو - اراب ەلدەرى سەلبەستىك تالقى مىنبەرىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسقانىما وتە قۋانىشتىمىن. اراب ەلدەرى مەن شىعاناق ەلدەرىنىڭ جۇڭگومەن قارىم - قاتىناسىنىڭ مىعىم نەگىزى بار، اراب ەلدەرى مەن جۇڭگونىڭ قارىم - قاتىناسىن، شىعاناق ەلدەرى - جۇڭگو قارىم - قاتىناسىن ۇزدىكسىز تەرەڭدەتۋ اراب ەلدەرى مەن شىعاناق ەلدەرى حالقىنىڭ ورتاق تىلەگىنە جانە ءتۇبىرلى مۇددەسىنە ۇيلەسەدى. اراب بىرىككەن امىرلىگى جاق جۇڭگو جاقپەن بىرگە قۇلشىنىپ، اراب بىرىككەن امىرلىگى - جۇڭگو قارىم - قاتىناسىن ىلگەرىلەتىپ، ەكى جاق حالقىن اناعۇرلىم جاقسى باقىتقا كەنەلتۋدى قالايدى.
مۇحاممەد مىنانى ءبىلدىردى: اراب بىرىككەن امىرلىگىنىڭ جۇڭگومەن قارىم - قاتىناسى ءوزارا سەنىم ارتۋ، ءوزارا قۇرمەت ەتۋ جانە ورتاق مۇددە نەگىزىندە ورناعان، ءار سالاداعى سەلبەستىگى ەرەكشە ورەگە جەتكەن. اراب بىرىككەن امىرلىگى جۇڭگومەن قارىم - قاتىناستى دامىتۋعا ايرىقشا ءمان بەرىپ، جۇڭگونى ديپلوماتيادا ەڭ باسىم ورىنعا قويىپ، جۇڭگونى ۇزاق ۋاقىتتىق سەنىمدى ستراتەگيالىق سەلبەستىك سەرىگى رەتىندە قاراپ، ەكى ەلدىڭ ديپلوماتيالىق قارىم - قاتىناس ورناتقانىنىڭ 40 جىلدىعىن قۇتتىقتاۋدى وراي ەتىپ، ەكونوميكا - ساۋدا، قارجى قوسۋ، ەنەرگيا، عىلىم - تەحنيكا، وقۋ - اعارتۋ، گۋمانيتارلىق سياقتى سالالارداعى سەلبەستىكتى ونان ارى تەرەڭدەتۋدى، كەڭەيتۋدى قالايدى. اراب بىرىككەن امىرلىگى ۇكىمەتى ءبىر جۇڭگو ساياساتىن باتىل اتقارادى، ءارقانداي فورماداعى ”تايۋاندى دەربەستەندىرۋگە“ قارسى تۇرادى، جۇڭگونىڭ مەملەكەتتىڭ تۇتاستىعىن جۇزەگە اسىرۋ جولىنداعى قۇلشىنىسىن قولدايدى. اراب بىرىككەن امىرلىگى جاق ءتوراعا شي جينپيڭ العا قويعان دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن بارىنشا القايدى، بەلسەنە قولدايدى، ”ءبىر بەلدەۋ، ءبىر جولدى“ بىرگە قۇرۋعا ۇزدىكسىز بەلسەنە ات سالىسادى، جۇڭگو جاقپەن كوپ جاقتى كەڭەسۋدى، سەلبەسۋدى جيىلەتىپ، ءوڭىردىڭ جانە دۇنيە ءجۇزىنىڭ بەيبىتشىلىگىن، دامۋىن جانە گۇلدەنۋىن جەبەۋ ءۇشىن بەلسەندى قۇلشىنىس جاساۋدى قالايدى.
ەكى جاق تاعى پالەستينا - يزرايل قاقتىعىسى جونىندە پىكىر اۋىستىردى. شي جينپيڭ بىلاي دەپ باسا دارىپتەدى: قازىرگى شۇعىل مىندەت _ جاپپاي سوعىس توقتاتىپ، ادامگەرشىلىك داعدارىسىن باسەڭدەتۋ. حالىقارالىق قوعام پالەستينا ماسەلەسىنىڭ ”ەكى ەل جوباسى“ نەگىزىندە ەرتەرەك كەلىسسوز ارقىلى شەشىلۋىن ءبىر اۋىزدان قولداۋى كەرەك. جۇڭگو مەن اراب بىرىككەن امىرلىگىنىڭ پالەستينا ماسەلەسىندەگى تۇرعىسى بىردەي، بىرگە قۇلشىنىپ، پالەستينا ماسەلەسىنىڭ جاپپاي، ءادىل، باياندى شەشىلۋىن ىلگەرىلەتۋ كەرەك.
كەڭەستەن كەيىن ەكى ەل مەملەكەت باسشىلارى قارجى قوسۋ، ”ءبىر بەلدەۋ، ءبىر جولدى“ بىرگە قۇرۋ، عىلىم - تەحنيكا، يادرو ەنەرگياسىنان بەيبىت پايدالانۋ، جۇڭگو ءتىلى وقىتۋى، مادەنيەت، ساياحات سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.
كەڭەستەن ىلگەرى شي جينپيڭ حالىق سارايىنىڭ سولتۇستىك زالىندا مۇحاممەدتى قارسى الۋ سالتىن وتكىزدى.
تيان - انمىن الاڭىندا 21 رەت قۇرمەت ساليۋتى اتىلدى، قۇرمەت قاراۋىلى ساپ تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى پارات مىنبەسىنە شىقتى، اسكەري وركەستر جۇڭگو مەن اراب بىرىككەن امىرلىگىنىڭ مەملەكەت اندەرىن ورىندادى. مۇحاممەد شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن كوردى.
سول كۇنى كەشتە شي جينپيڭ حالىق سارايىنىڭ التىن ءتۇستى زالىندا مۇحاممەدكە ارناپ قارسى الۋ قوناعاسىن بەردى.
ۋاڭ ي جوعارىداعى قيمىلدارعا قاتىناستى.
كەلۋ قاينارى: حالىق تورابى
 |
5 – ايدىڭ 30 – كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگوعا مەملەكەتتىك ساپارمەن كەلگەن ءارى جۇڭگو - اراب ەلدەرى سەلبەستىك تالقى مىنبەرىنىڭ 10 - كەزەكتى مينيستر دارەجەلىلەر ءماجىلىسىنىڭ اشىلۋ سالتىنا قاتىناسقان اراب بىرىككەن امىرلىگىنىڭ زۇڭتۇڭى مۇحاممەدپەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا مۇحاممەدكە ارناپ قارسى الۋ سالتىن وتكىزۋدە. سۋرەتتى شينحۋا اگەنتتىگىنىڭ ءتىلشىسى راۋ ايمين تۇسىرگەن
|
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
