سىچۋان عىلىم - تەحنيكادا جاڭالىق اشۋ ارقىلى دامۋدىڭ جاڭا قوزعاۋشى كۇشىن، جاڭا باسىمدىعىن قالىپتاستىردى
«حالىق گازەتىنىڭ» تىلشىلەرى جاڭ فان، ۋاڭ ميڭفىڭ، ۋاڭ يۇڭجان
2024.06.03 16:38 كەلۋ قاينارى : حالىق تورابى
ءوندىرىس جەلىسىندە ەلەكتر جارىعى جىلتىلدايدى. زەردەلى قۇلتەمىر ءبىر مەحانيكالىق بىلەگىن تاعى ءبىر دانەكەرلەنگەن قۇلتەمىرگە قاراي سوزۋدا. ”ءبىز دانەكەرلەۋشى قۇلتەمىردىڭ تۇتاس ماشينا جابدىقتارىن ءوندىرۋ سالاسىنداعى 200 گە جۋىق پاتەنت تەحنيكاسىن يگەردىك“. چىڭدۋ كانوپۋ قۇلتەمىر تەحنيكاسى شەكتى جارنا سەرىكتەستىگى باس ديرەكتورىنىڭ ورىنباسارى دىڭ شىحاي بىلاي دەپ تانىستىردى: سەرىكتەستىك زەردەلى قۇلتەمىردى قۇراستىرۋ ۇلگىسىن قولدانىپ، ”قۇلتەمىر جاساۋدى“ توپ - توبىمەن ولشەمدەستىرىپ، ونەركاسىپ قۇلتەمىرىن دانەكەرلەۋ، جىنتىكتەي ءبولۋ سالاسىندا الدىڭعى لەكتە ءجۇردى.
كانوپۋ سەرىكتەستىگى تۇرعان سىچۋاننىڭ چىڭدۋ قالاسى لۇڭتان ونەركاسىپ قۇلتەمىر كاسىپ سالاسى فۋنكتسيالىق رايونىندا قازىر جاساندى زەردە كاسىبىنە قاتىستى 70 تەن استام كاسىپورىن، سيفرلى حابارلاسۋعا قاتىستى 300 گە جۋىق كاسىپورىن، ونەركاسىپ ينتەرنەت كاسىبىنە قاتىستى 50 گە جۋىق كاسىپورىن شوعىرلانعان.
2023 - جىلى 7 - ايدا باس شۋجي شي جينپيڭ سىچۋاندا قىزمەت تەكسەرگەندە بىلاي دەپ باسا دارىپتەدى: ”عىلىم - تەحنيكادا جاڭالىق اشۋ ارقىلى دامۋدىڭ جاڭا سالاسىن، جاڭا جارىس جولىن اشىپ، دامۋدىڭ جاڭا قوزعاۋشى كۇشىن، جاڭا باسىمدىعىن قالىپتاستىرۋ − جالپى جاعدايدىڭ بەتالىسى ءارى ساپالى دامۋدىڭ كوكەي تەستى تالابى، ءسوز جوق، جاڭالىق اشۋعا سۇيەنۋ، اسىرەسە، عىلىم - تەحنيكادا جاڭالىق اشۋ ارقىلى قوزعاۋشى كۇشتە وزگەرىس جاساۋدى جانە قوزعاۋشى قۋاتتا بۇرىلىس جاساۋدى جۇزەگە اسىرۋ كەرەك“. بيىل 4 - ايدا باس شۋجي شي جينپيڭ جاڭا داۋىردە باتىس بولىكتى قاۋىرت اشۋدى ىلگەرىلەتۋ اڭگىمە ءماجىلىسىن باسقارىپ اشقاندا: ”جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، وسى زامانعى جاساۋ كاسىبىن جانە ستراتەگيالىق جاڭادان گۇلدەنگەن كاسىپ سالالارىن دامىتۋ جونىندە ىزدەنىس جاساپ، بولاشاق كاسىپ سالالارىن ورنالاستىرىپ، قۇرىپ، وڭىرلىك دامۋدىڭ جاڭا قوزعاۋشى قۋاتىن قالىپتاستىرۋ كەرەك“ دەپ باسا دارىپتەدى.
باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرعان سىچۋان جەرگىلىكتى جاعدايعا قاراي جاڭا وندىرگىش كۇشتەردى دامىتىپ، عىلىم - تەحنيكادا جاڭالىق اشۋ ارقىلى دامۋدىڭ جاڭا قوزعاۋشى كۇشىن، جاڭا باسىمدىعىن سومداپ، جاساۋ كاسىبىنىڭ سيفرلانۋىن، توراپتانۋىن، زەردەلىلەنۋىن ىشكەرىلەي ىلگەرىلەتىپ، جاڭادان گۇلدەنگەن كاسىپ سالالارى مەن بولاشاق كاسىپ سالالارىن بەلسەنە جەتىلدىردى.
عىلىم - تەحنيكا ارقىلى جەتەكشىلىك ەتىپ، ءداستۇرلى كاسىپتەردىڭ تيپىن وزگەرتىپ، دارەجەسىن جوعارىلاتتى. تۇتاستىرعىش ءونىمنىڭ ساپاسىن تەكسەرۋ - ولشەۋ جەلىسىنە كىرىپ، كامەرا ءار قىرىنان كوپ پارشا سۋرەت تۇسىرەدى... ميانياڭ قالاسىنا ورنالاسقان سىچۋان حۋافىڭ عىلىم - تەحنيكا شەكتى جارنا سەرىكتەستىگى جاساندى زەردەنى ءونىم ساپاسىن تەكسەرۋگە پايدالانادى. ”تۇتاستىرعىش نازىك جابدىق بولىپ، بولماشى اقاۋ بولسا ءونىمنىڭ ساپاسىنا ىقپال جەتەدى“. سەرىكتەستىكتىڭ باس ديرەكتورى ليۋ تايگو بىلاي دەدى: كاسىپورىن دەربەس زەرتتەپ اشقان جاساندى زەردەنىڭ كورۋ تۇيسىگىن تەكسەرۋ جابدىعى ادام باسىنا تۋرا كەلەتىن ءوندىرىس ونىمدىلىگىن بارىنشا جوعارىلاتىپ، تەكسەرۋدىڭ دالدىك شاماسىن %99.9 كە جەتكىزدى.
جاساۋ كاسىبىنىڭ تيپىن وزگەرتىپ، دارەجەسىن جوعارىلاتۋدى ىلگەرىلەتكەن سىچۋان كولەمدەنگەن ونەركاسىپ كاسىپورىندارىنىڭ تيپىن وزگەرتۋدە جاپپاي قامتۋدى جەدەلدەتتى. بۇكىل ولكە بويىنشا اتقارىلىپ جاتقان جانە زاپاس ساقتالعان زەيىندەندىرىپ وزگەرتۋ، سيفرلاندىرىپ تيپىن وزگەرتۋ نىسانى 3000 عا تاياپ، قارجى قوسۋ جالپى سوماسى 650 ميلليارد يۋاننان استى. تاياۋ جىلداردان بەرى سىچۋان ”ماياك زاۆودىنان“ ۇشەۋىن، مەملەكەت دارەجەلى زەردەلى جاساۋدان ۇلگى كورسەتەتىن 15 زاۆودتى قۇردى، بۇلتتىق جۇيەگە ەنگەن كاسىپورىن 420 مىڭنان استى.
جاڭالىق اشۋدى جەتەكشى ەتىپ، جاڭاشا وندىرگىش كۇشتەردى جەدەل دامىتتى، سىچۋان الدىڭعى لەكتەگى عىلىم - تەحنيكادا قامال الۋ ارەكەتىن اتقارىپ، جاساندى زەردە، اۆياتسيا - عارىش، وزىق جابدىق، بيولوگيالىق جاساۋ، تازا ەنەرگيا، وزىق ماتەريال سياقتى كەلەلى عىلىم - تەحنيكا ارناۋلى نىساندارىن بار كۇشپەن ىلگەرىلەتىپ، ءبىر توپ شەشۋشى، وزەكتى تەحنيكادان كۇش سالا قامال الدى.
سىچۋان داجوۋ پۋگۋاڭ ەكونوميكالىق اشۋ رايونى ليتي - كاليدى جان - جاقتى اشۋ كاسىپ باقشاسىنىڭ باتەريانى ءبىر جاقتى ەتۋ سەحىندا اۆتوماتتى جابدىقتار جوعارى ونىمدىلىكپەن جۇمىس جۇرگىزىپ، جيناپ الىنعان جاراقسىز باتەريانى قايتالاي پايدالاندى. جياڭشي گانفىڭ ليتي توبى شەكتى جارنا سەرىكتەستىگى وسى ارادا قارجى قوسىپ قۇرعان جاراقسىز باتەريانى جان - جاقتى پايدالانۋ نىسانىنىڭ جىلدىق ءونىم قۇنى 3 ميلليارد يۋانعا جەتتى. ”تازا ەنەرگيا كاسىبىن ارقاۋ ەتىپ، ءبىز تاستاندى ەتىلگەن باتەريادان جان - جاقتى پايدالانۋ تەحنيكاسىندا جاڭالىق اشۋدى ورىستەتىپ، جيناپ الۋ نىسانىن قۇردىق، ليتيدى ايىرىپ الۋ نىسانىن دا قۇرامىز“ دەدى گانفىڭ ليتي كاسىبى (2 – مەرزىمدىك) نىسانىنىڭ مەڭگەرۋشىسى سۇي جينسۇڭ.
تاجىريبەحانادا عىلمي زەرتتەۋ قىزمەتكەرلەرى اسپاپتاردى ىستەتىپ، ءدارى سۇيىقتىعىن بەلگىلەنگەن قويۋلىققا جەتكىزدى. ”ءبىز كلەتكامەن ەمدەيتىن ءبىر ءتۇرلى ءدارىنى زەرتتەپ جاساپ جاتىرمىز، كلينيكالىق سىناق تاماشا ونىمدىلىككە قول جەتكىزدى“ دەدى چىڭدۋ يوۋساينو بيو عىلىم - تەحنيكا شەكتى سەرىكتەستىگىنىڭ الەۋمەتتىك ىستەر باس باقىلاۋشىسى ياۋ جى. يوۋساينو سەرىكتەستىگى تۇرعان چىڭدۋ جوعارى، جاڭا تەحنيكا رايونى تىزبەكتى كاسىپورىن، دانەكەر قۇرىلىم سياقتىلاردى ارقاۋ ەتىپ، كاسىپ سالاسىنىڭ ەكولوگيالىق جۇيەسىن قۇرىپ، تۇتاس ۋاقىت مەزەتىندەگى بيولوگيالىق ءدارى - دارمەك فۋنكتسيالىق تۇعىرىنان 160 تان استامىن شوعىرلاندىردى.
بيىل 1 - توقساندا سىچۋان ولكەسىنىڭ جوعارى تەحنيكالى كاسىپ سالاسىنا قوسقان قارجىسى سايكەس مەزگىلدەگىدەن % 17.7 ارتتى، مۇنىڭ ىشىندە جوعارى تەحنيكالى جاساۋ كاسىبىنە قوسىلعان قارجى سايكەس مەزگىلدەگىدەن % 14.6 ارتتى، ءدارى - دارمەك جاساۋ كاسىبىنە، اۆياتسياعا، عارىش اسپاپتارىن جاساۋ كاسىبىنە قوسىلعان قارجىنىڭ ارتۋ قارقىنى تۇگەلدەي %20 تەن جوعارى بولدى.
”جاڭاشا وندىرگىش كۇشتەردى دامىتۋدا عىلىم - تەحنيكادا جاڭالىق اشۋ − وزەكتى فاكتور، كاسىپ سالاسىندا جاڭالىق اشۋ − شەشۋشى دانەكەر، ەكەۋى ءبىرىن - ءبىرى جەبەيدى، ءبىرىن - ءبىرى تىرەك ەتەدى“. سىچۋان ولكەلىك پارتكومنىڭ شۋجيى ۋاڭ شياۋحۇي مىنانى ءبىلدىردى: جاڭا دامۋ ۇستانىمىن تولىق، دالمە ـ ءدال، جاپپاي دايەكتىلەندىرىپ، جەرگىلىكتى جاعدايعا قاراي جاڭاشا وندىرگىش كۇشتەردى دامىتىپ، عىلىم ـ تەحنيكادا جاڭالىق اشۋ ارقىلى دامۋدىڭ جاڭا قوزعاۋشى كۇشىن، جاڭا باسىمدىعىن سومداپ، دامۋ ءتاسىلىن، دامۋ قوزعاۋشى كۇشىن، دامۋ سالاسىن، دامۋ ساپاسىن وزگەرتۋدى ىشكەرىلەي ىلگەرىلەتىپ، سىچۋاننىڭ ساپالى دامۋىن جەدەلدەتەمىز.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
