وقۋ – اعارتۋ مينيسترلىگى: ءارقايسى ورتا، باستاۋىش مەكتەپتەردە وقۋشىلاردىڭ ءبىرىن – ءبىرى جابىرلەۋىن جونگە سالۋ كوميسسياسىن قۇرۋ كەرەك
2024.06.03 16:52 كەلۋ قاينارى : حالىق تورابى
ورتا، باستاۋىش مەكتەپتەردە مەكتەپ اۋلاسىنداعى زورلىق - زومبىلىق پەن وقۋشىلاردىڭ ءبىرىن – ءبىرى جابىرلەۋىنەن ساقتانۋ جانە ونى جونگە سالۋ ارناۋلى ارەكەتىن ىشكەرىلەي ىلگەرىلەتۋ ءۇشىن، جۋىردا وقۋ – اعارتۋ مينيسترلىگىنىڭ كەڭسە مەڭگەرمەسى ۇقتىرۋ باسىپ تاراتىپ، جەر – جەردىڭ مەكتەپ اۋلاسىنداعى زورلىق - زومبىلىق پەن وقۋشىلاردىڭ ءبىرىن – ءبىرى جابىرلەۋىنەن ساقتانۋ جانە ونى جونگە سالۋ ارناۋلى ارەكەتىن ورىستەتۋى جونىندە ناقتى قىزمەت تالابىن ورتاعا قويدى:
. ءارقايسى مەكتەپتەر وقۋشىلاردىڭ ءبىرىن – ءبىرى جابىرلەۋىن جونگە سالۋ كوميسسياسىن قۇرۋى، ءبىرىن – ءبىرى جابىرلەۋ ارەكەتى جونىندە ساراپتاما جاساۋى، زاڭ – تۇزىمگە ساي ءبىرجاقتى ەتۋى كەرەك.
. مەكتەپتەر ناقتى ءتارتىپ – ءتۇزىمىن بەلگىلەپ، ءتۇرلى جابىرلەۋ ارەكەتىنە سايكەس كەلەتىن جازالاۋ شارالارىن ايقىن تۇراقتاندىرۋى كەرەك.
. جابىرلەۋدەن ساقتانۋ جانە ونى جونگە سالۋعا قاتىستى تەلەفونىن، حات ساندىعىن جانە زاڭمەن جونگە سالۋعا جاۋاپتى بولعان ورىنباسار مەكتەپ باستىعىنىڭ، حاۋىپسىزدىك قىزمەتىنە جاۋاپتى بولعان مەكتەپ باستىعىنىڭ تەلەفونىن جاريالاۋ، تەلەفونمەن اڭىس ەتكەن جاعدايلار جونىندە العاش قابىلداعان ادام جاۋاپتى بولۋ ءتۇزىمىن تياناقتاندىرۋ كەرەك.
. ءارقايسى كلاس ءبىر وقۋ ماۋسىمىندا وقۋشىلاردىڭ ءبىرىن – ءبىرى جابىرلەۋىنەن ساقتانۋ جانە ونى جونگە سالۋ تاقىرىبىندا كەمىندە 2 رەت كلاس جيىنىن اشۋى، وقۋشىلاردى جابىرلەۋدەن ساقتانۋ جاعىنداعى بىلىمدەر مەن ادىستەردى ۇيرەتۋى كەرەك.
. كوريدور، قابات ءۇيدىڭ توبەسى، زات ساقتاۋ بولمەسى قاتارلى كوزدەن تاسا ورىنداردى كەسكىنمەن تولىقتاي باقىلاۋدى ىسكە اسىرۋ قاجەت.
ۇقتىرۋدا مىنالار اتاپ كورسەتىلگەن: جەر – جەردەگى وقۋ – اعارتۋدى اكىمشىلىك جاقتان باسقارۋ تاراۋلارى مەن مەكتەپتەر بارلىق وقىتۋشى – قىزمەتكەرلەرگە جانە اتا – انالارعا بەلگىلى مەرزىم بويىنشا وقۋشىلاردىڭ ءبىرىن – ءبىرى جابىرلەۋىنەن ساقتانۋ جانە ونى جونگە سالۋ جونىندە ارناۋلى كۋرس ورنالاستىرۋى، پارىقتاۋ، توتەپ بەرۋ قابىلەتى مەن ارالاسۋ جانە ءبىرجاقتى ەتۋ ورەسىن جوعارىلاتۋى كەرەك. قيىنشىلىق قىسپاعىنداعى بالالارعا قامقورلىق جاساۋ مەن ايالاۋدى كۇشەيتىپ، ولاردىڭ تۇرمىسىنا قارايلاسۋ، ولارعا پسيحولوگيالىق جاقتان جەتەكشىلىك ەتۋ، وتباسىلىق ءتالىم – تاربيە بەرىپ جول سىلتەۋ قاتارلى قىزمەتتەردى دەر كەزىندە ورىستەتۋى كەرەك.
ۇقتىرۋدا مىنالار باسا دارىپتەلگەن: جەر – جەردەگى وقۋ – اعارتۋدى اكىمشىلىك جاقتان باسقارۋ تاراۋلارى ءىس جۇزىندىك جاعدايمەن ۇشتاستىرا وتىرىپ، ورتا، باستاۋىش مەكتەپ وقۋشىلارىنىڭ ءبىرىن – ءبىرى جابىرلەۋى مەن زورلىق – زومبىلىق ىستەۋىنەن ساقتانۋ جانە ونى جونگە سالۋ جاعىنداعى نۇسقاۋ بەرۋ قولدانباسىن زەرتتەپ جاساپ، وقىتۋشىلار مەن اتا – انالارعا ءتالىم – تاربيە بەرىپ، جەتەكشىلىك ەتۋدى كۇشەيتۋى كەرەك. زاڭ – تۇزىمدىك جاقتان كەڭەس بەرۋ، پسيحولوگيالىق جاقتان ءجون سىلتەۋ، جابىرلەۋ، زورلىق - زومبىلىق ىستەۋ ارەكەتىن تۇزەتۋ، تەحنيكالىق جولمەن ساقتانۋ قاتارلى جاقتاردا مەكتەپتەرگە قاجەتىنە قاراي جەتەكشىلىك ەتۋى ءارى قولداۋ كورسەتۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
