جاۋ لىجي حىبەيدە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
تاجىريبەلەردى قورىتىندىلاۋعا ءمان بەرىپ، تۋراشىلدىقتان اينىماي، جاڭالىق اشۋدا تاباندى بولىپ، جاڭا داۋىردەگى حالىق قۇرىلتايى قىزمەتىن جوعارى ساپامەن ويداعىداي ىستەۋ كەرەك
2024.06.05 16:53 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 4 – كۇنى، شىجياجۋاڭ. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 6 - ايدىڭ 2 – كۇنىنەن 4 - كۇنىنە دەيىن حىبەيدە تەكسەرۋ - زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، باس شۋجي شي جينپيڭنىڭ حالىق قۇرىلتايى تۇزىمىندە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايى ءتۇزىمىنىڭ تاريحي سوزسىزدىگى مەن ابزالدىعىن، ونىمدىلىگىن جۇيەلى قورىتىندىلاپ، ءتۇزىم سەنىمىن بەكەمدەپ، تۋراشىلدىقتان تايماي، جاڭالىق اشۋدا تاباندى بولىپ، جاڭا داۋىردەگى حالىق قۇرىلتايى قىزمەتىن جوعارى ساپامەن ويداعىداي ىستەۋ كەرەك.
جاۋ لىجي ىلگەرىندى - كەيىندى حاندان، شيڭتاي، شىجياجۋاڭ سياقتى جەرلەرگە بارىپ، الەۋمەتتىك اۋماق، كاسىپورىن، اۋىل - قىستاققا جانە شارۋا وتباسىلارىنىڭ ۇيىنە بارىپ، حالىق قۇرىلتايى ۋاكىلدەرىمەن، بۇقارامەن پىكىر اۋىستىردى. ول بىلاي دەپ باسا دارىپتەدى: حالىق قۇرىلتايى ءتۇزىمى − جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى، حالىق قۇرىلتايى قىزمەتىندە، ءسوز جوق، جالپى بارىستىق حالىق دەموكراتياسىن سانالى تۇردە امالياتتا ايگىلەپ جانە دامىتىپ، قالىڭ حالىقتىڭ ءتۇبىرلى مۇددەسىن ويداعىداي جۇزەگە اسىرۋدى، قورعاۋدى، دامىتۋدى شىعار ءتۇيىن جانە تياناق ەتۋ كەرەك. ”ەكى بايلانىستى“ تۇتقا ەتىپ، ۋاكىلدەر قىزمەتىن تەرەڭدەتىپ، كەڭەيتىپ، ۋاكىلدەر وتاۋىنان، ۋاكىلدەر بايلانىس پۋنكتىنەن ويداعىداي پايدالانىپ، ۋاكىلدەردىڭ كاسىپتىك ەرەكشەلىگىن ساۋلەلەندىرىپ، ۋاكىلدەردىڭ زاڭ بويىنشا مىندەت اتقارۋىن قولداۋ جانە قامتاماسىز ەتۋ كەرەك. حالىق قۇرىلتايى ۋاكىلدەرى زاڭدا بەلگىلەنگەن قىزمەت مىندەتىن تياناق ەتىپ، پارتيا ۇيىمىنىڭ باسشىلىعىندا، بۇقارا اڭىس ەتكەن ماسەلەلەرگە باعىتتاي وتىرىپ، بۇقارامەن كوبىرەك بايلانىس جاساپ، كوبىرەك كەڭەسىپ، ۇكىمەت تاراۋلارىمەن جانە قاتىستى جاقتارمەن كوبىرەك سەلبەسىپ، كوبىرەك سايكەسىپ، قىزمەتتىڭ بىرىككەن كۇشىن قالىپتاستىرىپ، بۇقاراعا اناعۇرلىم ويداعىداي قىزمەت وتەپ، پارتيا مەن مەملەكەتتىڭ حالىق بۇقاراسىمەن بايلانىس جاسايتىن كوپىرى بولۋ كەرەك.
جاۋ لىجي ولكە، قالا، اۋدان ءۇش دارەجەلى حالىق قۇرىلتايى تۇراقتى كوميتەتى ورگاندارىنا بارىپ تەكسەرۋ - زەرتتەۋ جۇرگىزدى. ول بىلاي دەپ اتاپ كورسەتتى: جاڭا داۋىردەگى حالىق قۇرىلتايى قىزمەتىن ويداعىداي ىستەۋدە ”ەكىنى تۇراقتاندىرۋدىڭ“ شەشۋشى ماڭىزىن تەرەڭ ءتۇسىنىپ، ”ەكىنى قورعاۋدى“ سانالى تۇردە ورىنداپ، پارتيا باسشىلىعىنىڭ، حالىقتىڭ قوجايىن بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە تاباندى بولىپ، مەملەكەتتىڭ ءتۇبىرلى ساياسي ءتۇزىم ابزالدىعىن جونگە سالۋ ونىمدىلىگىنە اناعۇرلىم ويداعىداي اينالدىرۋ كەرەك. قورتىندىلاۋ، مۇراگەرلىك ەتۋ، كەمەلدەندىرۋ، جوعارىلاتۋ پرينسيپى بويىنشا، ءداۋىردىڭ قادامىنا تىعىز ىلەسىپ، امالياتتىڭ دامۋىنا سايكەسىپ، حالىق قۇرىلتايى قىزمەتىنىڭ جاڭا وي جەلىسى، جاڭا شارالارى جونىندە ىزدەنىس جاساپ، تىڭ تابىستارعا، تىڭ تاجىريبەلەرگە ۇزدىكسىز قول جەتكىزۋ كەرەك. حالىق قۇرىلتايى جانە ونىڭ تۇراقتى كوميتەتى وزەكتى ارقاۋ ەتىپ، ءتۇيىندى كورنەكتىلەندىرىپ، قىزمەت ساپاسىن جوعارىلاتۋعا كۇش سالۋى كەرەك. حالىق قۇرىلتايىنىڭ جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىنداعى قىزمەت جاۋاپكەرلىگىن ءدال تاۋىپ، نازاردى پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا جانە حالىق بۇقاراسى جاپپاي نازار اۋدارىپ وتىرعان كورنەكتى ماسەلەلەرگە شوعىرلاندىرىپ، قىزمەتتى ءبىر تۇتاس جوسپارلاپ، ءتارتىپتى ورىستەتۋ كەرەك. جەرگىلىكتى حالىق قۇرىلتايلارىنىڭ زاڭ شىعارۋ، باقىلاۋ سياقتى قىزمەتتەرىندە جەرگىلىكتى پارتكومداردىڭ پارتيا ورتالىق كوميتەتىنىڭ كەلەلى باعىت - ساياساتتارىن دايەكتىلەندىرۋ، تياناقتاندىرۋ جونىندەگى شەشىمدەرىن، ورنالاستىرۋلارىن مىقتاپ ارقاۋ ەتىپ، جەرگىلىكتى ورىننىڭ ءىس جۇزىندىگىمەن ۇشتاستىرىپ، ماسەلەنى باعدار ەتۋدە تاباندى بولىپ، باعىتتامالىلىعى مەن ناقتى ونىمدىلىگىن جوعارىلاتۋ كەرەك.
جاۋ لىجي ولكەلىك حالىق قۇرىلتايى تۇراقتى كوميتەتىنىڭ ورگانىندا اڭگىمە ءماجىلىسىن باسقارىپ اشتى ءارى حالىق قۇرىلتايى ءتۇزىمى كورمەسىن ەكسكۋرسيالادى. ول مىنالاردى باسا دارىپتەدى: بيىل − مەملەكەتتىك حالىق قۇرىلتايى قۇرىلعانىنىڭ 70 جىلدىعى، ەلىمىزدە حالىق قۇرىلتايى ءتۇزىمىن اتقارۋدىڭ تاريحي لوگيكاسىن، نازاريالىق لوگيكاسىن، امالياتتىق لوگيكاسىن ىشكەرىلەي زەرتتەپ، ءتۇسىندىرىپ، حالىق قۇرىلتايى ءتۇزىمى قۇرىلىسى مەن حالىق قۇرىلتايى قىزمەتىنىڭ تاجىريبەلەرىن قورىتىندىلاپ جانە قولدانىپ، حالىق قۇرىلتايى تۇزىمىندە ويداعىداي تاباندى بولۋ، ونى كەمەلدەندىرۋ، ويداعىداي جۇرگىزۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
