حان جىڭ تۇركيانىڭ سىرتقى ىستەر مينيسترى فەدانمەن كەزدەستى
2024.06.05 16:54 كەلۋ قاينارى : حالىق تورابى
شينحۋا اگەنتتىگى، 6 - ايدىڭ 4 - كۇنى، بەيجيڭ. مەملەكەت ءتوراعاسىنىڭ ورىنباسارى حان جىڭ 6 - ايدىڭ 4 - كۇنى بەيجيڭدە تۇركيانىڭ سىرتقى ىستەر مينيسترى فەدانمەن كەزدەستى.
حان جىڭ مىنانى ءبىلدىردى: ءتوراعا شي جينپيڭ مەن ەردوعان زۇڭتۇڭنىڭ ستراتەگيالىق جەتەكشىلىگىندە، جۇڭگو مەن تۇركيانىڭ ءار سالاداعى دوستىق اۋىس - كۇيىسى مەن ناقتى سەلبەستىگى ۇزدىكسىز تەرەڭدەدى. جۇڭگو مەن تۇركيا − وركەندەپ كەلە جاتقان ءىرى ەلدەر جانە بازارى جاڭادان گۇلدەنگەن ماڭىزدى ەلدەر، كەڭ كولەمدى ورتاق مۇددەگە جانە وراسان زور سەلبەستىك كومەسكى كۇشىنە يە. جۇڭگو جاق تۇركيا جاقپەن بىرگە ەكى ەل مەملەكەت باسشىلارىنىڭ ماڭىزدى ورتاق تانىمىن ويداعىداي تياناقتاندىرىپ، ساياسي سەنىمدىلىكتى نىعايتىپ، دامۋ ستراتەگياسىن ۇشتاستىرۋدى كۇشەيتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرىپ، ءبىر - ءبىرىنىڭ وزەكتى مۇددەسىن قورعاۋىن باتىل قولداپ، جۇڭگو مەن تۇركيانىڭ ستراتەگيالىق سەلبەستىك قارىم - قاتىناسىنىڭ تىڭ ساتىعا كوتەرىلۋىن ىلگەرىلەتۋدى قالايدى. تۇركيا جاقتىڭ ءتوراعا شي جينپيڭ العا قويعان 3 ۇلكەن دۇنيە جۇزىلىك باستامانى قولداپ جانە وعان قاتىناسىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋىن قارسى الامىز.
فەدان مىنانى ءبىلدىردى: تۇركيا جاق ءبىر جۇڭگو پرينسيبىنە بويسۇنادى، تۇركيا جاقتا جۇڭگو تەرريتورياسىنىڭ تۇتاستىعىن بۇلدىرەتىن قيمىلدارمەن شۇعىلدانۋعا جول بەرمەيدى. تۇركيا - جۇڭگو سەلبەستىگىنىڭ كومەسكى كۇشى زور، تۇركيا جاق جۇڭگو جاقپەن جوعارى جىكتەگىلەردىڭ بارىس - كەلىسىن جيىلەتىپ، ءار سالاداعى ناقتى سەلبەستىكتى كۇشەيتىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە جەبەۋدى قالايدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
