قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى قياق كۇرىش مەرەكەسى مەزگىلىندەگى تاس جولداعى قاتىناس حاۋىپسىزدىگى جونىندە ەسكەرتۋ جاريالادى
2024.06.07 14:38 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى رىن چينچين 6 – ايدىڭ 5 – كۇنى بەيجيڭنەن حابارلايدى. قياق كۇرىش مەرەكەسى تاياپ قالدى، ونىڭ ۇستىنە، مەملەكەتتىك جوعارى مەكتەپ ەمتيحانى دا وسى ۋاقىتقا تۋرا كەلگەندىكتەن، تاس جولداعى قاتىناس حاۋىپسىزدىگى جاعىنداعى حاۋىپ – قاتەر ارتا تۇسەدى. قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى جۋىردان بەرگى جىلدارداعى قياق كۇرىش مەرەكەسىنىڭ دەمالىسى مەزگىلىندەگى قاتىناس شىرعالاڭىنىڭ زاڭدىلىعىنا جانە ەرەكشەلىگىنە ۇشتاستىرا وتىرىپ، 6 – ايدىڭ 5 – كۇنى تاس جولداعى قاتىناس حاۋىپسىزدىگى تۋرالى ەسكەرتۋ جاريالادى.
قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسىنىڭ زەرتتەپ تۇجىرىمداۋىنشا، بيىل قياق كۇرىش مەرەكەسى مەزگىلىندە، اۋىل – قىستاقتاردا ايداعارشا قايىق جارىستىرۋ قاتارلى سالت – سانالىق قيمىلداردىڭ سانى ارتادى، ەگىس قاربالاستىعى مەزگىلىندە جۇمىسكەرلەر مەن ديقانداردىڭ ءجۇرىس – تۇرىسى دا شوعىرلى بولادى، اۆتوبۋزشاعا، موتوتسيكلگە ادامدى ارتىق وتىرعىزۋ، سونداي – اق، جۇك اۆتوموبيلىنە، ءۇش دوڭگەلەكتى موتوتسيكلگە، تراكتورعا زاڭعا قايشى تۇردە ادام وتىرعىزۋ بارىسىندا شىرعالاڭ تۋىلۋ حاۋپى ارتا تۇسەدى؛ وتباسىمەن بىرگە اۆتوموبيلمەن ساپارلاي شىعاتىنداردىڭ سانى ارتادى، جوعارى مەكتەپ ەمتيحانىنا قاتىناساتىنداردى ەمتيحانعا اپارىپ – اكەلەتىن وتباسىلىق اۆتوموبيلدەردىڭ دە سانى ارتادى، وتباسىلىق اۆتوموبيلدەردىڭ زاڭعا قايشى وقيعا تۋدىرۋ حاۋپى دە كورنەكتى بولادى؛ تاس جولداعى تاسىمال قاۋىرت بولادى، جۇك اۆتوموبيلدەرىن شارشاعان كۇيدە جۇرگىزۋ، قارقىنىن شەكتەن اسىرۋ جانە شەكتەن ارتىق ادام وتىرعىزۋ، ءىرى تيپتى جولاۋشىلار اۆتوموبيلدەرىنىڭ، ينتەرنەت ارقىلى شاقىرىلاتىن اۆتوموبيلدەردىڭ ادامدى ارتىق وتىرعىزۋى، شەكتەن تىس قارقىنمەن ءجۇرۋى قاتارلى زاڭعا قايشى ارەكەتتەرى سەبەبىنەن توپتى ادامنىڭ قازا بولۋى، توپتى ادامنىڭ جارالانۋى سىندى تراگەديالاردىڭ تۋىلۋ حاۋپى ارتادى. مۇنان سىرت، قياق كۇرىش مەرەكەسىنەن كەيىن، ەلىمىز بويىنشا كوپ جەردە جاڭبىر جاۋۋى مۇمكىن، جاڭبىر جاۋعان سوڭ جول تايعاق بولاتىندىقتان، اۆتوموبيلدەردىڭ سوعىلىسۋى، اۋدارىلۋى قاتارلى شىرعالاڭداردىڭ تۋىلۋ حاۋپى ارتادى، تاۋلى وڭىرلەردەگى جولداردا تاسقىن ءجۇرۋ، وپىرىلۋ قاتارلى اپاتار مەن تۇمان ءتۇسۋ سىندى سۇركەيلى اۋا رايىنىڭ ىقپالى زور بولادى.
قوعام حاۋىپسىزدىگى مينيسترلىگىنىڭ قاتىناستى باسقارۋ مەكەمەسى مىنانى ەسكەرتەدى: دەمالىس مەزگىلىندە اۆتوموبيل جۇرگىزىپ ساپارلاعان كەزدە، قاتىستى تاراۋلار جاريالاعان تاس جول جاعدايىنىڭ ينفورماتسياسى مەن ساقتىق دابىلى ەسكەرتۋ ينفورماتسياسىنا نازار اۋدارىپ، ساپارلاۋ ۋاقىتى مەن جولىن ۇيلەسىمدى ورنالاستىرۋ كەرەك، اراق ىشكەننەن كەيىن اۆتوموبيل جۇرگىزۋ، شارشاعان كەزدە اۆتوموبيل جۇرگىزۋ، اۆتوموبيل جۇرگەن كەزدە نازاردى باسقاعا بۇرۋ، قارقىندى شەكتەن اسىرۋ قاتارلى زاڭعا قايشى ارەكەتتەردەن تيىلۋ كەرەك. دەمالىس مەزگىلىندە اۆتوموبيلگە وتىرىپ ساپارلاعاندا، رەسمي تاسىمالمەن شۇعىلداناتىن اۆتوموبيلدەرگە وتىرۋ كەرەك، ءوز بەتىمەن جولاۋشى تاسىمالدايتىن اۆتوموبيلدەرگە، ”كۋالىكسىز اۆتوموبيلدەرگە“ جانە زاڭسىز تيجارات جۇرگىزەتىن اۆتوموبيلدەرگە، ادامدى ارتىق وتىرعىزعان اۆتوموبيلدەرگە وتىرماۋ كەرەك. جوعارى قارقىندى تاس جولدا اۆتوموبيل جۇرگىزگەن كەزدە، حاۋىپسىز ارالىق ساقتاۋ، الباتى قىستىرىلماۋ، شۇعىل جاعدايدا پايدالاناتىن اۆتوموبيل جولىن يەلەپ الماۋ، شىعار اۋىزدان ءوتىپ كەتكەن سوڭ شۇعىل تورموز باسپاۋ جانە شۇعىل توقتاماۋ، توساتتان جول اۋىستىرماۋ ءتىپتى اۆتوموبيلدى شەگىندىرمەۋ، كەرى باعىتتا جۇرمەۋ كەرەك، قاتىناس شىرعالاڭى تۋىلسا ”اۆتوموبيلدى شەتكە توقتاتۋدى، ادامدار جولدىڭ سىرتىنا شىعۋدى، دەرەۋ ساقشىعا مالىمدەۋدى“ ەستەن شىعارماۋ كەرەك. جاي تاس جولداردا، اۋىل – قىستاقتا اۆتوموبيل جۇرگىزگەن كەزدە، شۇعىل اينالمالى، تىگىل، سۋ نەمەسە قۇزارعا جاقىن جول بولىكتەرى قاتارلىلارمەن جۇرگەن كەزدە، قارقىندى باياۋلاتىپ، اقىرىن ءجۇرۋ، ءوزارا جول بەرۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
