ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 7 - ءماجىلىسى جابىلدى
ۋاڭ حۋنيڭ ءماجىلىستى باسقاردى ءارى ءسوز سويلەدى
2024.06.07 16:10 كەلۋ قاينارى : حالىق تورابى
«حالىق گازەتى»، 6 - ايدىڭ 6 - كۇنى، بەيجيڭ (ءتىلشى ي شۋران). ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 7 - ءماجىلىسى 6 - ايدىڭ 6 - كۇنى تۇستەن بۇرىن بەيجيڭدە جابىلدى، ءماجىلىس ”جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋدى“ كەڭەس تاقىرىبى ەتىپ ۇكىمەت ىسىنە اقىل - كەڭەس بەردى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ جابىلۋ جينالىسىن باسقاردى ءارى ءسوز سويلەدى. ول مىنانى ءبىلدىردى: جۇڭگو كوممۋنيستىك پارتياسى 18 - قۇرىلتايىنان بەرى شي جينپيڭ جولداستى ۇيىتقى ەتكەن جۇڭگو كوممۋنيستىك پارتياسى ورتالىق كوميتەتى سوتسياليستىك بازار شارۋاشىلىعى ءتۇزىلىسى رەفورماسىنا ايرىقشا ءمان بەرىپ، سوتسياليستىك بازار شارۋاشىلىعى تۇزىلىسىندە تاباندى بولۋدى جانە ونى كەمەلدەندىرۋدى رەفورمانى جاپپاي تەرەڭدەتۋدىڭ ماڭىزدى ورنىنا قويىپ، ەكونوميكالىق ءتۇزىلىس رەفورماسىن تەرەڭدەتۋدىڭ ءبىر قىدىرۋ كەلەلى مىندەتتەرى مەن ماڭىزدى شارالارىن جوسپارلاپ جانە ورنالاستىرىپ، ساپالى دامۋدى ىلگەرىلەتۋدە تىڭعىلىقتى ناتيجەگە قول جەتكىزدى. مەملەكەتتىڭ جالپىلىق قۋاتى تاريحي سيپاتتى جوعارىلادى. ءبىز ساياسي دەڭگەيدى جوعارىلاتىپ، يدەيا مەن ارەكەتتى جۇڭگو كوممۋنيستىك پارتياسى ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، مىندەت اتقارىپ، جاۋاپكەرشىلىكتى ادا ەتۋ، جالپى جاعدايعا قىزمەت ەتۋ جاۋاپكەرشىلىك سەزىمى مەن بورىشتىلىق سەزىمىن كۇشەيتۋىمىز كەرەك.
ۋاڭ حۋنيڭ مىنالاردى ءبىلدىردى: باس شۋجي شي جينپيڭنىڭ جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋ جونىندەگى ماڭىزدى بايىمداۋلارى جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋعا ساياتىن باعىتتىق، ءتۇبىرلى، ۇزاق بولاشاقتىق ماسەلەلەرگە ىشكەرىلەي جاۋاپ بەردى، بۇل − شي جينپيڭ ەكونوميكا يدەياسىنىڭ ماڭىزدى قۇرامداس بولىگى. حالىق ساياسي كەڭەسى ىشكەرىلەي ۇيرەنىپ، ءتۇسىنىپ، نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋ، ”ەكىدەن استە اۋىتقىماۋدى“ تياناقتاندىرۋ، بازار شارۋاشىلىعىنىڭ نەگىزگى ءتۇزىمىن كەمەلدەندىرۋ، جوعارى ولشەمدى بازار جۇيەسىن قۇرۋ، ماكرولىق ەكونوميكانى باسقارۋ جۇيەسىن اقاۋسىزداندىرۋ، اشىق ەكونوميكانىڭ جاڭا ءتۇزىلىسىن ورناتۋ سياقتىلارعا شوعىرلاندىرىپ، تەكسەرۋ - زەرتتەۋدى، كەڭەسۋدى تەرەڭدەتىپ، دەموكراتيالىق باقىلاۋدى كۇشەيتىپ، ورتاق تانىمدى كەڭىنەن ۇيىستىرىپ، جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن ورناتۋعا بەلسەندى، ىرىقتى تۇردە اقىل - كەڭەس بەرۋ كەرەك.
ۋاڭ حۋنيڭ مىنالاردى ءبىلدىردى: مەملەكەتتىك ساياسي كەڭەستىڭ جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋىن، دايەكتىلەندىرۋىن دەن قويا ۇيىمداستىرىپ، حالىق ساياسي كەڭەسى قۇرىلعانىنىڭ 75 جىلدىعىن قۇتتىقتاۋ قيمىلىنا مۇقيات دايىندالىپ، ارناۋلى كوميتەتتەردىڭ قىزمەتىن كۇشەيتىپ، ساياسي كەڭەس ورگانىن ساياسي كەڭەس مۇشەلەرىنىڭ وتاۋى ەتىپ قۇرىپ شىعۋدى ىلگەرىلەتۋ كەرەك.
داۋىسقا سالۋ ارقىلى ماجىلىستە ما شياۋۋەي، ي حۇيمان، ساۋ جۇندەردى 14 - كەزەكتى مەملەكەتتىك ساياسي كەڭەستىڭ مۇشەلىگىنە تولىقتاۋ؛ حۋ حىڭلۋدى 14 - كەزەكتى مەملەكەتتىك ساياسي كەڭەس باس حاتشىسىنىڭ ورىنباسارلىعىنا تاعايىنداۋ، ي حۇيماندى ەكونوميكا كوميتەتى مەڭگەرۋشىسىنىڭ ورىنباسارلىعىنا، ما شياۋۋەيدى وقۋ - اعارتۋ، عىلىم، دەنساۋلىق ساقتاۋ، دەنە تاربيە كوميتەتى مەڭگەرۋشىسىنىڭ ورىنباسارلىعىنا، ساۋ جۇندى وقۋ - اعارتۋ، عىلىم، دەنساۋلىق ساقتاۋ، دەنە تاربيە كوميتەتى مەڭگەرۋشىسىنىڭ ورىنباسارلىعىنا تاعايىنداۋ ۇيعارىلدى؛ سۇي چيڭ ۇلت جانە ءدىن ىستەرى كوميتەتىنىڭ ساياسي كەڭەستە تۇراتىن ورىنباسار مەڭگەرۋشىسى مىندەتىن وتەمەيتىن بولدى. ءماجىلىس جاڭ شياۋميڭ جولداستىڭ مەملەكەتتىك 14 - كەزەكتى ساياسي كەڭەستىڭ تۇراقتى مۇشەلىگىنەن، مۇشەلىگىنەن شەگىنۋىن قابىلداۋ جونىندەگى قاۋلىنى، ۋاڭ تياننىڭ مەملەكەتتىك 14 - كەزەكتى ساياسي كەڭەستىڭ مۇشەلىگىنەن شەگىنۋىن قابىلداۋ جونىندەگى قاۋلىنى ماقۇلدادى. ءماجىلىس گوۋ جۇڭۋىندى 14 - كەزەكتى مەملەكەتتىك ساياسي كەڭەستىڭ تۇراقتى مۇشەسى، ۇلت جانە ءدىن ىستەرى كوميتەتىنىڭ ورىنباسار مەڭگەرۋشىسى مىندەتىنەن قالدىرۋ، ونىڭ مۇشەلىك تولىمدىلىعىن كۇشىنەن قالدىرۋ جونىندەگى قاۋلىنى ماقۇلدادى؛ شى لەيدىڭ، تاڭ ي - جۇننىڭ 14 - كەزەكتى مەملەكەتتىك ساياسي كەڭەستىڭ مۇشەلىگى تولىمدىلىعىن كۇشىنەن قالدىرۋ جونىندەگى قاۋلىنى تۇراقتاندىردى.
جابىلۋ ماجىلىسىنەن كەيىن چيڭحۋا داشۋەسى ينتەگرالدى تىزبەك شۋەيۋانى باستىعىنىڭ ورىنباسارى يىن شۋ - ي ۇسىنىس بويىنشا ”ەلىمىزدىڭ چيپ كاسىبىنىڭ دامۋ بولاشاعى جانە سايىس“ دەگەن تاقىرىپتا ۇيرەنۋ لەكسياسىن جاسادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ، مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، چىن ۋ، مۋ حۇڭ، شيان حۇي، ۋاڭ دۇڭفىڭ، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
