شاڭحاي پۋدۇڭنىڭ قابىلەتتىلەر باستاماشى بولىپ ىستەۋ تۇعىرى جاڭالىق اشىپ، قامال الۋعا دەم بەردى
عىلمي زەرتتەۋ مەن كاسىپ سالاسى اراسىنا «جوعارى قارقىندى جول» سالدى (جۇڭگو ۇلگىسىندەگى وسىزامانداندىرۋ جولىندا ەكپىندەي ىلگەرىلەۋ . ءبىرىنشى شەپتەن كورگەن - بىلگەندەرىمىز)
«حالىق گازەتىنىڭ» تىلشىلەرى ياڭ شۇي، حۋاڭ شياۋحۇي
2024.06.11 16:08 كەلۋ قاينارى : حالىق تورابى
ۇزىنشاق، ءتورتبۇرىشتى، دوڭگەلەك، تۇرلىشە تۇرپاتتى ەلەكتروندىق جابدىقتار تەز قارقىنمەن اينالاتىن جونەلتكىش تاسپاعا ىلەسىپ ساپا تەكسەرۋ كامەراسىنىڭ استىڭعى جاعىنان تىزبەكتەپ وتۋدە. لەزدىك ۋاقىت ارقىلى ءونىمنىڭ سىرتقى كورىنىسىنىڭ تولىمدى - تولىمسىزدىعىنا تۇجىرىم جاسالىپ جاتتى.
شاڭحاي پۋدۇڭ جاڭا رايونى جاڭجياڭ عىلىم ورتالىعىندا لي ۋەي كەڭسەسىنىڭ كومپيۋتەرىنەن ءبىر سەلبەسىپ جاساۋشى جاقتىڭ ءوندىرىس لەنياسىن انىق كورىنىپ تۇر. ەكراننىڭ وڭ جاق ۇستىڭگى بۇرىشىندا ساندىق ءمان شىعىپ تۇر: %98.5، %98.6...
بۇل ساندار ەكران ارقىلى ساپا تەكسەرۋگە ۋاكىلدىك ەتەدى. بۇل جۇيەنى لي ۋەي تۇرعان شاڭحاي سىحۋا عىلىم - تەحنيكا شەكتى جارنا سەرىكتەستىگى زەرتتەپ اشقان، ”بۇرىن ءبىر ءوندىرىس جەلىسىنە 4 ساپا تەكسەرۋ گرۋپپاسىنىڭ باستىعى ورنالاستىرىلاتىن، دالدىك دارەجەسى جوعارىلاعاننان كەيىن، ءبىر ادام ۇلگىرەتىن بولدى“.
باس شۋجي شي جينپيڭ بىلاي دەپ باسا دارىپتەدى: ”جاڭالىق اشىپ، قامال الۋدا ’قابىلەتتىلەر باستاماشى بولىپ ىستەۋ‘ ءتۇزىلىس – مەحانيزمىن پارمەندى، ءتارتىپتى ىلگەرىلەتۋ كەرەك“. 2023 - جىلدىڭ باسىندا پۋدۇڭ جاڭا رايونى رەسمي ىسكە قوسىلدى.
2023 - جىلى 11 - ايدا باس شۋجي شي جينپيڭ جاڭجياڭ عىلىم ورتالىعىنا كەلىپ قىزمەت تەكسەرىپ، ”جۇڭگو ۇلگىسىندەگى وسىزامانداندىرۋدى ىلگەرىلەتۋ عىلىم - تەحنيكانىڭ، وقۋ - اعارتۋدىڭ، دارىندىلاردىڭ ستراتەگيالىق تىرەگىنەن ايرىلا المايدى“دەپ اتاپ كورسەتىپ، شاڭحايعا ”دۇنيە جۇزىلىك ىقپالعا يە عىلىم - تەحنيكادا جاڭالىق اشۋ ورتالىعىنا قاراي جەدەل قادام تاستاۋدى“ تاپسىردى.
بيىل 3 - ايدىڭ سوڭىندا پۋدۇڭنىڭ قابىلەتتىلەر باستاماشى بولىپ ىستەۋ تۇعىرى تۇراقتاندىرعان قۇرىلىم تۇڭعىش رەت 400 دەن اسىپ، نيەت ءبىلدىرۋ سوماسى 800 ميلليون يۋاننان استى.
”2019 - جىلى قاريدارلار دالدىكتى %95 تەن تاعى 3 پايىز جوعارىلاتۋدى تالاپ ەتتى“. لي ۋەي ەسكە الىپ بىلاي دەدى: ”سەرىكتەسكەن ساۋداگەرلەر جىلىنا نەشە ميلليون ەلەكتروندىق جابدىق وندىرەدى، ءبىر پايىز جوعارىلاسا، 80 - 90 مىڭ زات ارتىق شىعارا الادى. ءبىراق سول كەزدەگى ءبىز جونىنەن العاندا، %95 تىك ورە ەڭ جوعارى ورە بولاتىن. سەرىكتەستىكتىڭ زەرتتەۋ - اشۋ ۇجىمى قايتا - قايتا زەرتتەپ، سىناقتان وتكىزگەنىمەن، ناتيجە شىعارۋ قيىنعا سوقتى “.
وسىدان كەيىن لي ۋەي جوعارى مەكتەپتەرمەن، كاسىپورىندارمەن جان - جاقتان تىلدەستى، بۇل تەحنيكانىڭ سايكەسپەۋى ماسەلەسى ەمەس، وزىندىك قۇن كوتەرىمدىلىگىنىڭ قيىنعا سوعۋى ەدى.
بىلتىر 3 - ايدا سىحۋا سەرىكتەستىگى پۋدۇڭدا قابىلەتتىلەر باستاماشى بولىپ ىستەۋ تۇعىرىنا تىركەلىپ، ىسكە كىرىستى.
سىحۋا سەرىكتەستىگىنىڭ شىعىس وڭتۇستىگىنەن 3 كيلومەتر جەردەگى شاڭحاي چاڭجياڭ اتىراۋى تەحنيكادا جاڭالىق اشۋدى زەرتتەۋ ورنى ”ەمتيحان سۇراۋىن“ تاپسىرىپ الدى.
”قابىلەتتىلەر باستاماشى بولىپ ىستەۋ تۇعىرىن پۋدۇڭ جاڭا رايونىنىڭ عىلىم - تەحنيكا جانە ەكونوميكا كوميتەتى قۇرعان، ءبىز جۇمىس جۇرگىزۋگە جاۋاپتىمىز“. شاڭحاي قالالىق 3 - اكادەميا وڭىرلىك سەلبەستىك ءبولىمىنىڭ كاسىپتىك باس باقىلاۋشىسى ۋ جۇنۋەي بىلاي دەپ تانىستىردى: ەل ءىشى - سىرتىنداعى 40 نەشە زەرتتەۋ قۇرىلىمى، 30 نەشە جوعارى مەكتەپ، 300 دەن استام كاسىپورىن وسى اراعا توپتالدى.
”تىزىمدىكتى جاريالاۋ _ ءبىرىنشى قادام عانا، ءبىز تاعى توقتاۋسىز ىزدەنۋىمىز جانە سايكەستىرۋىمىز كەرەك“. ۋ جۇنۋەي بىلاي دەدى: ۇيىرمەدە 80 نەشە ادام بار، ءالى دە زورايۋدا.
جەلىدە بايلىقتى سارالادى، جەلىدەن تىس ۇيىمداستىرۋ، ۇشتاستىرۋ ىستەرىن جۇرگىزدى، مامانداردى باعالاۋعا ۇسىنىس ەتتى، ۇيىرمە ارتقى شەپتە جۇمىس جۇرگىزدى.
5 رەت ۇشتاستىرۋ، قارىم - قاتىناس جاساۋ ارقىلى بىلتىر 8 - ايدا سىحۋا سەرىكتەستىگى مەن تىزىمدىككە ءىلىنۋشى جاق شاڭحاي قاتىناس داشۋەسىنىڭ كومپيۋتەر عىلىمى جانە ينجەنەريا فاكۋلتەتىنىڭ يان جۇنچى پروفەسسور توبى تەحنيكالىق مىندەتتەمەلى اشۋ توقتامىنا قول قويدى، تومەنگى قاباتتاعى سورەگە تۇگەلدەي ەلىمىزدە وندىرىلگەن ۋاكىلدىك ءنومىر قولدانىلىپ، دەربەس مەڭگەرۋگە بولاتىن ەدى. توقتامعا قول قويىسىمەن لي ۋەي تەبىرەنگەن سەزىممەن: ”اقىرى سەنى تاپتىم!“ دەدى. يان جۇنچى دە قاتتى قۋانىپ: ”عىلمي زەرتتەۋدە تىڭ ناتيجە جاراتۋ ءۇشىن، ءوندىرىستىڭ ءبىرىنشى شەبىندە اتوي سالۋ كەرەك، قابىلەتتىلەر باستاماشى بولىپ ىستەۋ كەرەمەتىن كورسەتتى“ دەدى.
كوپ جىلدىق قيىن ماسەلەلەردەن ءبىر تاڭدا قامال الىندى. ”قابىلەتتىلەر باستاماشى بولىپ ىستەۋ تۇعىرى بولماعاندا، ىرگەدەگى لايىقتى ادامدى تابا الۋ ەكىتالاي بولاتىن“ دەدى لي ۋەي تەبىرەنە.
”جاڭالىق اشۋ تىزبەگى مەن كاسىپ تىزبەگى ءبىر ـ بىرىنە جاقىنداي الماۋ _ ءبىر قيىن ماسەلە“. ۋ جۇنۋەي بىلاي دەدى: ” قابىلەتتىلەر باستاماشى بولىپ ىستەۋدى“ ىلگەرىلەتۋدە عىلمي زەرتتەۋ مەن كاسىپ سالاسى اراسىندا ”جوعارى قارقىندى جول“ سالۋ كەرەك. قازىر پۋدۇڭنىڭ قابىلەتتىلەر باستاماشى بولىپ ىستەۋ تۇعىرى ارقىلى 30 عا جۋىق نىساننىڭ توقتامىنا قول قويىلدى.
الگوريتمدى سىناق جالعاستى جۇرگىزىلۋدە، لي ۋەي مەن يان جۇنشى دالدىك دارەجەسى %99 تەن اساتىن دالدىككە قاراي ۇمتىلۋدا؛ قابىلەتتىلەر باستاماشى بولىپ ىستەۋ تۇعىرى كەمەلدەنىپ، اعىلشىن تىلىندەگى بەتىن اشىپ، ءتىپتى دە كوپ دۇنيە جۇزىلىك جاڭالىق اشۋ فاكتورىمەن جالعانىپ، ءتىپتى دە كەڭ ولشەمدى، ءتىپتى دە جوعارى ساپالى جەتەكشىلىك ەتۋدى جۇزەگە اسىرۋدان ءۇمىت بار...
پۋجياڭ وزەنىنىڭ شىعىسىندا ”عىلىم - تەحنيكانى وسىزامانداندىرۋدىڭ“ شەشۋشى تاراۋى تىڭ قۇلشىنىسپەن جازىلىپ، قوماقتى ناتيجەلەر جاراتىلۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
