الدىڭعى 5 ايدا ەلىمىزدىڭ زات ساۋداسى يمپورت – ەكسپورتى سايكەس مەزگىلدەگىدەن %6.3 ارتتى (جاڭا ساندى مالىمەت، جاڭا ءتۇيىن)
سىرتقى ساۋدانىڭ جاقسارۋ بەتالىسى ۇزدىكسىز بەكەمدەلدى
2024.06.11 16:10 كەلۋ قاينارى : حالىق تورابى
«حالىق گازەتى»، 6 - ايدىڭ 10 - كۇنى، بەيجيڭ (ءتىلشى وۋياڭ جيە)، ءتىلشىنىڭ تاياۋدا كەدەن باس مەكەمەسىنەن ۇعىسۋىنشا، بيىل الدىڭعى 5 ايدا ەلىمىزدىڭ زات ساۋداسىنىڭ يمپورت - ەكسپورت جالپى قۇنى 17 تريلليون 500 ميلليارد يۋان بولىپ، سايكەس مەزگىلدەگىدەن %6.3 ارتقان. مۇنىڭ ىشىندە ەكسپورت 9 تريلليون 950 ميلليارد يۋان بولىپ، سايكەس مەزگىلدەگىدەن %6.1 ارتقان؛ يمپورت 7 تريلليون 550 ميلليارد يۋان بولىپ، سايكەس مەزگىلدەگىدەن %6.4 ارتقان. بيىل جىل باسىنان بەرى ەلىمىزدىڭ ەكونوميكالىق اينالىمى ۇزدىكسىز جاقسارىپ، سىرتقى ساۋدانىڭ جاقسارۋ جاعدايى ۇزدىكسىز بەكەمدەلدى. 5 - ايدا ەلىمىزدىڭ يمپورت - ەكسپورتى سايكەس مەزگىلدەگىدەن %8.6 ارتىپ، ايلىق ارتۋ قارقىنى اناعۇرلىم تەزدەدى.
كەدەننىڭ ساناق ساندى مالىمەتىندە كورسەتىلۋىنشە، الدىڭعى 5 ايدا ەلىمىزدىڭ ادەتتەگى ساۋدا، مانەرلەۋ ساۋداسى، قورعامالى سالىق زات اينالىمى يمپورت – ەكسپورتى تۇگەلدەي ارتقان. مۇنىڭ ىشىندە ادەتتەگى ساۋدا يمپورت - ەكسپورتى 11 تريلليون 400 ميلليارد يۋان بولىپ، سايكەس مەزگىلدەگىدەن %5.6 ارتىپ، ەلىمىزدىڭ سىرتقى ساۋدا جالپى قۇنىنىڭ %65.1 ىن ۇستاعان؛ مانەرلەۋ ساۋداسىنىڭ يمپورت - ەكسپورتى 3 تريلليون 20 ميلليارد يۋان بولىپ، سايكەس مەزگىلدەگىدەن %1.6 ارتىپ، %17.3 تى ۇستاعان؛ ەلىمىزدىڭ قورعامالى سالىق زات اينالىمى ۇلگىسىندەگى يمپورت – ەكسپورتى 2 تريلليون 420 ميلليارد يۋان بولىپ، سايكەس مەزگىلدەگىدەن %16.5 ارتقان.
الدىڭعى 5 ايدا شىعىس وڭتۇستىك ازيا ەلدەرى وداعى ەلىمىزدىڭ ءبىرىنشى ۇلكەن ساۋدا سەرىگى بولدى، ەلىمىزدىڭ شىعىس وڭتۇستىك ازيا ەلدەرى وداعىمەن ساۋداسىنىڭ جالپى قۇنى 2 تريلليون 770 ميلليارد يۋان بولىپ، سايكەس مەزگىلدەگىدەن %10.8 ارتىپ، ەلىمىزدىڭ سىرتقى ساۋدا جالپى قۇنىنداعى سالىستىرماسى %15.8 بولدى؛ ەلىمىزدىڭ ”ءبىر بەلدەۋ، ءبىر جولدى“ بىرگە قۇرۋشى ەلدەرمەن جاساعان يمپورت - ەكسپورتى 8 تريلليون 310 ميلليارد يۋان بولىپ، سايكەس مەزگىلدەگىدەن %7.2 ارتتى.
كەدەننىڭ ساناق ساندى مالىمەتىندە كورسەتىلۋىنشە، ماشينا - ەلەكتر ونىمدەرىنىڭ ەكسپورت سالىستىرماسى %60 كە تاياعان، مۇنىڭ ىشىندە ساندى مالىمەتتەردى اۆتوماتتى ءبىر جاقتى ەتۋ جابدىقتارى جانە ونىڭ ۇساق بولشەكتەرى، ينتەگرالدى تىزبەك جانە اۆتوموبيل ەكسپورتى ارتقان. الدىڭعى 5 ايدا ەلىمىزدىڭ ەكسپورت ەتكەن ماشينا - ەلەكتر ونىمدەرى 5 تريلليون 870 ميلليارد يۋان بولىپ، سايكەس مەزگىلدەگىدەن %7.9 ارتىپ، ەكسپورت جالپى قۇنىنىڭ %59 ىن ۇستادى. مۇنىڭ ىشىندە ساندى مالىمەتتەردى اۆتوماتتى ءبىر جاقتى ەتۋ جابدىعى جانە ونىڭ ۇساق بولشەكتەرى 554 ميلليارد 460 ميلليون يۋان بولىپ، سايكەس مەزگىلدەگىدەن %9.9 ارتتى؛ ينتەگرالدى تىزبەك 444 ميلليارد 730 ميلليون يۋان بولىپ، سايكەس مەزگىلدەگىدەن %25.5 ارتتى؛ اۆتوموبيل 329 ميلليارد 700 ميلليون يۋان بولىپ، سايكەس مەزگىلدەگىدەن %23.8 ارتتى. سونىمەن بىرگە، ەلىمىزدىڭ تەمىر رۋداسى، كومىر، تابيعي گاز جانە سويا بۇرشاق قاتارلى باستى تاۋارلارىنىڭ يمپورت مولشەرى ارتتى.
سونىمەن بىرگە، ەلىمىزدىڭ تەمىر رۋداسى، كومىر، تابيعي گاز جانە سويا بۇرشاق قاتارلى باستى تاۋارلارىنىڭ يمپورت مولشەرى ارتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
