ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋىن كۇشەيتەيىك
پىڭ فەي
2024.06.11 16:57 كەلۋ قاينارى : حالىق تورابى
ءار ۇلت مادەنيەتى جۇڭحۋا مادەنيەتىنىڭ گۇل باقشاسىندا قۇلپىرا شەشەك اتىپ، جۇڭحۋا مادەنيەتى بارعان سايىن جاندانىپ، جۇڭحۋا ۇلتى ورتاق تۇلعا تانىمىن بەرىك ورناتۋعا اناعۇرلىم مول ءنار بەرەدى
مادەنيەت كۇشىنەن شەبەرلىكپەن پايدالانىپ، ءار ۇلت بۇقاراسىنىڭ كوكتەم سامالى ەسىپ، تامىلجىعان ساتتە جۇڭحۋا مادەنيەتىن شىنايى مويىنداۋىن كۇشەيتىپ، بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، تاعدىرلاس ورتاق تۇلعا ۇستانىمىن بەرىك ورناتۋىنا مۇمكىندىك جاسايىق
تاياۋدا ورتالىق ۇلتتار داشۋەسى ءبي شۋەيۋانىنىڭ باستىعى جياڭ تيەحۇڭنىڭ جاتتىعۋ بولمەسىندە «جۇيتكۋ» بيىنە جەتەكشىلىك ەتىپ بيلەپ جاتقانى جونىندەگى قىسقا بەينەجازبا قوعامدىق قارىم - قاتىناس مەديالارىندا كوپ كورىلدى. جياڭ تيەحۇڭ سول كۇنى ادەتتەگىدەي كيىنىپ جۇرگەنىمەن، موڭعۇل ۇلتىنىڭ وسى ءبيىن ەمىن - ەركىن بيلەپ، تەرەڭ ماعىنانى اڭعارتىپ، توراپتاستار جاعىنان ”ارەكەتىنىڭ بارىنەن كوركەمونەردىڭ تارتىمدىلىعى ايگىلەنىپ تۇر“ دەپ باعالاندى. ادامدى ءتىپتى دە تاڭ قالدىراتىنى، وسى كلاسسيكالىق ءبيدىڭ بەسىنشى ۇرپاق جەتەكشىسى جياڭ تيەحۇڭ موڭعۇل ەمەس، قايتا چاۋشيان ۇلتى، وسى ءبيدى قۇراستىرعان ما يۋە پروفەسسور حۇيزۋ ەدى. كوپ ۇلت مادەنيەتى توعىسىپ، كوركەمونەردە سۇبەلى تابىستارعا قول جەتكىزىپ، ۇزاق ۋاقىت وتسە دە، وشپەيتىن تارتىمدىلىقتى ايگىلەدى.
جۇڭحۋا وركەنيەتى كورنەكتى قامتىمدىلىققا يە. باس شۋجي شي جينپيڭ بىلاي دەپ باسا دارىپتەدى: ”جۇڭحۋا وركەنيەتى ەجەلدەن جالاڭ مادەنيەتتى كوپ نەگىزدى مادەنيەتتىڭ ورنىنا قويمايدى، قايتا كوپ نەگىزدى مادەنيەتتەن شوعىرلانىپ ورتاق مادەنيەتكە اينالادى“. ءار ۇلت مادەنيەتى ءوزارا توعىسىپ شۇعىلا شاشىپ، جۇڭحۋا مادەنيەتى ۋاقىت وتكەن سايىن جاڭارىپ، ءبىزدىڭ قۇدىرەتتى مادەنيەت سەنىمىمىزدى ايگىلەدى.
”مادەنيەتتى شىنايى مويىنداۋ − ەڭ تەرەڭ قاتپارداعى شىنايى مويىنداۋ“. جۇڭحۋا ۇلتى ورتاق تۇلعا تانىمىن بەكەمدەۋدىڭ ماڭىزدى ءبىر جاعى − ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن ونان ارى جەبەپ، جۇڭحۋا ۇلتىنا ورتاق رۋحاني مەكەندى ۇزدىكسىز قۇرىپ، ءار ۇلت بۇقاراسىنىڭ جۇڭحۋا مادەنيەتىن شىنايى مويىنداۋىن ۇزدىكسىز كۇشەيتۋ. جاڭا داۋىردەن بەرى مادەنيەت مۇرالارىن قورعاۋدى، جالعاستىرۋدى كۇشەيتىپ، از ۇلت ەرەكشەلىگىنە يە مادەنيەت بايلىعىنان ويداعىداي پايدالانۋدان باعىتتامالى كومەكتەسۋ - سۇيەمەلدەۋدەن پايدالانىپ، تۇرلىشە وڭىرلەردىڭ، تۇرلىشە ۇلتتاردىڭ مادەنيەت اۋىس - كۇيىسىن جەبەۋگە، ونان از ۇلتتاردىڭ مادەنيەت شارۋاشىلىعىن زور كۇشپەن دامىتۋعا دەيىن... ناقتى شارا، ءونىمدى ارەكەت ۇلتتار ىنتىماعىنىڭ تامىرىن بەكەمدەپ، ءار ۇلت حالقىنىڭ اناردىڭ دانىندەي تىعىز ۇيىسۋىن جەبەدى.
ءار ۇلتتىڭ تاڭداۋلى ءداستۇرلى مادەنيەتى − جۇڭحۋا مادەنيەتىنىڭ قۇرامداس بولىگى، جۇڭحۋا مادەنيەتى − ءدىڭ، ءار ۇلتتىڭ مادەنيەتى − جاپىراق. تامىرى تەرەڭ، ءدىڭى مىعىم بولعاندا عانا، بۇتاعى تولىسىپ، جاپىراعى جايقالادى، بۇتاعى تولىسىپ، جاپىراعى جايقالا وسكەندە عانا، تىرشىلىكتىڭ ومىرشەڭدىگى اناعۇرلىم ايگىلەنەدى. تاياۋدا قازاق ۇلتىنىڭ تۇرمىسى مەن مادەنيەتىن بەينەلەيتىن تەلە تەاتر «مەنىڭ التايىم» ەل ىشىندە كەڭىنەن تارالىپ، شەتەلدە دە قىزۋ قارسى الىنىپ، جۇڭحۋا مادەنيەتىنىڭ تارتىمدىلىعىن سەزىنەتىن تەرەزەگە اينالدى. ”ۇلتتىكى بولعاندا عانا دۇنيە جۇزىنىكى بولا الادى“. ءار ۇلت مادەنيەتى جۇڭحۋا مادەنيەتىنىڭ باۋ - باقشاسىندا قۇلپىرا اشىلىپ، جۇڭحۋا مادەنيەتى بارعان سايىن ارلەنىپ، جۇڭحۋا ۇلتى ورتاق تۇلعا تانىمىن بەكەمدەۋگە اناعۇرلىم مول ءنار بەرەدى.
مادەنيەت مۇراتتاستىعىن كۇشەيتىپ، ۇلتتار ىنتىماعىن جەبەۋدە كۇندەلىكتى تۇرمىستا قىزمەتتىڭ تياناقتانۋ ءتۇيىنىن قاراستىرۋعا تۋرا كەلەدى. باس شۋجي شي جينپيڭ بىلاي دەپ اتاپ كورسەتتى: ”كوپ ۇلت بۇقاراسى بىتە قايناسقان الەۋمەتتىك اۋماق قۇرۋ − ءار ۇلت بۇقاراسىنىڭ ارالاسۋىن، ىشتەسۋىن، توعىسۋىن جەبەۋدىڭ ماڭىزدى جولى“. يۇننان كۇنميڭ شىڭگاۋ داچىڭ الەۋمەتتىك اۋماعىندا حانزۋ، حۇيزۋ، يزۋ، بايزۋ قاتارلى 20 نەشە ۇلتتىڭ تۇرعىندارى بىرگە تۇرمىس كەشىرەدى، ءار جىلى كورشى - قولاڭدار قوناعاسى، الاۋ ساۋىعى، قىزىقتى سپورت جارىسى سياقتى مادەنيەت، دەنە تاربيە قيمىلدارىن وتكىزىپ، كورشىلەر ءبىر وتباسىنىڭ ادامدارىنداي ارالاسادى. دەمەك، الەۋمەتتىك اۋماق − دوستىقتى ارتتىرىپ، ىنتىماقتى جەبەيتىن ءونىمدى فيزيكالىق كەڭىستىك، ونان دا ماڭىزدىسى، جۇڭحۋا ۇلتى ورتاق تۇلعا تانىمىن جەتىلدىرەتىن قۇنارلى ورتا. مىنانى دا كورە ءبىلۋىمىز كەرەك: قازىر ءار ۇلت بۇقاراسىنىڭ ينفورماتسيا اۋىس - كۇيىسى، مادەنيەتتى سەزىنۋى كوبىندە ينتەرنەت كەڭىستىگىندە ورىندالىپ جاتادى. بۇل بىزگە ينتەرنەتكە، ءسوز جوق، ءمان بەرىپ جانە ودان ويداعىداي پايدالانىپ، توراپتاعى ۆيرتۋالدى كەڭىستىكتى ءار ۇلتتىڭ ورتاق رۋحاني مەكەنىن قۇرۋدىڭ، جۇڭحۋا ۇلتى ورتاق تۇلعا تانىمىن بەكەمدەۋدىڭ ەڭ ۇلكەن ارناسىنا اينالدىرۋ كەرەكتىگىن ۇعىندىردى.
مادەنيەت كۇشىنەن شەبەرلىكپەن پايدالانىپ، ءار ۇلت بۇقاراسىنىڭ كوكتەم سامالى ەسىپ، تامىلجىعان ساتتە جۇڭحۋا مادەنيەتىن شىنايى مويىنداۋىن كۇشەيتىپ، بەينەت پەن زەينەتتى بىرگە وتكەرەتىن، داڭق پەن نامىستا بىرگە بولاتىن، تاعدىرلاس ورتاق تۇلعا ۇستانىمىن بەرىك ورناتۋىنا مۇمكىندىك جاساۋدا ۇلتتار ىنتىماعى، العاباسارلىعىنىڭ ەڭ ۇلكەن سەنترلەس شەڭبەرىن، ءسوز جوق، سىزىپ، ءار ۇلت بۇقاراسىنىڭ ءبىر نيەت، ءبىر تىلەكتە بولا وتىرىپ، كۇشتى ءبىر جەرگە جۇمساپ، كوركەم بولاشاقتى بىرگە جاراتۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
