ورتالىق اسكەري ىستەر كوميتەتىنىڭ ءتوراعاسى شي جينپيڭ بۇيرىققا قول قويىپ
جاڭادان وزگەرىس ەنگىزىلگەن «ارميانىڭ قازىنالىق باقىلاۋ ەرەجەسىن» جاريالادى
2024.06.12 16:14 كەلۋ قاينارى : حالىق تورابى
شينحۋا اگەنتتىگى، 6 – ايدىڭ 11 – كۇنى، بەيجيڭ. ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا بۇيرىققا قول قويىپ، جاڭادان وزگەرىس ەنگىزىلگەن «ارميانىڭ قازىنالىق باقىلاۋ ەرەجەسىن» جاريالادى، 2024 – جىلى 7 - ايدىڭ 1 - كۇنىنەن باستاپ اتقارىلادى.
«ەرەجە» شي جينپيڭ ارميانى قۇدىرەتتەندىرۋ يدەياسى ىشكەرىلەي دايەكتەندىرىلىپ، ءدوپ كەلگەن جاڭا جاعدايعا، جاڭا مىندەتكە، جاڭا تالاپقا بەلسەنە ۇيلەسىپ، جاڭا داۋىردەگى ارميانىڭ قازىنالىق باقىلاۋ قىزمەتىنىڭ جالپى تالابى، ءتۇرلى ىستەردەگى ۇقىق شەگى جانە ءتارتىپ مەحانيزمى سياقتىلاردى اناعۇرلىم جۇيەلى ارناعا ءتۇسىردى، بۇل قازىنالىق باقىلاۋدىڭ باقىلاۋ - قىزمەت وتەۋ رولىن اناعۇرلىم ويداعىداي ساۋلەلەندىرىپ، مەملەكەت قورعانىسى مەن ارميا قۇرىلىسىنىڭ ساپالى دامۋىن قامتاماسىزداندىرۋدا كەلەلى مانگە يە.
«ەرەجە» جيىنى 8 تاراۋ، 75 تارماقتان قۇرالادى، ارميانىڭ قازىنالىق باقىلاۋ قىزمەتىن ورىستەتۋدەگى نەگىزگى زاڭ - ەرەجە نەگىزى بولىپ تابىلادى. «ەرەجە» ارميانىڭ قازىنالىق باقىلاۋ قىزمەتىندە قازىنالىق باقىلاۋدىڭ ورنىن تياناق ەتىپ، ساياسي سيپات پەن ساياسي فۋنكتسيانى كۇشەيتىپ، زاڭعا قاتاڭ بويسۇنۋ، شىندىقتى ءىس جۇزىنەن ىزدەۋ، تەگىس قامتۋ، ماسەلەنى كوزدەۋ، تەكسەرۋ مەن باسقارۋدى ءبىر تۇلعالاندىرۋ پرينسيبىندە تاباندى بولۋ كەرەكتىگىن ايقىندادى؛ قازىنالىق باقىلاۋدىڭ مىندەت جۇيەسىن ورناتۋ جانە كەمەلدەندىرۋگە باسا كۇش سالۋ كەرەكتىگىن دارىپتەپ، قازىنالىق باقىلاۋعا قاتىستى ىستەردى اناعۇرلىم ناقتىلاندىرىپ، كەلەلى قۇرىلىس نىسانى سياقتى جاقتارداعى قازىنالىق باقىلاۋ ءتاسىلىن ساپالىلاندىردى؛ قازىنالىق باقىلاۋدىڭ ساپاسىن جانە ونىمدىلىگىن جوعارىلاتۋدى توڭىرەكتەپ، جوسپار جاساۋدان ناتيجەنى قولدانۋعا دەيىنگى جالپى بارىستىق ءتارتىپ تالابىن كەمەلدەندىرىپ، باسقا باقىلاۋ قۇرىلىمدارىمەن ۇشتاسۋ - سايكەسۋ، قۇجات اۋىستىرىپ جاۋاپكەرلىكتى قۋزاۋ سياقتى تۇزىمدىك مەحانيزم ورناتىپ جانە كەمەلدەندىرىپ، باقىلاۋدىڭ بىرىككەن كۇشىن قالىپتاستىرۋدى ىلگەرىلەتتى؛ وزىندىك قۇرىلىستى كۇشەيتۋدى كورنەكتىلەندىرىپ، قازىنالىق باقىلاۋ ءتارتىبى تالابىن ناقتىلاندىرىپ، سەنىمى بەكەم، كاسىپكە ىسىلعان، ستيلى شىنايى، كىرشىكسىز ءارى پاك ساپالى، ماماندانعان قازىنالىق باقىلاۋ قوسىنىن قۇرۋعا دەم بەردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
