الدىڭعى 5 ايدا تەمىر جولدا ورىندالعان تۇراقتى مۇلىككە قوسىلعان قارجى سايكەس مەزگىلدەگىدەن %10 ارتتى (جاڭا ساندى مالىمەت، جاڭا ءتۇيىن)
2024.06.12 16:15 كەلۋ قاينارى : حالىق تورابى
«حالىق گازەتى»، 6 - ايدىڭ 11 - كۇنى، بەيجيڭ (ءتىلشى لي شينپيڭ). ءتىلشىنىڭ 6 - ايدىڭ 11 - كۇنى جۇڭگو مەملەكەتتىك تەمىر جول توبى شەكتى سەرىكتەستىگىنەن ۇعىسۋىنشا، بيىل الدىڭعى 5 ايدا بۇكىل ەل بويىنشا تەمىر جولدا تۇراقتى مۇلىككە قوسىلعان قارجى 228 ميلليارد 470 ميلليون يۋان بولىپ، سايكەس مەزگىلدەگىدەن %10.8 ارتقان، وسىزاماندانعان تەمىر جول نەگىزدىك قۇرىلعىلار جۇيەسى جەدەل قۇرىلعان.
تەمىر جولىنىڭ يانجياگۋدان يۇيحۋاڭمياۋعا دەيىنگى بايلانىس جەلىسى ىسكە قوسىلىپ، حىجي، باۋشي تەمىر جولى سىندى ەكى ءىرى كومىر تاسىمال ارناسى ءساتتى تۇتاستىرىلدى.
حاۋلبوج – جي - ان تەمىر جولى سولتۇستىكتە ىشكى موڭعۇلدىڭ وردوس قالاسىنان باستالىپ، جياڭشيدىڭ جي - انىنا بارادى، ول مەملەكەتتىڭ ”سولتۇستىكتىڭ كومىرىن وڭتۇستىككە تاسۋداعى“ ەڭ ۇزىن كومىر تاسىمالى ستراتەگيالىق ءىرى وتكەلى.
باۋتوۋ – شي - ان تەمىر جولى سولتۇستىكتە ىشكى موڭعۇلدىڭ باۋتوۋ دەگەن جەرىنەن باستالىپ، شانشي ولكەسىنىڭ شي - ان قالاسىنا باراتىن جولاۋشى، جۇك تاسىمالى ۇشتاسقان تاسىمال جولى.
”يانجياگۋ - يۇيحۋاڭمياۋ بايلانىس جەلىسى ىسكە قوسىلدى، باۋتوۋ – شي - ان تەمىر جولىنىڭ %15 اينالاسىنداعى كومىر تاسىمال مولشەرى حاۋلبوج – جي - ان تەمىر جولىنا ءبولىنىپ، سولتۇستىكتىڭ كومىرىن وڭتۇستىككە تاسىمالداۋعا پارمەندى تاسىمال قۋاتى قامتاماسىزدىعىن ازىرلەدى“ دەپ تانىستىردى جۇڭگو تەمىر جولى شي - ان مەكەمەسى توبى شەكتى سەرىكتەستىگى يان - ان پويەز ىستەرى بولىمشەسى وندىرىسكە قولباسشىلىق ەتۋ ورتالىعىنىڭ مەڭگەرۋشىسى لۋ مينگۋاڭ.
شي - ان - چۇڭچيڭ جوعارى قارقىندىق تەمىر جولىنىڭ انكاڭنان چۇڭچيڭگە دەيىنگى بولەگى قۇرىلىسى تەزدەتىلدى. شي – ان - چۇڭچيڭ جوعارى قارقىندىق تەمىر جولىنىڭ چيڭشيكوۋ ەرەكشە كوپىرىنىڭ قۇرىلىس ورنىنا بارعاندا، مۇنارا قاز - قاتار ءتىزىلىپ، اۆتوكولىكتەر قايشالىسىپ، قاتار - قاتار ارقالىققا سەبەت ءىلۋ قۇرىلىسى ورنىقتى ىلگەرىلەتىلىپ جاتىپتى. ”مەجەمەن 9 - ايدىڭ سوڭىنا بارعاندا، چيڭشيكوۋ ەرەكشە ۇلكەن كوپىرى گۋاڭحۋا داڭعىلىنان اتتايتىن 80 مەترلىك ۇلاسپالى ارقالىق تۇتاستىرىلادى“ دەدى جۇڭگو تەمىر جول 10 - مەكەمەسى شي – ان - چۇڭچيڭ جوعارى قارقىندىق تەمىر جول 1 - بولىمشەسىنىڭ اتقارۋشى مەڭگەرۋشىسى ۋ جيانچۇن. بولاشاقتا شي - اننان چۇڭچيڭگە دەيىنگى ساپار ۋاقىتى 6 ساعات اينالاسىنان 2.5 ساعات اينالاسىنا قىسقارادى.
حاڭجوۋدان ۋىنجوۋعا دەيىنگى جوعارى قارقىندىق تەمىر جولدا ۇلاسپالى رەتتەۋ، ۇلاسپالى سىناق جۇرگىزۋ باستالدى، پويەز قاتىناۋ شەگەرىپ ساناۋعا ءوتتى؛ سىچۋان - چيڭحاي تەمىر جولىنىڭ جىنجياڭگۋاننان حۋاڭشىڭگۋانعا دەيىنگى بولىگىنىڭ تۇتاس جەلىسىندەگى مەڭگەرۋ سيپاتتى دىشىڭ تۋنەلى ءساتتى تۇتاستى؛ جينيڭ – داتۇڭ – يۋانپيڭ دەيىنگى جوعارى قارقىندىق تەمىر جولدىڭ تۇتاس جەلىسىندە رەليس توسەلە باستادى... 5 – ايدان بەرى ءبىر توپ تەمىر جول ءتۇيىندى ينجەنەرياسىندا ماڭىزدى ىلگەرىلەۋشىلىككە قول جەتتى.
كەلەسى قادامدا مەملەكەتتىك تەمىر جول توبى تەمىر جول نەگىزدىك قۇرىلعىلارىنىڭ ۇلاسۋ - تۇتاسۋ دەڭگەيىن ۇزدىكسىز جوعارىلاتىپ، تەمىر جول تورابىنىڭ جالپى تۇلعالىق يقۋاتى مەن ونىمدىلىگىن كۇشەيتىپ، تەمىر جول پلانى قۇرىلىسىن جوعارى ساپامەن ىلگەرىلەتىپ، ەكونوميكانىڭ قايتا ورلەۋ جاعدايىن بەكەمدەۋگە جانە كۇشەيتۋگە بەلسەندى ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
