قايتكەندە جۇڭگوشا وسىزامانعى فينانس جۇيەسىن قۇرۋدى جەدەلدەتۋگە بولادى (ساياساتتىق سۇراق – جاۋاپ، فينانستا قۋاتتى ەل قۇرۋدى جەدەلدەتۋ)
جاۋ جانحۇي («حالىق گازەتىنىڭ» ءتىلشىسى)
2024.06.12 16:17 كەلۋ قاينارى : حالىق تورابى
باس شۋجي شي جينپيڭ بىلاي دەپ باسا دارىپتەدى: ”جۇڭگوشا وسى زامانعى فينانس جۇيەسىن، ءسوز جوق، جەدەل ورناتۋ كەرەك“.
بيىل جىل باسىنان بەرى قاتىستى تاراۋلار عىلمي، ورنىقتى فينانستى رەتتەۋ - مەڭگەرۋ جۇيەسىن، قۇرىلىمى ۇيلەسىمدى فينانس بازارى جۇيەسىن، جۇمىس ءبولىسى بويىنشا سەلبەسەتىن فينانس قۇرىلىمى جۇيەسىن، كەمەلدى دە ءونىمدى فينانستى باقىلاۋ - باسقارۋ جۇيەسىن، الۋان ءتۇرلى، كاسىپتىك سيپاتتى فينانس ونىمدەرى مەن قىزمەت وتەۋ جۇيەسىن قۇرۋعا ۇزدىكسىز كۇش سالىپ، جۇيەلى سايكەستى رەفورما ارقىلى جۇڭگوشا وسى زامانعى فينانس جۇيەسىنىڭ جەدەل قۇرىلۋىن ىلگەرىلەتتى.
عىلمي، ورنىقتى فينانستىق تىزگىندەۋ جۇيەسىن ورناتۋدا جانە كەمەلدەندىرۋدە وسىزامانعى ورتالىق بانكە ءتۇزىمىن ورناتۋدى جەدەلدەتۋ كەرەك. جۇڭگو حالىق بانكەسى پارتكومىنىڭ شۋجيى، بانكە باستىعى پان گۇڭشىڭ مىنانى ءبىلدىردى: حالىق بانكەسى اقشا ساياساتى مەن ماكرولىق بايىپتى ساياساتتىڭ قوس تىرەكتىك تىزگىندەۋ جۇلگەسىن اقاۋسىزداندىرىپ، ءوسىم مەن سىندىرىلىمدى بازارلاندىرۋ رەفورماسىن تەرەڭدەتىپ، ورتالىق بانكەنىڭ دەربەس قازىنا مەجە ەسەبىن باسقارۋ ءتۇزىمىن تياناقتاندىرىپ، كەڭ كولەمدە قامتىعان، جوعارى ءونىمدى، حاۋىپسىز وسى زامانعى تولەۋ جۇيەسىن كەمەلدەندىرىپ، تۇتاس قوعامدى قامتىعان سەنىمدىلىك جۇيەسىن كەمەلدەندىرەدى.
قۇرىلىمى ۇيلەسىمدى فينانس بازارى جۇيەسىن، جۇمىس ءبولىسى بويىنشا سەلبەسەتىن فينانس قۇرىلىمى جۇيەسىن ورناتۋدا جانە كەمەلدەندىرۋدە رەفورما شەشۋشى ءسوز سانالادى. حالىق بانكەسى فينانستىق قامداۋ جاعىنداعى قۇرىلىمدىق رەفورمانى تەرەڭدەتەدى. ءبىر جاعىنان، ءىرى ساۋدا بانكەلەرىنىڭ رولىن كۇشەيتىپ، ساياساتتىق بانكەلەر رەفورماسىن تەرەڭدەتىپ، ورتا، شاعىن بانكەلەردىڭ ءوز قاينارىنا جانە نەگىزگى كاسىبىنە ورالۋىن ىلگەرىلەتىپ، ءتۇرلى فينانس قۇرىلىمدارىنىڭ كولەم، قۇرىلىم، وڭىرلىك ورنالاسۋى جاعىندا اناعۇرلىم ۇيلەسىمدى بولۋىن ىلگەرىلەتۋ كەرەك. ەندى ءبىر جاعىنان، زايوم بازارىنىڭ بازارلانعان باعا بەلگىلەۋ قابىلەتى مەن بازاردىڭ يكەمدىلىگىن جوعارىلاتىپ، مال - مۇلىكتىڭ باعالى قاعازعا اينالۋىىنداعى ىركىندى مال - مۇلىكتىڭ رولىن تولىق ساۋلەلەندىرىپ، اقشا بازارىنىڭ ورنىقتىلىعىن كۇشەيتىپ، قارجى قۇراۋ قۇرىلىمىن ونان ارى ساپالىلاندىرۋ كەرەك.
فينانستى باقىلاۋ - باسقارۋدىڭ كەمەلدى، ءونىمدى جۇيەسىن ورناتىپ جانە اقاۋسىزداندىرىپ، ءبىرقىدىرۋ ءتۇزىم، ساياساتتى جەدەل شىعارۋ كەرەك. تاياۋدا مەملەكەتتىك كەڭەس «باقىلاپ – باسقارۋدى كۇشەيتىپ، حاۋىپ – قاتەردەن ساقتانىپ، كاپيتال بازارىنىڭ ساپالى دامۋىن ىلگەرىلەتۋ جونىندەگى ءبىرقانشا پىكىردى» باسىپ تاراتىپ، ءبىرقانشا سايكەستى ءتۇزىم – ەرەجەمەن بىرگە ”N+1“ ساياساتتىق جۇيەسىن قالىپتاستىرماق. ” ’N+1‘ ساياسات جۇيەسىنىڭ نەگىزگى جەلىسى باقىلاۋ - باسقارۋدى كۇشەيتۋ، حاۋىپ - قاتەردەن ساقتانۋ، ساپالى دامۋدى جەبەۋ. بۇل ءبىر - ءبىرىن تولىقتايتىن ورگانيكالىق تۇتاس تۇلعا، ونى، ءسوز جوق، ءبىر تۇتاس ىلگەرىلەتۋ، جۇيەلى تياناقتاندىرۋ كەرەك“. جۇڭگو اكتسيانى باقىلاۋ - باسقارۋ كوميتەتى پارتكومىنىڭ شۋجيى، ءتوراعاسى ۋ چيڭ مىنالاردى ءبىلدىردى: جان - جاقتى، سترەولدى كاپيتال بازارىن باقىلاۋ - باسقارۋ جۇيەسىن جەدەل ورناتىپ، باقىلاۋ - باسقارۋدىڭ پارمەندى، تياناقتى بولۋىن جاپپاي تياناقتاندىرامىز.
”باقىلاۋ - باسقارۋدى كۇشەيتۋ، باقىلاۋ - باسقارۋدى قاتايتۋ تالابىن جاپپاي تياناقتاندىرىپ، سوڭىنا دەيىن جالعاستىرىپ، سوڭىنا دەيىن قاتايتىپ، سوڭىنا دەيىن تەكسەرىپ، بارلىق فينانس قيمىلدارىن زاڭ بويىنشا باقىلاۋ - باسقارۋعا ەنگىزۋ كەرەك“ دەدى مەملەكەتتىك فينانس باقىلاۋ - باسقارۋ باس مەكەمەسى پارتكومىنىڭ شۋجيى، مەكەمە باستىعى لي يۇنزى.
الۋان ءتۇرلى كاسىپتىك فينانس ونىمدەرى مەن قىزمەت وتەۋ جۇيەسىن قۇرىپ جانە كەمەلدەندىرىپ، كەلەلى ستراتەگيا، ءتۇيىندى سالا، ءالسىز بۋىندارعا ساپالى فينانستىق قىزمەت وتەۋدى كۇشەيتۋ كەرەك. فينانس باقىلاۋ - باسقارۋ باس مەكەمەسى فينانس قۇرىلىمدارىنىڭ فينانس ونىمدەرى مەن قىزمەت وتەۋىن تۇرلىشە تيجارات تۇلعالارىنىڭ شاماسىنا قاراي ارناۋلى فينانس ونىمدەرىن قالىپتاستىرۋىنا جەتەكشىلىك ەتىپ، فينانستىق قىزمەت وتەۋدىڭ ساپاسىن، ونىمدىلىگىن ۇزدىكسىز جوعارىلاتادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
