جەر – جەر ەلەكترلى ۆەلوسيپەتتى زاڭسىز قۇراستىرۋ – وزگەرتۋ ىستەرى جونىندە بىرلەسكەن تەكسەرۋ ورىستەتەدى
2024.06.13 14:54 كەلۋ قاينارى : حالىق تورابى
حالىق گازەتىنىڭ ءتىلشىسى چي يۇيكۇن 6 – ايدىڭ 12 – كۇنى بەيجيڭنەن حابارلايدى. ءتىلشىنىڭ مەملەكەتتىك ورتتەن ساقتانۋ جانە قۇتقارۋ مەكەمەسىنەن ۇعىسۋىنشا، جۋىردا ەلەكترلى ۆەلوسيپەت پەن اككۋمۋلياتوردى زاڭسىز قۇراستىرۋ – وزگەرتۋ قاتارلى الەۋمەتتىك حاۋىپسىزدىككە ساياتىن كورنەكتى ماسەلەلەر جونىندە، مەملەكەتتىك ەلەكترلى ۆەلوسيپەت حاۋىپسىزدىگى جاعىنداعى كومەسكى قاتەرلەردى بۇكىل تىزبەك بويىنشا جونگە سالۋ قىزمەتى ارناۋلى قىزمەت گرۋپپاسىنىڭ ءبىرتۇتاس ورنالاستىرۋىندا، جەر – جەر بىرلەسكەن تەكسەرۋدى، بىرلەسكەن زاڭ اتقارۋدى شوعىرلى ورىستەتىپ، ەلەكترلى ۆەلوسيپەت پەن اككۋمۋلياتوردىڭ ساپاسى مەن حاۋىپسىزدىگىنە قاينارىنان باستاپ قاتاڭ تۇردە كەپىلدىك ەتەدى.
جەر – جەردەگى بازاردى باقىلاۋ – باسقارۋ، قوعام حاۋىپسىزدىگى، ورتتەن ساقتانۋ قاتارلى تاراۋلاردان ۇيىمداسقان بىرلەسكەن تەكسەرۋ گرۋپپاسى ەلەكترلى ۆەلوسيپەتتى تيجارات ەتۋ تۇيىندەرى مەن جوندەيتىن دۇكەندەرگە ىشكەرىلەي بارىپ، تيجارات ورىندارىنىڭ زاڭ – تۇزىمدەگى ولشەمگە ساي كەلمەيتىن ەلەكترلى ۆەلوسيپەتتەردى ساتۋ ارەكەتىن ءتۇيىندى تۇردە تەكسەرىپ ءبىرجاقتى ەتەدى، ساتىلىپ جاتقان بارلىق ەلەكترلى ۆەلوسيپەتتەردىڭ تولىمدىلىق كۋالىگى، ءماجبۇرلى سيپاتتاعى كۋالاندىرۋ ىسپاتى قاتارلى ينفورماتسيالارىنىڭ ءىس جۇزىندىك جاعدايمەن سايكەس كەلمەۋى قاتارلى ماسەلەلەردى تەكسەرەدى؛ جوندەۋ دۇكەندەرىنىڭ زاۆودتان شىققان كەزدەگى ەلەكتر زاپشاستارىن ءوز بەتىنشە وزگەرتۋ، قارقىن شەكتەمەسىن بۇزۋ – وزگەرتۋ، سىرتىنا اككۋمۋلياتور سورەسىن ورناتۋ، اككۋمۋلياتور قورابىن وزگەرتۋ، سيىمدىلىعى جوعارى اككۋمۋلياتور اۋىستىرۋ قاتارلى زاڭ – تۇزىمگە قايشى ارەكەتتەرىن تەكسەرىپ ءبىرجاقتى ەتەدى. تەكسەرۋشى قىزمەتكەرلەر تەكسەرۋ بارىسىندا بايقاعان ماسەلەلەرگە باعىتتاي وتىرىپ سول جەردە حاۋىپسىزدىك جونىندە ەسكەرتۋ بەرۋ، ۇگىت جۇرگىزۋ، ءتالىم – تاربيە بەرۋ قىزمەتىن ورىستەتىپ، دۇكەندەردىڭ تيجارات قيمىلىن جۇيەگە تۇسىرەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
