شي جينپيڭ بىرلەسكەن مەملەكەتتەر ۇيىمىنىڭ ساۋدا جانە دامۋ كەڭەسى قۇرىلعانىنىڭ 60 جىلدىعىن قۇتتىقتاۋ قيمىلىنىڭ باستالۋ سالتىنا بەينە ەكران ارقىلى ارناۋ ءسوز سويلەدى
2024.06.13 16:22 كەلۋ قاينارى : حالىق تورابى
6 - ايدىڭ 12 – كۇنى مەملەكەت ءتوراعاسى شي جينپيڭ بىرلەسكەن مەملەكەتتەر ۇيىمىنىڭ ساۋدا جانە دامۋ كەڭەسى قۇرىلعانىنىڭ 60 جىلدىعىن قۇتتىقتاۋ قيمىلىنىڭ باستالۋ سالتىنا بەينە ەكران ارقىلى ارناۋ ءسوز سويلەدى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگى، 6 - ايدىڭ 12 – كۇنى، بەيجيڭ. 6 - ايدىڭ 12 - كۇنى مەملەكەت ءتوراعاسى شي جينپيڭ بىرلەسكەن مەملەكەتتەر ۇيىمىنىڭ ساۋدا جانە دامۋ كەڭەسى قۇرىلعانىنىڭ 60 جىلدىعىن قۇتتىقتاۋ قيمىلىنىڭ باستالۋ سالتىنا بەينە ەكران ارقىلى ارناۋ ءسوز سويلەدى.
شي جينپيڭ بىلاي دەپ اتاپ كورسەتتى: بىرلەسكەن مەملەكەتتەر ۇيىمىنىڭ ساۋدا جانە دامۋ كەڭەسى قۇرىلعان 60 جىلدان بەرى بىرگە كوركەيۋ ماقساتىن ۇستانىپ، وڭتۇستىك - وڭتۇستىك سەلبەستىگىن بەلسەنە جەبەپ، وڭتۇستىك پەن سولتۇستىكتىڭ سۇحباتىن دارىپتەپ، حالىقارالىق ەكونوميكالىق جاڭا ءتارتىپ ورناتۋدى ىلگەرىلەتىپ، دۇنيە ءجۇزىنىڭ ساۋداسى مەن دامۋىنا ماڭىزدى ۇلەس قوستى. قازىر دۇنيە جۇزىندە ءجۇز جىلدا بولماعان وزگەرىس جەدەل قۇبىلىپ، بەيبىتشىلىك پەن دامۋ جاڭا سىن - سايىسقا ءدوپ كەلىپ وتىر. ءبىز تاريح پەن حالىققا جاۋاپتى بولۋ پوزيتسياسىمەن دۇرىس بەتالىستى ءدال يگەرىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋىمىز كەرەك.
− بەيبىت دامۋدىڭ حالىقارالىق ورتاسىن قالىپتاستىرۋ كەرەك.ءار ەل، اسىرەسە، ءىرى ەلدەر ناعىز كوپ جاقتىلىقتى امالياتتا ايگىلەپ، دۇنيە ءجۇزىنىڭ بارابار، ءتارتىپتى بولۋىن دارىپتەپ، بىرلەسكەن مەملەكەتتەر ۇيىمى ۋستاۆىنىڭ نەگىزگى ماقساتى مەن پرينسيبىنە بويسۇنىپ، بىرلەسكەن مەملەكەتتەر ۇيىمىنىڭ ساۋدا جانە دامۋ كەڭەسى سياقتى كوپ جاقتى قۇرىلىمداردىڭ رولىن اناعۇرلىم ويداعىداي ساۋلەلەندىرۋىن قولداۋى كەرەك.
− اشىق ۇستاپ دامۋدىڭ ءداۋىر اعىمىنا ۇيلەسۋ كەرەك. ەكونوميكانىڭ جاھاندانۋىن دارىپتەپ، ساۋدا جانە قارجى قوسۋدىڭ ەركىن، قولايلى بولۋىن ىلگەرىلەتىپ، دامۋدىڭ بىركەلكى بولماۋى سياقتى ماسەلەلەردى ويداعىداي شەشىپ، دۇنيە جۇزىلىك باسقارۋ جۇيەسىنىڭ اناعۇرلىم ءادىل، ۇيلەسىمدى باعىتقا قاراي دامۋىن ىلگەرىلەتۋ كەرەك.
− جاڭالىق جاراتا دامۋدىڭ تاريحي ورايىن مىقتى يگەرۋ كەرەك. اشىق ۇستالعان، سيىسىمدى، كەمسىتپەيتىن سيفرلى ەكونوميكالىق ورتا قالىپتاستىرىپ، ادامدى نەگىز ەتكەن، زەيىندەنگەن، ىزگى دامۋعا تالپىنۋدا تاباندى بولىپ، بىرلەسكەن مەملەكەتتەر ۇيىمى جۇلگەسىندە جاساندى زەيىن ەرەجەسى ارقىلى باسقارۋدى كۇشەيتىپ، جاسىل دامۋعا بۇرىلىس جاساۋدى بەلسەنە ىلگەرىلەتىپ، قالىڭ وركەندەپ كەلە جاتقان ەلدەردىڭ سيفرلانۋ، زەيىندەنۋ، جاسىلدانۋ اعىمىمەن اناعۇرلىم ويداعىداي توعىسۋىنا مۇمكىندىك جاساۋ كەرەك.
شي جينپيڭ مىنالاردى باسا دارىپتەدى: بيىل − جۇڭحۋا حالىق رەسپۋبليكاسى قۇرىلعانىنىڭ 75 جىلدىعى، جۇڭگو ساپالى دامۋ ارقىلى جۇڭگو ۇلگىسىندەگى وسىزامانداندىرۋدى جاپپاي ىلگەرىلەتۋدە، ءسوز جوق، دۇنيە ءجۇزىنىڭ دامۋىنا اناعۇرلىم زور تىڭ وراي اكەلەدى. جۇڭگو قاشان دا ”دۇنيە ءجۇزىنىڭ وڭتۇستىگىندەگىلەردىڭ“ ءبىر مۇشەسى، ماڭگى وركەندەپ كەلە جاتقان ەل بولا بەرەدى. جۇڭگو وركەندەپ كەلە جاتقان باسقا ەلدەردەن يمپورت ەتۋدى بەلسەنە كەڭەيتىپ، ساۋدا، قارجى قوسۋ، دامۋ سەلبەستىگىن كۇشەيتىپ، بىرلەسكەن مەملەكەتتەر ۇيىمىنىڭ 2030 - جىلعا دەيىنگى باياندى دامۋ كەڭەس ءتارتىبىن تياناقتاندىرۋعا دەم بەرەدى. جۇڭگو جاق ءار قايسى جاقپەن بىرگە قۇلشىنىپ، ادامزاتتىڭ بولاشاعىن كوكەيدە ساقتاپ، حالىقتىڭ ىرىس - قۇتىن ەستەن شىعارماي، دۇنيە ءجۇزىنىڭ بەيبىت، حاۋىپسىز، گۇلدەنگەن، العا باسقان تاماشا بولاشاققا بەت الۋىن ىلگەرىلەتۋدى قالايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
