شانشي حانجۇڭ تيانحان سازدىق باقشاسى تابيعاتتىڭ كوركەمدىگىن قالامەن توعىستىردى − حانجياڭ وزەنى بويىنداعى قالا تۇرعىندارىنىڭ باقىت باقشاسى (جۇڭگو ۇلگىسىندەگى وسىزامانداندىرۋ جولىندا ەكپىندەي ىلگەرىلەۋ . ءبىرىنشى شەپتەن كورگەن - بىلگەندەرىمىز)
«حالىق گازەتىنىڭ» ءتىلشىسى گاۋ بيڭ
2024.06.13 16:25 كەلۋ قاينارى : حالىق تورابى
تاڭ نۇرى وزەن بەتىنە توگىلىپ تۇر، ۋاڭ گان تەتىكتى باسىپ قالدى، ”حانجياڭ وزەنىندە ءبي بيلەگەن قۇتان“ اپپارات كوزىنە ءتۇستى.
شانشي حانجۇڭ قالاسى تيانحان سازدىق باقشاسىندا اعاشتارعا شىق ىلىنگەن، ۋاڭ گان قاتارلى فوتو سۋرەت اۋەسكەرلەرى فوتو اپپاراتىن ورناتىپ بولعان. ”سۇر لايلەك، اق قۇتان، جاسىل باس ۇيرەك − اپپارات كوزىندەگى تۇراقتى قوناق“. ۋاڭ گان بىلاي دەدى: ”بىرنەشە كۇننىڭ الدىندا قاۋىرسىندى ءبىرقازان تۇڭعىش رەت بوي كورسەتتى“.
كوركەم كورىنىس ادامدى ءتانتى ەتەدى. ءبىراق ون نەشە جىلدىڭ الدىندا بۇل ارا قالاداعى قۇم قازاتىن وزەن بولەگى بولاتىن. قالانى دامىتۋدى، ەكولوگيانى قورعاۋدى ءبىر تۇتاس جوسپارلاعان حانجياڭ قالاسى قالانى كەسىپ وتەتىن ”ءبىر وزەننىڭ ەكى جاعالاۋى“ سىندى قالا جوباسى وي جەلىسىن ورتاعا قويدى. بۇل كۇندە يەن قايراڭ باقشاعا اينالىپ، وزەن بويى كورىكتەنىپ، جاسىل اۋماق كەڭەيدى.
2023 - جىلى 7 - ايدا باس شۋجي شي جينپيڭ تيانحان سازدىق باقشاسىنا كەلىپ قىزمەت تەكسەرىپ، بۇل ارانى قالا تۇرعىندارىنىڭ ”باقىت باقشاسى“ دەپ القاپ، ”ەكولوگيالىق باقشا قۇرىلىسىندا تابيعاتقا ۇيلەسىپ، سازدىق ەكولوگيالىق جۇيەسىن تۇلعالىق قورعاۋدى جانە جۇيەلى قالپىنا كەلتىرۋدى كۇشەيتىپ، ەكولوگيانى قورعاۋدى وندىرىسپەن، تۇرمىسپەن توعىستىرۋدى جەبەپ، ورتاسى كوركەم، جاسىل، تومەن كومىرتەكتى، ساياحاتتاۋعا قولايلى ەكولوگيالىق قالا قۇرۋعا قۇلشىنۋ كەرەك“ دەپ باسا دارىپتەدى.
”باس شۋجيدىڭ ماڭىزدى ءسوزىنىڭ رۋحىن ىشكەرىلەي دايەكتىلەندىرۋدە، تياناقتاندىرۋدا ءبىز تابيعات قاعيداسى ارقىلى سازدىقتى قورعاپ، تابيعاتتىڭ كوركەمدىگىن قالامەن توعىستىردىق“ دەدى حانجۇڭ قالاسى وزەننىڭ ەكى جاعالاۋىن اشۋدى باسقارۋ كوميتەتى كەڭسەسىنىڭ مەڭگەرۋشىسى تان باۋجۇن.
”انا كوگالدى كوردىڭىز بە، قالاي جاسالىپتى؟“ دەدى قيا بەتتى نۇسقاعان تان باۋجۇن تىلشىگە. كوك شوپپەن ورانعان ”جاسىل كىلەم“ سياقتى كوز تارتادى.
”بۇل كوگال امالياتتا حانجياڭ وزەنىنىڭ توسپاسى“. تان باۋجۇن بىلاي دەپ تانىستىردى: جەر استىنداعى جارتى مەتر جەردە قورعاسىن تور، تاس سياقتى قاتتى زاتتاردان توقىلعان اۋماق بار سۋ قۇرامى دا بار، ءارى بەرىك، ءارى شىدامدى.
وزەن جاعاسىندا العا ىلگەرىلەدىك، جاعاداعى ءبىر تابيعي ويپاتتا تاياز سۋدا بالىقتار ويناقتاپ، سۋدا وستەتىن قۇرتقاشاش جەلمەن ىرعالادى.
”مۇنداي تابيعي جانە جاساندى جولمەن سالىنعان 82 ’جاڭبىر سۋى باقشاسى‘ بار“. تان باۋجۇن بىلاي دەدى: جاڭبىر سۋى مەن جەر بەتى اعىنى بىلپىلداق قۇرىلعىلارى ارقىلى ساتىلار بويىنشا ءسۇزىلىپ، تازارتىلىپ، ونان سوڭ حانجياڭ وزەنىنە قۇيىلادى. سوڭعى 10 جىلدا حانجياڭ - حانكوۋ ورتا بولەگىندەگى سۋ ساپاسى ۇزدىكسىز جاقساردى.
بيىل 3 - ايدىڭ سوڭىندا ۇزىندىعى 71 مەتر كەلەتىن بالىق جولى سالىنىپ بولدى. سونىمەن باقشانىڭ جالپى ۇزىندىعى 2.3 كيلومەتر كەلەتىن بالىقتاردىڭ قونىس اۋدارۋ ارناسى تۇتاستى. بالىقتار اعىن قۋىپ ءوسىپ - ءوربىپ، سازدىق باقشاسىنىڭ بيولوگيالىق تىزبەگى مەن ازىقتىق تورىن ونان ارى قالپىنا كەلتىردى.
قۇم - قيىرشىق وزەن ورتاسىنداعى جاسىل ارالدى قالىپتاستىرادى. قايراڭ بۇلاق سۋىن اعىزادى. گۇلدى كوگال وسىلاي جاسالعان.
بۇل كۇندە تيانحان سازدىق باقشاسى شامامەن ءبىر ميلليون 456 مىڭ شارشى مەتر جەردى قالپىنا كەلتىردى، تابيعي سۋ ايدىنى 6 شارشى كيلومەتر، ەكولوگيالىق ارال 219، وندا 314 ءتۇرلى وسىمدىك، 30 ءتۇرلى بالىق، 90 ءتۇرلى قۇس وسەدى؛ 3 جاياۋلار جولى بار، سۋلاردىڭ اراسى جاسىل القاپپەن جالعاسقان، ادامدار سۋرەتتەي كوركەم ورتادا سەيىل – سەرۋەن قۇرادى.
تيانحان سازدىق باقشاسىنىڭ ەكولوگيالىق پايداسى حانجۇڭ قالاسىن ەكولوگيالىق قالا قۇرۋعا جىگەرلەندىردى –
قالانىڭ سۋ جۇيەسى، سۋ تۇلعاسى، جاعالاۋ جەلىسى، سازدى جەر سياقتىلاردى قالپىنا كەلتىرۋى جۇيەلى ىلگەرىلەتىلىپ، 2023 - جىلى ورتالىق قالا رايونىندا 516 مىڭ 900 شارشى مەتر جاسىل اۋماق كوبەيتىلدى؛ سۋ ىعىستىرۋ، جاۋىن - شاشىننان ساقتانۋ جانە جاۋىن - شاشىننىڭ لاستاۋىنان ساقتانۋ سياقتى نىساندار اتقارىلىپ، قالانىڭ ”ۇساق قان تامىرلارى“ ىركىلىسسىزدەندىرىلىپ، قالانىڭ ەكولوگيالىق يقۋاتى كەمەلدەندىرىلدى، وڭتۇستىكتىڭ سۋىن سولتۇستىككە جەتكىزۋ ورتا جەلىسىندەگى ينجەنەريادا سۋ قاينارىن قورعاۋ كۇشەيتىلىپ، ”تۇنىق سۋدىڭ ماڭگى سولتۇستىككە قاراي اعۋىنا“ كەپىلدىك ەتىلدى.
كۇن ەڭكەيدى، قالا تۇرعىنى لي چاڭشۇن نەمەرەسىن ەرتىپ، ۋادەلەسكەندەي جەتىپ كەلەدى. ول كونە دوسىمەن بىرگە دەنە شىنىقتىرادى، كىشكەنتاي نەمەرەسى سىرعىما تاقتايشادا وينايدى. جاقىن ماڭداعى باسكەتبول الاڭىندا، ۇستەل دوپ ۇستەلىندە قيان - كەسكى سايىس وتۋدە...
”حانجياڭ وزەنىنىڭ جاعاسى، باقىت باقشاسى“. لي چاڭشۇن كۇلىمسىرەپ: ”راحات تۇرمىسقا قول جەتكىزدىك“ دەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
