HH—100 اۆياتسيالىق، ساۋدالىق ۇشقىشسىز تاسىمال جۇيەسى سىناق ۇشاعىنىڭ تۇڭعىش ۇشۋى ءساتتى بولدى
2024.06.13 16:30 كەلۋ قاينارى : حالىق تورابى
«حالىق گازەتى»، 6 - ايدىڭ 12 - كۇنى، بەيجيڭ (ءتىلشى چيۋ چاۋ ـ ي). 6 - ايدىڭ 12 - كۇنى جۇڭگو اۆياتسيا ونەركاسىپ توبى دەربەس زەرتتەپ جاساعان HH—100 اۆياتسيالىق، ساۋدالىق ۇشقىشسىز تاسىمال جۇيەسى سىناق ۇشاعى شانشي شي ـ ان لانتيان امبەباپ اۋەجايىندا تۇڭعىش رەت ءساتتى ۇشتى. العاشقى ۇشۋ سىناعى بارىسىندا، ۇشاقتىڭ ءارقايسى جۇيەسىنىڭ، جابدىقتارىنىڭ قىزمەتى قالىپتى، ۇشاقتىڭ تۇرعىسى ورنىقتى، كۇيى جاقسى بولىپ، الدىن الا بەلگىلەنگەن ۇشۋ ساباقتارىن ورىندادى.
HH—100 اۆياتسيالىق، ساۋدالىق ۇشقىشسىز تاسىمال جۇيەسى ۇشقىشسىز ۇشۋ جابدىعى تۇعىرىنان، قولباسشىلىقتى مەڭگەرۋ جۇيەسىنەن (جەر بەتى پۋنكتى) قۇرالادى، وزىندىك قۇنى تومەن، تونناجى ۇلكەن، ساۋدالىق كوتەرىمدىلىگى جوعارى، تۇتاستاي ەل ىشىندە ءوندىرىلۋ ەرەكشەلىكتەرىنە يە. ۇشاقتىڭ ۇشقانداعى ەڭ جوعارى سالماعى 2000 كيلوگرام، ساۋدا كوتەرىمدىلىگى 700 كيلوگرام، تولىق كوتەرىمدىلىگى 520 كيلومەتر، ەڭ ۇلكەن شارلاۋ ساعاتتىق جىلدامدىعى 300 كيلومەتر، ەڭ ۇلكەن ىستەتىلۋ بيىكتىگى 5000 مەتر، جۇك بولمەسىنىڭ سيىمدىلىعى 4 تەكشەمەتر.
بۇل ۇشاق نەگىزىنەن تارماق لەنيا زات اينالىمىنا پايدالانىلادى، ورمان، جايىلىمدا ءورت ءوشىرۋ، قۇتقارۋ بۇيىمدارىن جەتكىزۋ، شۇعىل جاعدايعا توتەپ بەرۋ بارىسىندا حابارلاسۋ، اۋا رايىنا جاساندى جولمەن ىقپال جاساۋ سياقتى قولدانىلمالى جاعدايلارعا كەڭەيتىپ پايدالانۋعا بولادى.
HH—100 اۆياتسيالىق، ساۋدالىق ۇشقىشسىز تاسىمال جۇيەسىن زەرتتەپ جاساۋ بارىسىندا زەرتتەۋ توبى ىلگەرىندى - كەيىندى دەربەس ۇشۋدى مەڭگەرۋ جۇيەسىن جوبالاۋ، سەنىمدىلىگى جوعارى مىندەت جوباسى سياقتى كوپتەگەن شەشۋشى تەحنيكادان قامال الىپ، سوڭعى HH جەلىلەس ۇشقىشسىز تاسىمال جۇيەسىن زەرتتەپ جاساۋعا بەرىك نەگىز قالادى.
جۇڭگو اۆياتسيا ونەركاسىپ توبى اۆياتسيالىق، ساۋدالىق ۇشقىشسىز تاسىمال جۇيەسىنىڭ 2 توننالىق، 5 توننالىق، 10 توننالىق جانە ودان جوعارى جۇيەلىلەنگەن ونىمدەرىن زەرتتەپ اشۋدى ورنىقتى ىلگەرىلەتىپ، بازاردىڭ ۇشقىشسىز تاسىمال ۇشاعىنىڭ ءىرى تۇرپاتتى، تومەن وزىندىك قۇندى، جوعارى سەنىمدى بولۋ جاقتارىنداعى دامۋ قاجەتىن ۇزدىكسىز قاناعاتتاندىرۋدا.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
تەلەفون: 65367915-010 حات ساندىعى: kazakh@peopledaily.com.cn
بۇل بەتتىڭ باسپا ۇقىعى حالىق تورابىنا ءتان، كەلىسىمنەن وتپەي كوشىرىپ پايدالانۋعا بولمايدى
Copyright © 1997-2024 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى
