جۇڭگوداعى تۇڭعىش تەڭگەنى شەكارا اتتاپ جەتكىزۋ كاسىبى جۇڭگو – قازاقستان سەلبەستىك ورتالىعىندا ىسكە قوسىلدى
2018.04.10 13:43 كەلۋ قاينارى : حالىق تورابى
حالىق تورابى، 10 – ءساۋىر، بەيجيڭ. 8 – ءساۋىر، ءتىلشىنىڭ شينجياڭ قورعاس ەكونوميكالىق اشۋ رايونىنان ۇعىسۋىنشا، جۇڭگونىڭ ەل ىشىندەگى تۇڭعىش تەڭگەنى (قازاقستان اقشاسى) شەكارا اتتاپ جەتكىزۋ كاسىبى جاقىندا جۇڭگو – قازاقستان قورعاس حالىقارالىق شەكارا سەلبەستىك ورتالىعىندا ىسكە قوسىلعان.
ۇعىسۋعا قاراعاندا، بۇل رەتكى تۇڭعىش تەڭگەنى شەكارا اتتاپ جەتكىزۋ كاسىبى جالپى 10 ميلليون تەڭگەنى جۇڭگو – قازاقستان سەلبەستىك ورتالىعى ارقىلى قازاقستانعا تاسىپ جەتكىزگەن، بۇل جۇمىستى جۇڭگو اۋىل شارۋاشىلىق بانكەسى قورعاس سەلبەستىك ورتالىعى تارماق بانكەسى مەن قازاقستان حالىق امانات بانكەسى بىرلىكتە ىستەگەن. بۇل 2015 – جىلى شينجياڭ بانكە اراسىنداعى رايوندىق سەلبەستىكتى كۇشەيتىپ، حالىق اقشاسىن تەڭگەگە ايىرباستاۋدى جۇزەگە اسىرعاننان بەرگى، جۇڭگو – قازاقستان ەكى جاق ءوز اقشاسىندا ەسەپ جابۋىنداعى جاڭا تابىس سانالادى.
سەلبەستىك ورتالىعىنىڭ جاۋاپتىسىنىڭ تانىستىرۋىنشا، سەلبەستىك ورتالىعى ارقىلى اقشانى شەكارا اتتاپ جەتكىزۋدى ورىستەتۋ، جەتكىزۋ ۋاقىتىن اناعۇرلىم قىسقارتىپ، شەكارادان وتكىزۋ رەسمياتىن ىقشامداپ، اقشانى شەكارا اتتاپ جەتكىزۋ وزىندىك قۇنىن تومەندەتىپ، جۇڭگو – قازاقستان ەكى ەل كاسىپورىن جانە تۇرعىندارىنىڭ شەكارا ساۋدا، ساياحات، زات ساتىپ الۋ قاتارلى جاقتارىنداعى اقشا ايىرباستاۋ قاجەتىن ءونىمدى تۇردە قاناعاتتاندىرىپ، ەكى ەل اقشاسىنىڭ ايىرباس جاساۋىن جەدەلدەتىپ، ەكى ەل شەكاراسى ساۋداسىنىڭ دامۋىنا جاڭا كۇش قوسقان.
تانىستىرۋعا قاراعاندا، سەلبەستىك ورتالىعى جۇڭگو – قازاقستان بىرلىكتە شەكارا اتتاپ ەركىن ساۋدا رايونىن قۇرۋداعى، «ءبىر بەلدەۋ ءبىر جول» دارىپتەمەسىندەگى ۇلگىلى نىسان بولىپ، قازىر جۇڭگونىڭ ەل ءىشى شەكارا وڭىرىندە جاڭالىق جاراتۋدى ورىستەتۋدەگى حالىق اقشاسىن سىناق ەتۋ رايونى بولعان.
جاقىنعى جىلداردان بەرى، قورعاس جۇڭگو – قازاقستان سەلبەستىك ورتالىعى فينانس قۇرىلعىلارىن ۇزدىكسىز كەمەلدەندىرىپ، بانكە شەكارا ءوڭىرى جۇيەسىن ىسكە قوسۋ قىزمەتى مەن تاۋار كاسىبىندە جاڭالىق جاراتۋ قاتارلى قىزمەتتەردى سىناق ەتۋدى ورنىقتىلىقپەن ىلگەرىلەتىپ، حالىق اقشاسىنىڭ قازاقستاندا اينالىسقا ءتۇسۋى مەن ىستەتىلۋىن جەدەلدەتىپ، سەلبەستىك ورتالىعىنداعى شاعىن اقشا ءتۇرىن ايىرباستاۋ ورتالىعىنىڭ قۇرىلۋىن ىلگەرىلەتىپ، جۇڭگو – قازاقستان سەلبەستىك ورتالىعىن «جىبەك جولى ەكونوميكا بەلدەۋىندەگى» اقشا جيناۋ – جونەلتۋ ورتالىعى ەتىپ قۇرۋعا بارىنشا كۇش سالدى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
