ارناۋلى سۇقبات: شاڭحاي سەلبەستىك ۇيىمى − مۇشە ەلدەردىڭ كوپ سالادا بەلسەندى سەلبەستىك جاسايتىن تۇعىرى
قازاقستان پرەزيدەنتى نازاربايەۆپەن وتكىزىلگەن سۇقبات
2018.06.04 14:02 كەلۋ قاينارى : حالىق تورابى
حالىق تورابى، 4 – ماۋسىم، بەيجيڭ. قازاقستان پرەزيدەنتى نازاربايەۆ شينحۋا اگەنتتىگى ءتىلشىسىنىڭ سۇقباتىن قابىلداعان كەزدە، قۇرىلعانىنا 17 جىل بولعاننان بەرى، شاڭحاي سەلبەستىك ۇيىمى حالىقارالىق قوعامنىڭ قۇپتاۋىنان وتكەنىن ءارى مۇشە ەلدەردىڭ كوپ سالاداعى بەلسەندى سەلبەستىك جاسايتىن تۇعىرىنا اينالعانىن اتاپ ءوتتى.
نازاربايەۆ بىلاي دەپ اتاپ كورسەتتى: «شاڭحاي سەلبەستىك ۇيىمى نەگىزگى ەرەجەسى» سياقتى نەگىزدىك جانە ەرەجە تۇزىمدىك قۇجات ارقىلى «شاڭحاي سەلبەستىك ۇيىمى مۇشە ەلدەر ۇزاق ۋاقىتتىق تاتۋ كورشىلىك سەلبەستىك شارتىنا» قول قويىستى، «شاڭحاي سەلبەستىك ۇيىمىنىڭ 2025 – جىلعا دەيىنگى دامۋ ستراتەگياسى» ارقىلى شاڭحاي سەلبەستىك ۇيىمى بەدەلدى وڭىرلىك سەلبەستىك قۇرىلىمىنا اينالدى. بۇدان سىرت، شاڭحاي سەلبەستىك ۇيىمى وڭىرلىك لاڭكەستىككە قارسى تۇرۋ قۇرىلىمىنىڭ قۇرىلۋى دا اسا ماڭىزدى، اتالعان قۇرىلىم الەم جانە وڭىرلەردىڭ حاۋىپسىزدىك ورنىقتىلىعىنا زور ۇلەس قوسۋدا. 2017 – جىلعى استانا قالاسىندا وتكىزىلگەن شاڭحاي سەلبەستىك ۇيىمى باسشىلار كەڭەسىندە ءۇندىستان مەن پاكيستاننىڭ اتالعان ۇيىمعا كىرىپ، اتالعان ۇيىمنىڭ ىقپالى مەن بەدەلىن ارتتىرۋى دا اسا ماڭىزعا يە.
نازاربايەۆ شاڭحاي سەلبەستىك ۇيىمى مۇشە ەلدەرى دارىپتەگەن «شاڭحاي رۋحى» اتالعان ۇيىم قۇرىلعاننان بەرگى قول جەتكىزگەن ەڭ ۇلكەن جەتىستىك ەكەنىن، بۇل رۋح شاڭحاي سەلبەستىك ۇيىمى مۇشە ەلدەر اراسىنداعى ءوزارا سەنىمدىلىك، تەڭدىك جانە دامۋ نىساناسىنا بولعان ورتاق تالپىنىستى بەينەلەگەنىن اتاپ ءوتتى.
نازاربايەۆ شاڭحاي سەلبەستىك ۇيىمى ءالى دە رولىن تولىق ساۋلەلەندىرمەگەنىن، مۇشە ەلدەر تومەندەگى سالالاردا سەلبەستىكتى كۇشەيتۋ كەرەكتىگىن ءبىلدىردى.
ءبىرىنشى، شاڭحاي سەلبەستىك ۇيىمى مۇشە ەلدەر ورتاسىنداعى ساۋدا جانە قارجى سەلبەستىگىن كۇشەيتىپ، شاڭحاي سەلبەستىك ۇيىمى دامىتۋ بانكەسى مەن دامىتۋ قورىن تەزدەن ىسكە قوسۋدىڭ ماڭىزى ەرەكشە. شاڭحاي سەلبەستىك ۇيىمى مۇشە ەلدەر دامۋ جوسپارى مەن ەۆروپا – ازيا ەكونوميكا وداعىنىڭ دامۋ جوسپارىنىڭ «ءبىر بەلدەۋ، ءبىر جول» دارىپتەمەسىندە تۇتاسۋىنا قاراتا نازاربايەۆ وڭىرلەردىڭ ساۋدا سەلبەستىگى بولاشاعىنىڭ اسا زور ەكەنىن ءبىلدىردى. ول مۇنداي تۇتاسۋ شاڭحاي سەلبەستىك ۇيىمى ەركىن ساۋدا رايونىنا جاقسى شارت - جاعداي جاراتىپ بەرەدى دەدى.
ەكىنشى، شاڭحاي سەلبەستىك ۇيىمى مۇشە ەلدەر اراسىنداعى قاتىناس تاسىمال سەلبەستىگىن ءونىمدى تۇردە ىلگەرىلەتۋ كەرەك.
ءۇشىنشى، شاڭحاي سەلبەستىك ۇيىمى مۇشە ەلدەر حالقىن جوعارى ساپالى جانە لاستانباعان ىشپەك – جەمەكتەرمەن قامداۋ. كليمات وزگەرىسى سەبەبىنەن تابيعي اپات پەن اۋا رايى وزگەرىسى بارعان سايىن كوبەيىپ، جوعارىداعى ماسەلەلەر بارعان سايىن كورنەكتىلەنە ءتۇستى. بۇل شارت – جاعداي استىندا، قازاقستان ورتاعا قويعان شاڭحاي سەلبەستىك ۇيىمى مۇشە ەلدەر ىشپەك – جەمەك سالاسىنداعى سەلبەستىگى جوسپارىن ىسكە اسىرۋدىڭ ماڭىزى ايرىقشا.
جۇڭگو – قازاقستان قاتىناسى تۋرالى ءسوز قوزعاعاندا، ول بىلاي دەدى: قازاقستان جۇڭگونىڭ ەڭ جاقىن سەنىمدى دوسى جانە سەرىكتەسى، قازاقستان جۇڭگومەن بولعان قاتىناسىنا ايىرىقشا ءمان بەرەدى. بەس جىلدان بەرى، ەكى ەل «ءبىر بەلدەۋ، ءبىر جول» دارىپتەمەسى مەن قازاقستان جاقتىڭ «نۇرلى جول» جاڭا ەكونوميكا جوسپارىنىڭ تۇتاسۋى جاعىندا ءىرى جەتىستىكتەرگە قول جەتكىزدى. قازىر، قازاقستان مەن جۇڭگونىڭ سەلبەستىگى قاتىناس نەگىزدىك قۇرىلعىلارى، ساۋدا، مانەرلەۋ سالاسى، ەنەرگيا، اۋىل شارۋاشىلىعى جانە باسقادا سالالاردى قامتىدى. جۇڭگو – ەۆروپا جۇك پويەزى مەن ورتا ازيا جۇك پويەزى ىسكە قوسىلدى. بۇل جۇك پويەزدەرى قازاقستان شەكارا قاتىناس تاسىمالى مەن ەكسپورت – يمپورتىن دامىتۋعا كۇش قوستى. باتىس ەۆرپا ــ جۇڭگو باتىس بولىك تاسجولىنىڭ قازاقستان شەكاراسىنداعى بولەگى سالىنىپ ءبىتتى. قازاقستان – جۇڭگو ەكى ەل ءوندىرىس قۋاتى سالاسىنداعى جاپپاي سەلبەستىك ورناتىپ، ىسكە قوسىلعان نىسان سانى 51گە جەتىپ، جالپى قارجى سوماسى 27 ميلليارد دوللارعا جەتتى.
ەكى ەلدىڭ مادەنيەت سالاسىنداعى سەلبەستىك تۋرالى ءسوز قوزعاعاندا، نازاربايەۆ بىلاي دەدى: قازاقستان – جۇڭگو ەكى ەل كوركەمونەر قىزمەتكەرلەرىنىڭ ءوزارا بايلانىسى تىعىز. قازاقستاندا كۇڭزى ينستيتۋتى قۇرىلىپ، حانزۋ ءتىلى قازاقستان ۋنيۆەرسيتەتتەرىنىڭ ەكىنشى ۇلكەن شەتەل تىلىنە اينالدى. ول تاعى جۇڭگو كورەرمەندەرىنىڭ قازاقستان ءانشىسى ديماشقا قىزىعۋشىلىق تانىتاتىنا العىسىن ءبىلدىردى.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
