ارناۋلى سۇحپات: فورۋمنىڭ قىزۋ ورلەۋىن جالعاستى ساقتاپ، «ءبىر بەلدەۋ، ءبىر جول» سەلبەستىگىن «نازىك سىزباعا» اينالدىرايىق
جۇڭگونىڭ قازاقستاندا تۇراتىن باس ەلشىسى جاڭ شياۋ
2019.05.14 15:45 كەلۋ قاينارى : حالىق تورابى
شينحۋا اگەنتتىگىنىڭ 5 – ايدىڭ 13 – كۇنى نۇرسۇلتاننان بەرگەن حابارى، فورۋمنىڭ قىزۋ ورلەۋىن جالعاستى ساقتاپ، «ءبىر بەلدەۋ، ءبىر جول» سەلبەستىگىن «نازىك سىزباعا» اينالدىرايىق اتىنداعى جۇڭگونىڭ قازاقستاندا تۇراتىن باس ەلشىسى جاڭ شياۋدىڭ بەرگەن ارناۋلى سۇحپاتى
جۋىردا عانا 2 – كەزەكتى «ءبىر بەلدەۋ، ءبىر جول» حالىقارالىق سەلبەستىگىنىڭ جوعارى دارەجەلى باسشىلار تالقى مىنبەرى بەيجيڭدە ءساتتى وتكىزىلدى. قازاقستاننىڭ تۇڭعىش پرەزيدەنتى نۇرسۇلتان نازاربايەۆ تالقى مىنبەرگە ۇسىنىسپەن قاتىناستى ٵرى ماڭىزدى ءسوز سويلەدى، «ءبىر بەلدەۋ، ءبىر جولدى» بۇكىل ادامزاتقا ءۇمىت باعىشتايتىن ۇلى باستاما دەپ جوعارى باعالاپ، قازاقستان مەن جۇڭگونىڭ «ءبىر بەلدەۋ، ءبىر جول» ورتاق قۇرىلىسىنىڭ 5 جىلدان بەرگى تاراپتاردىڭ دامۋىنا الا كەلگەن پايداسىن تولىق تۇراقتاندىردى. مەملەكەت ءتوراعاسى شي جينپيڭ نازاربايەۆپەن قىزۋ ىقىلاسپەن كەزدەستى، سونداي – اق وعان «دوستىق وردەنىن» ۇسىندى. بۇل قازاقستان مەن جۇڭگو قاتىناسىنىڭ دامۋىنداعى تاريحي سيپات الاتىن ءسات ەسەپتەلەدى، سونىمەن بىرگە «ءبىر بەلدەۋ، ءبىر جول» قۇرىلىسى تاريحىنداعى وشپەس داستانعا اينالدى.
5 – ايدىڭ 14 – كۇنىنەن 16 – كۇنىنە دەيىن ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەس زۇڭليىنىڭ ورىنباسارى حان جىڭ ۇسىنىسپەن قازاقستانعا بارىپ، 12 – كەزەكتى استانا ەكونوميكالىق فورۋمى مەن 2 – كەزەكتى جۇڭگو – قازاقستان جەرگىلىكتى ورىندارىنىڭ سەلبەستىك فورۋمىنا قاتىناسادى. بۇل − ەكى ەل قاتىناسىنداعى تاعى ءبىر ۇلكەن ءىس، جۇڭگو مەن قازاقستاننىڭ جالپى بەتتىك ستراتەگيالىق سەرىكتەستىك قاتىناسىنىڭ دامۋىنا تىڭ دا پارمەندى قوزعاۋشى كۇش قوسادى. جۇڭگونىڭ قازاقستاندا تۇراتىن باس ەلشىسى جاڭ شياۋ 5 – ايدىڭ 13 – كۇنى شينحۋا اگەنتتىگىنىڭ ءتىلشىسىنىڭ سۇحپاتىن قابىلداعان كەزدە جوعارىداعى سوزدەردى ايتتى.
جاڭ شياۋ بىلاي دەدى: قازاقستان «ءبىر بەلدەۋ، ءبىر جول» دارىپتەمەسى تۇڭعىش ورتاعا قويىلعان جەر جانە باتىس باعىتقا قاراي سالىنعان شەكارا سىرتىنداعى تۇڭعىش بەكەت. «ءبىر بەلدەۋ، ءبىر جول» قۇرىلىسى − قازاقستان مەن جۇڭگونىڭ ورتاق تالعامى، جۇڭگو مەن قازاقستاننىڭ ادامزاتتىڭ تاعدىرلاس ورتاق تۇلعاسى قالىپتاستىرۋداعى تۇڭعىش قادامىنىڭ ناقتى بەينەلەنۋى، ەكى ەل مەن ەكى ەل حالقىنىڭ ءتۇبىرلى مۇدەسىنە سايادى. تاراپتار ەكى ەل باسشىلارى كەلىسكەن ورتاق تانىمدارعا ساي سەلبەستىك كومەسكى كۇشىن ونان ارى اشىپ، جىبەك جولى ەكونوميكالىق بەلدەۋى قۇرىلىسى مەن «نۇرلى جول» جاڭا ەكونوميكالىق ساياساتىن ۇشتاستىرۋ جوباسىن تياناقتاندىرىپ، «بەستى تۇتاستىرۋ» قورىلىسىن ىلگەرىلەتىپ، «ءبىر بەلدەۋ، ءبىر جول» قۇرىلىسىنىڭ «نوبايلى جازۋىن» «نازىك سىزباعا» اينالدىرۋعا دەم بەرۋى كەرەك.
قازاقستان مەن جۇڭگونىڭ «بەستى تۇتاستىرۋ» قۇرىلىسىن تىلگە تيەك ەتكەندە جاڭ شياۋ بىلاي دەپ تانىستىردى: ەڭ الدىمەن ٶزارا بارىس – كەلىس تەرەڭدەي ءتۇستى. وتكەن جىلى قازاقستان مەن جۇڭگو «ءبىر بەلدەۋ، ءبىر جول» ارقاسىندا 13 ميلليون 979 مىڭ توننا زات تاسىمالىن ىسكە اسىردى، ۇقساس مەزگىلدەگىدەن 38 پايىز جوعارىلادى. الاتاۋ ساعاسى وتكەلى جانە قورعاس تەمىر جول وتكەلىنەن شىعاتىن جۇڭگو – ەۆروپا پويەزى جەكە - جەكە 2388 جانە 404 كەزەككە جەتتى. «ەۆروپانىڭ باتىسى – جۇڭگونىڭ باتىسى» ارالىعىنداعى تاس جولىنىڭ قازاقستانداعى بولەگىنە بۇكىلدەي اۆتوكولىك قاتىنادى، تاريحتا تۇڭعىش رەت جۇڭگو مەن ەۆروپا «شەكارادان شەكاراعا دەيىن قوس باعىت جۇك تاسيتىن تاس جولدى» ىسكە اسىردى، شەكارالىق تاسىمال قىزمەت وتەۋى الا كەلگەن تىكەلەي ەكونوميكالىق پايدا 460 ميلليون ا ق ش دوللارىنا جەتتى.
ونان كەيىن، ەكى جاقتىڭ ساۋداسى، اسىرەسە، اۋىل شارۋاشىلىق ونىمدەرى ساۋداسى تەز قارقىنمەن دامىدى. وتكەن جىلى جۇڭگو مەن قازاقستاننىڭ ساۋدا سوماسى 19 ميلليارد 880 ميلليون ا ق ش دوللارىنا جەتتى، ۇقساس مەزگىلدەگىدەن 10.4 پايىز ارتتى. قازاقستاننىڭ جۇڭگوعا بولعان ەكسپورت سوماسى 8 ميلليارد 530 ميلليون ا ق ش دوللارىنا جەتتى، ۇقساس مەزگىلدەگىدەن 28.1 پايىز ارتتى. ەكى جاقتىڭ اۋىل شارۋاشىلىق ونىمدەر ساۋدا سوماسى 590 ميلليون ا ق ش دوللارىنا جوعارىلادى، ۇقساس مەزگىلدەگىدەن 18.1 پايىز ارتتى، مۇنىڭ ىشىندە قازاقستاننىڭ جۇڭگوعا ەكسپورت ەتكەن اۋىل شارۋاشىلىق ونىمدەرى 37.6 پايىز ارتتى. قازاقستان جاق تۇڭعىش كەزەكتى جۇڭگو حالىقارالىق يمپورت كورمەسىنە بەلسەنە قاتىناسىپ، 20عا تارتا ەت، ءسوت ونىمدەرىنەن جاسالعان اۋىل شارۋاشىلىق ونىمدەرىن جۇڭگوعا كىرگىزۋگە ءساتتى كەلىستى.
ءۇشىنشى، ءوندىرىس قۋاتى سەلبەستىگى ورنىقتى ىلگەرىلەدى. جاڭ شياۋ بىلاي دەپ تانىستىردى: 55 نىسان جۇڭگو – قازاقستان ٶندىرس قۋاتى سەلبەستىگى تىزىمدىگىنە كىرگىزىلدى، توقتام جالپى سوماسى 27 ميلليارد 400 ميلليون ا ق ش دوللارىنا جەتتى. مۇنىڭ ىشىندە، جۇڭگو كاسىپورىندارى كومەكتەسىپ سالعان 5 مەگاۋاتتىق جەل ەنەرگياسىندىق ەلەكتر ستانسياسى مەن 1 مەگاۋاتتىق كۇن ەنەرگياسىندىق ەلەكتر ستانسياسى جەكە - جەكە سالىنىپ بولدى ءارى نىساندارى وتكىزىلىپ بەرىلدى، «جاسىل ەنەرگيا» كاسىبىن اشۋدى پارمەندى ىلگەرىلەتتى.
ءتورتىنشى، فينانس سەلبەستىگىنىڭ اياق الىسى جەدەلدەدى. جۇڭگو جاق ناقتى ارەكەتى ارقىلى استانا حالىقارالىق فينانس ورتالىعىنىڭ سالىنۋىن بار كۇشپەن قولدادى. شاڭحاي باعالى قاعاز بيرجاسى، جىبەك جولى قورى ورتالىقپەن سەلبەسۋگە بەلسەنە كۇش سالدى، جۇڭگو مەملەكەتتىك اشۋ بانكەسى ورتالىقتىڭ ىشىندە ۋاكىلدىك ورىن اشتى. جۇڭگو بانكەسىنىڭ قازاقستاننىڭ استاناسىنداعى تۇڭعىش بولىمشە بانكەسى 5 – ايدىڭ 14 – كۇنى اشىلادى.
بەسىنشى، گۋمانيتارلىق سەلبەستىك جۇرت تىلەگىنىڭ توعىسۋىن جەبەدى. نازاربايەۆ قازاقستان جاستارىن حانزۋ ٴتىلىن ۇيرەنۋگە، جۇڭگونى تۇسىنۋگە شاقىردى. قازىر 15 مىڭ قازاقستاندىق ستۋدەنت جۇڭگودا وقىپ جاتىر، 1400گە تارتا جۇڭگولىق ستۋدەنت قازاقستاندا وقىپ جاتىر. جۇڭگو حاينان ولكەسى قازاقستاندىق ساياحاتشىلارعا 30 كۇندىك ۆيزاسىز تۇرۋ ساياساتىن رەسمي اتقاردى، قازاقستان جۇڭگو تۇرعىندارىنىڭ قازاقستان شەكاراسىنان 72 ساعات ۋيزاسىز كىرۋ ساياساتىن اتقارىپ، ەكى ەل ادامدارىنىڭ بارىپ – كەلۋىنە قولايلىلىق جاراتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
