- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
التاي ايماعىنىڭ يمپورت-ەكسپورت ساۋدا سوماسى ارتتى
2014.06.20 13:23
قاڭتاردان مامىرعا دەيىن ايماعىمىزداعى جەرگىلىكتى سىرتقى ساۋدا كاسىپورىندارى ورىنداعان يمپورت- ەكسپورت جالپى سوماسى 248 ميلليون 250 مىڭ ا ق ش دوللارىنا جەتىپ، سايكەس مەزگىلدەگىدەن ٪54 ارتقان. مۇندا ەكسپورت سوماسى 226 ميلليون 767 مىڭ 500 ا ق ش دوللارى بولىپ، ٪40 ارتقان؛ يمپورت سوماسى 21 ميلليون 491 مىڭ 400 ا ق ش دوللارى بولىپ، ٪29 ارتقان. يمپورت- ەكسپورت ساۋداسىنداعى ەلدەر بويىنشا ايىتقاندا، قازاقستان مەن ايماعىمىز كاسىپورىندارىنىڭ يمپورت- ەكسپورت سوماسى 103 ميلليون 992 مىڭ 500 ا ق ش دوللارى بولىپ، ٪17 ازايعان، ال موڭعۇليا مەن ايماعىمىز كاسىپورىندارىنىڭ يمپورت- ەكسپورت سوماسى 68 ميلليون 385 مىڭ ا ق ش دوللارى بولىپ، ٪92.3 ارتقان.
ۇستەگى جىلى 1-مامىردان باستاپ جەمەنەي شەكارا وتكەلىندە سەنبى كۇنى كەدەننەن ءوتۋ ءتۇزىمى اتقارىلىپ، كەدەننەن وتكەن زات پەن شەكارادان كىرىپ-شىققان ادام سانى ارتتى. سونىمەن بىرگە جۇڭگو مەن قازاقستان ساۋداگەرلەرىنە قولايلى بولدى. شەكارا وتكەلىندە ون نەشە جىل زات تاسىمالىمەن شۇعىلدانعان شىعىس زات تاسىمالداۋ مەن قاربالاس بولدى. سەنبى كۇنى كەدەننەن ءوتۋ تۇزىمى اتقارىلعاندىقتان قازاقىستاندىق ساۋداگەر شىعىس جۇما كۇنى توسىلۋ جانە ۇزاق ۋاقىت شىرەتكە تۇرۋ اۋرەشىلىگىنەن قۇتىلدى. ساۋداگەر شىعىس سونىمەن بىرگە ايماعىمىزداعى موڭعۇلياعا اشىلعان ەڭ ءىرى وتكەل سانالاتىن تايكەشكەن شەكارا وتكەلىندە، بيىل 12-مامىردان باستاپ شەكارا اشىلاتىن ۋاقىت كۇنىنە 6 ساعاتتان 8 ساعاتقا ۇزارتىلدى، بۇل ايماعىمىزدىڭ موڭعۇلياعا اشىلعان شەكارا وتكەلىندە كەدەننەن ءوتۋ ۋاقىتىن تۇڭعىش رەت ۇزارتۋى ەسەپتەلەدى.
موڭعۇليانىڭ بۇلعىن اۋدانىنان كەلگەن ساۋداگەر ولىڭبايىردىڭ ۇساق تاۋار جانە ازىق-تۇلىك ساۋداسىمەن شۇعىلدانعانىنا نەشە ون جىل بولىپتى، ول كوپ ۋاقىتىن جول جٷرۋگە سارىپ ەتەدى، كەدەننەن ءوتۋ ۋاقىتىنىڭ ەكى ساعات ۇزارۋى وعان ءتيىمدى بولدى.
موڭعۇليالىق ساۋداگەر: «بۇرىن ۋاقىت قىسقا بولعاندىقتان كەدەن تەز جابىلاتىن، جۇمىسىمىز بىتپەي قالعان كەزدەرى توساتىنبىز، قازىر كەدەننەن ءوتۋ ۋاقىتى ۇزارتىلىپ، جۇمىس بىتىرۋىمىزگە قولايلى بولدى».
قاڭتاردان مامىرعا دەيىن ايماعىمىزداعى شەكارا وتكەلدەرىنەن كىرىپ- شىققان ادام سانى 24 مىڭ 325 ادام- رەت بولىپ، سايكەس مەزگىلدەگىدەن ٪5 ارتقان؛ شەكارادان كىرىپ- شىققان تاسىمال كولىكتەرىنىڭ سانى 1855 كولىك- رەت بولىپ، سايكەس مەزگىلدەگىدەن ٪9 ازايعان؛ زات تاسىمال مولشەرى 42 مىڭ 155 توننا بولىپ، سايكەس مەزگىلدەگىدەن ٪81 ارتقان؛ يمپورت- ەكسپورت سوماسى 74 ميلليون 730 مىڭ ا ق ش دوللارى بولىپ، سايكەس مەزگىلدەگىدەن ٪18 ارتقان. جەمەنەيدەگى «يە ما» سەرىكتەستىگى، شىڭگىلدەگى «مو باۋ» سەرىكتەستىگى، قۇرىلىس سەرىكتەستىگى قاتارلى تۇيىندى كاسپورىنداردىڭ شەتەلدەگى الارماندارى تۇراقتى بولعاندىقتان يمپورت-ەكسپورت سوماسى وتكەن جىلداعىدان كورنەكتى ارتقان، جەمەنەيدەگى «يە ما» سەرىكتەستىگىنىڭ قاڭتاردان مامىرعا دەيىنگى يمپورت-ەكسپورت سوماسى 140 ميلليون ا ق ش دوللارىنا جەتكەن. جەمەنەيدەگى گۋاڭحۇي سەرىكتەستىگىنىڭ شەتەلدەن يمپورت ەتكەن تابيعي گاز مولشەرى ورنىقتى ارتقان، شىڭگىلدەگى «چۋاڭحۇڭ» سەرىكتەستىگى، «مو باۋ» سەرىكتەستىگى قاتارلى كاسپورىنداردىڭ اعاش ماتەريال، تەمىر رۋداسى قاتارلى بايلىق سيپاتىنداعى ونىمدەردى يمپورت ەتىلۋ مولشەرى تەز ارتقان.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
