- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
موريدىڭ بولاشاعىنىڭ ءتىپتى جارقىن بولۋىنا تىلەۋلەسپىز
2014.07.25 11:09 كەلۋ قاينارى : ءتاڭىرتاۋ تورابى
موريدىڭ 22 مىڭ شارشى كيلومەترلىك دالاسى كۇننىڭ شۇلەن شۇعىلاسىنا مالىنىپ تۇر. موري قازاق اۆتونوميالى اۋدانى تولاعاي تابىستارىمەن 60 جىلدىق مەرەي تويىن تويلاۋدا. موريدىڭ مەرەي تويىنا قۇتتى بولسىن ايتامىز.
موري − جۇڭگوداعى 3 قازاق اۆتونوميالى اۋداننىڭ ءبىرى. اۆتونوميالى اۋدان قۇرىلعان 1954 - جىلدان بەرى، وسى ولكەدە جاساپ جاتقان 80 مىڭنان استام قازاق، حانزۋ، ۇيعۇر، وزبەك، حۇيزۋ سياقتى ۇلتتار پارتيانىڭ ۇلت ساياساتىنىڭ شۇلەن شۇعىلاسىندا ءبىر نيەت، ءبىر تىلەكپەن ىنتىماقتاسىپ، ەڭبەكشىلدىگى مەن اقىل - پاراساتىنىڭ ارقاسىندا وسى ءبىر قاسيەتتى مەكەندى اشىپ، گۇلدەندىرىپ، شۇعىلالى جەتىستىكتەرگە قول جەتكىزدى جانە باي وڭىرلىك مادەنيەتتى جارىققا شىعاردى. بۇگىنگى موريعا نازار اۋدارار بولساق، ۇلتتار ىنتىماعى ونان ارى بەكەمدەلىپ، از ۇلت بۇقاراسىنىڭ ءدىني سەنىم ەركىندىگى مەن ۇقىعىنا شىن مانىندە قۇرمەت ەتىلىپ جانە زاڭ بويىنشا قورعالعان، از ۇلت كادرلارى مەن دارىندىلار قوسىنى ۇزدىكسىز دامىپ زورايا تۇسكەن، ەكونوميكاسى باياندى دا تەز دامىپ، ءار ۇلت بۇقاراسىنىڭ تۇرمىس دەڭگەيى كورنەكتى تۇردە جوعارىلاعان، قوعامدىق ىستەرى قارىشتاپ دامىپ، تاڭداۋلى ءداستۇرلى مادەنيەت قورعالعان، ءار ۇلت حالقىنىڭ يدەيا، ءمورال ساپاسى، عىلىم، مادەنيەت ساپاسى جانە دەنساۋلىق ساپاسى جان - جاقتى جوعارىلاپ، جاپپاي دوڭگەلەك داۋلەتتى قوعام قۇرۋ نىساناسىنا قاراي زور سەنىممەن ارشىندى قادام تاستاعان تاماشا كورىنىسكە كۋا بولامىز.
1986 - جىلى موري قازاق اۆتونوميالى اۋدانى مالشىلاردى وتىرىقتاندىرۋدىڭ بەتاشارىن اشتى. 2010 - جىلدان بەرى مالشىلاردى وتىرىقتاندىرىپ، مال شارۋاشىلىعىن گۇلدەندىرۋ ينجەنەرياسىنىڭ ناتيجەسىندە 1388 مالشى وتباسى كوشپەندى مال شارۋاشىلىعى ومىرىنە قوش ايتتى. مالشىلاردىڭ جان باسىندىق كىرىسى وتىرىقتانۋدىڭ الدىندا 1800 يۋانعا جەتپەيتىن، ال وتىرىقتانعاننان كەيىن 2014 - جىلدىڭ اياعىنا دەيىن قىستاقتاردىڭ بارلىعىندا جان باسىندىق ورتاشا كىرىستى 10 مىڭ يۋاننان اسىرۋ نىساناسى ورىندالىپ بولادى. سوڭعى 3 جىلدا قازىنالىق كىرىس قاۋىرت ارتىپ، قالا - اۋىل تۇرعىندارىنىڭ كىرىسى مولايا ءتۇستى، موريدا بۇرىن بولماعان قارقىندى دامۋ جارىققا شىقتى.
ورنىقتىلىق − رەفورما مەن دامۋدىڭ العى شارتى. قوعام ورنىقتىلىعىن ساقتاۋ − ەكونوميكالىق، قوعامدىق دامۋ نىساناسىن ءساتتى جۇزەگە اسىرۋدىڭ قاجەتتى العى شارتى ءارى حالىق بۇقاراسىنىڭ الاڭسىز تىرشىلىگىن قامتاماسىز ەتۋدىڭ نەگىزگى شارتى. موري قازاق اۆتونوميالى اۋدانىنىڭ دامۋ جەتىستىكتەرى بۇل ءتۇيىندى تاعى دا دالەلدەدى. 60 جىلدان بەرى موري قازاق اۆتونوميالى اۋدانى رەسپۋبليكامەن بىرگە ەسەيىپ جانە دامىپ، ۇلتتىق تەرريتوريالىق اۆتونوميا ءتۇزىمى، ۇلت، ءدىن ساياساتى، حالىققا تيىمدىلىك جاساۋ ساياساتتارى ايتارلىقتاي تياناقتاندىرىلىپ، ۇلتتار ارالاسىپ، سىرلاسىپ، بىتە قايناسىپ، «حانزۋلار از ۇلتتاردان ايرىلا المايدى، از ۇلتتار حانزۋلاردان ايرىلا المايدى، از ۇلتتار دا ءبىر - بىرىنەن ايرىلا المايدى» دەگەن ۇلتتار ىنتىماعى، العاباسارلىعىنىڭ، بىرگە دامىپ - گۇلدەنۋدىڭ جاراسىمدى جىرىن جازدى. ۇلتتارى ىنتىماقتى، ءدىن جاراسىمدى، قوعام ورنىقتى بولعان اسا تاماشا جاعداي اۋداننىڭ توپ جارۋ، توپتان وزۋىنا، قارىشتاپ دامۋىنا پارمەندى نەگىز قالادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
