- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كومەكتەسۋ قىزمەتىندە قول جەتكىزگەن قوماقتى تابىس
2014.08.06 14:27
التاي اقپارات تورابى، 6-تامىز.
جيلين ولكەسى ورتالىقتىڭ شينجياڭ قىزمەتى جونىندەگى 2-رەتكى اڭگىمە ءماجىلىسىنىڭ رۋحىن مۇقيات تياناقتاندىرۋ ءۇشىن، ولكەنىڭ شينجياڭعا كومەكتەسۋ قىزمەتى جانە باسشىلىق گرۋپپاسىنىڭ ماجىلىسىندەگى ورنالاستىرۋعا ساي، ەكونوميكانى دامىتۋ مەن حالىق تۇرمىسىن جاقسارتۋدى نەگىز، جەرگىلىكتى ورىننىڭ ىسجۇزىندىك جاعدايىن شىعار ءتۇيىن ەتىپ، كومەك نىساندارىنىڭ جۇرگىزىلۋ تەبىنىن ارتتىرىپ، اۋىس-كۇيىس پەن سەلبەستىكتى كۇشەيتىپ، وقۋ-اعارتۋ، عىلىم-تەحنيكا، كاسىپ، دارىندى جاقتارىنان كومەكتەسۋ ارقىلى كومەك قابىلدايتىن ورىنداردىڭ حالىق تۇرمىسىنا قاتىستى ءتۇرلى ىستەرىنىڭ جاپپاي دامۋىنا كەپىلدىك ەتۋگە كۇش سالدى.
جەمەنەيدەگى مەملەكەتتىڭ شەكاراداعى ەكونوميكالىق سەلبەستىك ءوڭىرى 2011-جىلى 6-قىركۇيەكتە مەملەكەتتىك كەڭەستىڭ رەسمي بەكىتۋىنەن ءوتىپ، ەلىمىزدەگى شەكارا وڭىردەگى 15- ەكونوميكالىق سەلبەستىك وڭىرىنە ءارى التاي ايماعىنداعى كاسىپ شوعىرلانعان مەملەكەتتىڭ تۇڭعىش كاسىپ باقشاسىنا اينالدى. جەمەنەيدەگى شەكارالىق سەلبەستىك ءوڭىرىنىڭ جوباداعى مەڭگەرىلمەلى اۋماعى 14.39 شارشى كيلومەتر بولىپ، ساۋدالىق قىزمەت وتەۋ ورتالىعى مەن ونەركاسىپ مانەرلەۋ ورتالىعى بويىنشا، ەكولوگيالىق قورعانىس رايونى، ونەركاسىپ رايونى، اكىمشىلىك ساۋدا رايونى جانە جالپىلىق زات تاسىمال رايونى سىندى 4 ۇلكەن يقۋاتتى رايون قالىپتاسادى، كاسىپ تىزبەگى مۇناي حيميا ونەركاسىبى، مۇناي الابىن بارلاۋعا قاجەتتى جابدىقتاردى جونەلتۋ، جوندەۋ جانە دايىن بولشەك ءوندىرۋ جاساۋ، يمپورت-ەكسپورت ونىمدەرىن مانەرلەۋ، حالىقارالىق ساۋدا جانە قامبادا ساقتاۋ، زات تاسىمالى قاتارلى سالالارعا ۇزارتىلادى. «گۋاڭحۇي» سەرىكتەستىگىنىڭ جەمەنەيدەگى سۇيىلتىلعان تابيعي گاز زاۆوتى مەن «حۇڭتاي» سەرىكتەستىگىنىڭ 10 مىڭ توننالىق جەمىس-جيدەك پەن كوكونىستى جاس كۇيىندە ساقتاۋ قامباسى شەكاراداعى ەكونوميكالىق سەلبەستىك وڭىرىنە العاش توپتا ىرگە تەپكەن نىسان ەسەپتەلەدى. قازىر شەكاراداعى ەكونوميكالىق سەلبەستىك وڭىرىنە ىرگە تەپكەن 20 ميلليون يۋان قارجى جۇمسالاتىن «سۋياڭ» اراق كاسىبى نىسانى، 25 ميلليون يۋان قارجى جۇمسالاتىن ساۋىر مۇزتاۋ سۋى نىسانى، 12 ميلليون يۋان قارجى جۇمسالاتىن «گۋاڭميڭ» ۇن زاۆوتى نىسانى قاتارلى نىسانداردىڭ قۇرىلىسى جۇرگىزىلۋدە.
جەمەنەي اۋدانىنىڭ ورىنباسار اكىمى، شەكاراداعى ەكونوميكالىق سەلبەستىك ءوڭىرىنىڭ ورىنباسار مەڭگەرۋشىسى سۇڭ كايچۇن:« قازىرگە دەيىن شەكاراداعى سەلبەستىك وڭىرىنە 9 كاسىپورىن ىرگە تەپتى، مۇندا 2 كاسىپورىن باقشا رايونىنا ىرگە تەپتى، بيىل العاشقى جارتى جىلدا ونەركاسىپ جالپى ءونىم قۇنى 703 ميلليونعا، ونەركاسىپتەگى ارتقان قۇن 296 ميلليون يۋانعا جەتتى»-دەدى.
مەملەكەتتىڭ شارۋاشىلىقتى ورتا جانە باتىس بولەكتەگى وڭىرلەرگە ويىستىرىپ ۇلاستىرۋ قيمىلىنىڭ ورىستەتىلۋىنە ساي، جىبەك جولى ەكونوميكالىق بەلدەۋىنىڭ سولتۇستىگىندەگى وتكەلەك ەسەپتەلەتىن جەمەنەي اۋدانى چاڭچۇن ەكونوميكالىق تەحنيكالىق اشۋ رايونىنىڭ كومەگىندە بۇرىن-سوڭدى بولماعان قارىشتاپ دامۋ ورايىنا يە بولادى، جەمەنەيدەگى شەكاراداعى ەكونوميكالىق سەلبەستىك ءوڭىرى ەلىمىزدىڭ ازيا-ەۆروپا ۇلى قۇرلىق كوپىرىنىڭ سولتۇستىك بولەگىندەگى ساۋدا-ساتتىق ىستەرىندەگى كۇرە تامىرعا اينالادى.
بۇقارانىڭ جايلى قونىسقا ىرگە تەبۋىنە مۇمكىندىك جاساۋ، جيلين ولكەسىنىڭ شينجياڭعا كومەكتەسۋ قىزمەتىندەگى ماڭىزدى ءتۇيىن سانالادى. قابا اۋدانىنداعى جيلين جاڭا قىستاعىندا تاسپاداي تارتىلعان اسپاليت جول اۋدان قالاشىعىنا تۇتاسىپ، قاز-قاتار تىزىلگەن 150 ءۇي بوي كوتەردى، قىستاق بەينەسى شىت-جاڭا تۇسكە ەندى. قىستاق تۇرعىنى ورلەنحان نە بارى 28 مىڭ يۋان قارجى جۇمساپ عيمارات ۇلگىسىندە سالىنعان 85 شارشى مەترلىك جاڭا ۇيگە كوشىپ كىردى، سونىمەن بىرگە اۋلاسى مەن قورا-قالتقىسىن سالدىرىپ الدى.
جيلين جاڭا قىستاعى پارتيا ياچەيكاسىنىڭ شۋجيى تالاپ: «قىستاق كەڭسەسى، مادەنيەت الاڭى، قوس ءتىل بالالار باقشاسى قاتارلى نەگىزدىك قۇرىلعى قۇرىلىستار سالىنىپ، بۇقارانىڭ ءوندىرىس، تۇرمىس شارت-جاعدايىندا ەلەۋلى وزگەرىستەر تۋىلىپ، قىستاقتىڭ بەت-بەينەسى كورنەكتى جاقساردى، شارۋالار جايلى ۇيگە كوشىپ كىردى، الداعى جەردە جيلين جاڭا قىستاعىنىڭ بولاشاعىنىڭ نۇرلى بولاتىندىعىنا كامىل سەنەمىن»-دەدى.
ۇعىسۋىمىزشا، جيلين ولكەسى وقۋ-اعارتۋ، عىلىم-تەحنيكا، كاسىپ، دارىندى جاقتارىنان كومەكتەسۋ ارقىلى جەرگىلىكتى ورىنداعى بۇقارانىڭ ءوندىرىس پەن تۇرمىسنداعى ماسەلەلەردى كۇش سالا شەشىپ قالماستان كومەك قابىلدايتىن ورىنداردىڭ ءوز كۇشىنە سۇيەنۋ قابىلەتىن كۇشەيتىپ، ءوزىن-وزى دامىتۋ، باياندى دامۋ قابىلەتىن جوعارلاتىپتى. بيىل جيلين ولكەسى 168 ميلليون يۋان قارجى جۇمساۋ ارقىلى 53 كومەك نىسانىن اتقارادى. قازىر 45 نىساننىڭ جۇمىسى باستالىپ، جۇمىس باستاۋ مولشەرى ٪85 كە جەتتى.
كەلۋ قاينارى: التاي تەلەۆيزياسى - التاي اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
