- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ەگىنجاي سۋ يگىلىگى نىسان قۇرىلىسى جاپپاي جەدەلدەتىلدى
2014.12.05 13:48
توعىزتاراۋ اۋدانىنىڭ تىكارىق اۋىلىنا قاراستى ساربۇرشىن، اقباستاۋ سىندى ەكى قىستاق تاۋ بوكتەرىنە ورنالاسقاندىقتان، مۇنداعى شارۋالاردىڭ ەگىستىك جەرىن سۋارۋى قيىن بولىپ كەلگەن – دى. بيىل بۇل اۋدان نىسان قارجىسىنا قول جەتكىزۋ ارقىلى 16 مىڭ مۋ جەردەگى سۋ ۇنەمدەپ سۋارۋ قۇرىلىسىن جۇرگىزىپ، 127 شارۋا وتباسىنىڭ ەگىستىك جەرىن سۋارۋى قيىن بولۋ ماسەلەسىن شەشتى.
تىكارىق اۋىلدىق پارتكومنىڭ ورىنباسار شۋجي ۋاڭجۇن تىلشىگە: «ءبىز وسى نىساندى اتقارعان سوڭ ءتۇيىندى تۇردە جەمىس – جيدەك جانە باسقا دا ەكونوميكالىق داقىلدار ەگىلەتىن جەر كولەمىن كەڭەيتەمىز، وسىنداي بولعاندا عانا سۋدى ۇنەمدەپ ىستەتۋگە بولادى» دەدى.
نىسان قۇرىلىسىن اتقارۋ بارىسىندا سۋ يگىلىگى تاراۋى اۋىل قىستاقتارمەن بەلسەنە سايكەسىپ، قىستاق تۇرعىندارىمەن بەتپە – بەت اقىلداسىپ، قىستاق تۇرعىندارىنىڭ قولداۋىنا يە بولىپ، نىسان قۇرىلىسىنىڭ ەرتەرەك بىتۋىنە كەپىلدىك ەتتى.
اۋداندىق سۋ يگىلىگى مەكەمەسىنىڭ باس ينجەنەرى رازيا: «بۇل نىسان قۇرىلىسىنا جالپى 23 ميلليون 550 مىڭ يۋان قارجى جۇمسالادى، مۇندا مەملەكەتتىڭ اۋدانىمىزعا تۇسىرگەن تولىقتاما قارجىسىنىڭ ءوزى 10 ميلليون يۋان بولدى، مۇنداعى سەبەپ اۆتونوميالى رايوننىڭ ءتۇيىندى سۋ يگىلىگى قۇرىلىسىن اتقارۋ قىزمەتىنە باعالاۋ جۇرگىزۋ بارىسىندا توعىزتاراۋ اۋدانى 1- بولعاندىقتان، اۆتونوميالى رايوننىڭ ءبىر ميلليون يۋان سيلىق اقشاسىنا يە بولدى، وسىلايشا ءبىز 11ميلليون يۋان قارجى جۇمساپ، بيىلعى 20 مىڭ مۋ جەردىڭ سۋ ۇنەمدەپ سۋارۋ قۇرىلىسى مىندەتىن ورىندايمىز، بۇل نىسان قۇرىلىسى جۇمىس باستاعاننان قازىرگە دەيىن قۇبىر جاتقىزۋ كەزەڭىنە ءوتتى، بۇل مىندەتتى تەز ارادا ءبىتىرىپ، كەلەر جىلعى ەگىس داقىلدارىنىڭ ۋاعىندا سۋارىلۋىنا كەپىلدىك ەتەمىز» دەدى.
كولدەنەڭ قالاشىعىنىڭ اۋىز سۋ قۇبىرى كونەرىپ، قازىرگى سۋمەن قامداۋدىڭ قاجەتىنەن شىعا الماي قالعاندىقتان، بيىل قىركۇيەك ايىندا اۋدان 7ميلليون 890 مىڭ يۋان قارجى جۇمساپ، كولدەنەڭ قالاشىعىنىڭ اۋىز سۋ حاۋىپسىزدىگى ينجەنەرياسىن اتقاردى، قازىر نىسان قارجىسى تۇگەل تياناقتانىپ، قۇرىلىس 20 كيلومەتر ارالىققا قۇبىر جاتقىزۋ باسقىشىنا ءوتتى، سۋ زاۆودىنداعى سۋ ساقتاۋ كولشىگىنىڭ سيىمدىلىعى 3 مىڭ تەكشە مەترگە جەتىپ، 19مىڭ ادامنىڭ اۋىز سۋ ماسەلەسىن شەشۋمەن بىرگە، كولدەنەڭ قالاشىعىنىڭ اقجۇرەك ەگىمشىلىگى، ساياحات ىستەرىن دامىتۋ قاجەتىن قاناعاتتاندىرادى. مۇندا سۋ ىستەرى تاراۋى وسى سۋ زاۆودىنىڭ سۋدى ءبىر جاقتى ەتۋ تەحنولوگياسىنا جاڭالىق ەنگىزىپ، كولدەنەڭنىڭ ساياحات قالاشىعى بولۋ، 10 مىڭ مۋلىق اقجۇرەك بازاسى بولۋ، قاراقات، تاڭقۋراي سياقتى ەرەكشە ونىمدەرى ءبىرشاما شوعىرلانعان جەر بولۋ سىندى ەرەكشەلىگىن، سونداي – اق تۇرعىنداردىڭ اۋىز سۋ قيىنشىلىعىن ەسكەرىپ وسى قۇرىلىستى جۇرگىزگەن. ساۋلە داۋلەتقان قىزى
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
