- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رايونىمىز جوعارى دەڭگەيدەگى دارىندىلاردى ەنگىزۋ قىزمەتى جونىندەگى اتقارۋ ەرەجەسىن جاريالادى
سۇيەمەلدەۋ ساياساتتارى مەن تۇرمىستى قامتاماسىزداندىرۋ شارالارى تۇراقتاندىرىلدى؛ دارىندىلار سۇرانىسىنا قاتىستى ينفورماتسيالاردى جاريالاۋ ءتۇزىمى ورناتىلادى، وڭتۇستىك شينجياڭداعى 4 ايماق، وبلىسقا باراتىن دارىندىلارعا ارناۋلى نىسان بەلگىلەنەدى
2014.12.05 13:38 كەلۋ قاينارى : ءتاڭىرتاۋ تورابى
«اۆتونوميالى رايوننىڭ جوعارى دەڭگەيدەگى دارىندىلاردى ەنگىزۋ قىزمەتى جونىندەگى اتقارۋ ەرەجەسى» (تومەندە قىسقارتىلىپ «اتقارۋ ەرەجەسى» دەلىنەدى) تاياۋدا جاريالاندى، اۆتونوميالى رايوننىڭ جوعارى دەڭگەيدەگى دارىندىلاردى ەنگىزۋدەگى سۇيەمەلدەۋ ساياساتتارى مەن تۇرمىستى قامتاماسىزداندىرۋ شارالارى، سۇرانىسقا قاتىستى ينفورماتسيالاردى جاريالاۋ جانە ءوتىنىش ەتۋ سياقتىلار جونىندە ايقىن ەرەجە شىعارىلدى. ءتىلشى 3 - جەلتوقساندا اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن وسىنى ۇعىستى.
«اتقارۋ ەرەجەسىنە» ساي، رايونىمىز دارىندىلار سۇرانىسىنا قاتىستى ينفورماتسيالاردى جاريالاۋ ءتۇزىمىن بەلگىلەپ، ءار جىلى ادام ىستەتۋشى ورىنداردى قاجەت ەتىپ وتىرعان دارىندىلارىنا قاتىستى ينفورماتسيالاردى جوعارىعا مالىمدەۋگە ۇيىمداستىرادى ءارى قوعامعا اشىق جاريالايدى. جەر - جەردىڭ، تاراۋلاردىڭ، ورىنداردىڭ دارىندىلارعا قاتىستى سۇرانىس ينفورماتسيالارىن ءوزى جەكە - دارا سىرتقا جاريالاۋىنا دا بولادى.
«اتقارۋ ەرەجەسىندە» ەنگىزىلگەن دارىندىلاردى سۇيەمەلدەۋ ساياساتى تۇراقتاندىرىلدى. ەنگىزىلگەن دارىندىلار كاسىپورىن، جوعارى مەكتەپ، عىلمي زەرتتەۋ قۇرىلىمى، فينانس قۇرىلىمى سياقتى ورىنداردىڭ جوعارى دارەجەلى كاسىپتىك تەحنيكالىق مىندەتتەرىن نەمەسە ورتا دارەجەلىدەن جوعارى باسشىلىق مىندەتىن وتەۋگە ۇسىنىس ەتىلسە بولادى؛ ەنگىزىلگەن دارىندىلار اۆتونوميالى رايوننىڭ ءتۇيىندى عىلىم - تەحنيكا نىساندارىن، عىلمي زەرتتەۋ كومەك قاراجاتتارىن ءوتىنىش ەتسە، الدىمەن قولداۋعا يە بولادى؛ اۆتونوميالى رايون ەنگىزىلگەن دارىندىلاردىڭ اراسىنداعى جاڭالىق اشقان، شارۋاشىلىق قۇرعانداردىڭ اربىرىنە 400 مىڭ يۋان، كەلىپ - كەتىپ ىستەيتىن دارىندىلاردىڭ اربىرىنە 300 مىڭ يۋان قاراجات بەرىپ قولداۋ كورسەتەدى؛ ەنگىزىلگەن دارىندىلاردىڭ ەڭبەكاقىسىن ادام ىستەتۋشى ورىن مەن سول ادامنىڭ ءوزى اقىلداسىپ بەلگىلەيدى، جىلدىق ەڭبەكاقى ءتۇزىمى، وپسيون ءتۇزىمى، جارنا ۇقىعى ءتۇزىمى، كەلىسىمدى ەڭبەكاقى، جۇمىس ورنى ەڭبەكاقىسى مەن ناتيجە ەڭبەكاقىسى سياقتى كىرىس ءبولىسى فورماسىن قولدانىپ، ءبىلىم، تەحنيكا، كاپيتال، باسقارۋ سياقتى ءوندىرىس فاكتورلارىن كىرىس بولىسىنە قاتىستىرادى؛ ەنگىزىلگەن دارىندىلاردىڭ ءبىلىم مەنشىك ۇقىعىن زاڭ بويىنشا قورعاپ، ولاردىڭ ءوز جەتىستىكتەرىن ەل ءىشى - سىرتىندا پاتەنت ۇقىعىن الۋعا ءوتىنىش ەتۋىنە شابىت بەرىلەدى، پاتەنت ۇقىعىن وتكەرمەلەۋ، تەحنيكالىق جارنا قوسۋ سياقتى فورمالارمەن جەتىستىكتەردىڭ كاسىپ سالالارىندا پايدالانىلۋىنا قولداۋ كورسەتىلەدى.
«اتقارۋ ەرەجەسىندە» ەنگىزىلگەن دارىندىلاردىڭ تۇرمىسىن قامتاماسىز ەتۋ شارالارى دا تۇراقتاندىرىلدى. ەنگىزىلگەن دارىندىلار سول ورىنداعى وزىمەن دارەجەلەس ادامدارمەن ۇقساس ەمدەلۋدەن يگىلىكتەنەدى؛ ەنگىزىلگەن دارىندىلاردىڭ ءوزى جانە جۇبايى جەرگىلىكتى ورىنداعى قوعامدىق قامسىزداندىرۋعا قاتىناسسا، جەكەنىڭ ءوزى تاپسىراتىن قاراجاتىن ادام ىستەتۋشى ورىن تۇگەلدەي قوسىمشا قاراجاتپەن تولىقتايدى؛ ەنگىزىلگەن دارىندىلار جانە ولاردىڭ جۇبايى، بالا - شاعاسى نوپوسىن كوشىرمەك بولعاندا، نوپوستى قوندىرۋ راسمياتتارى دەر كەزىندە بىتىرىلەدى؛ كوشىپ كەلگەنىمەن، نوپوسى بۇرىنعى ورنىندا ساقتالسا، وندا اۆتونوميالى رايوننىڭ قونىستانۋ كۋالىگى بەرىلىپ، جەرگىلىكتى نوپوستاعى تۇرعىندارمەن ۇقساس مامىلە جاسالادى؛ ەنگىزىلگەن دارىندىلاردىڭ جۇبايى بىرگە كوشىپ كەلسە، قاتىستى تاراۋلار مەن ادام ىستەتۋشى ورىن سايكەسىپ قىزمەتكە ورنالاستىرادى. قىزمەتكە ورنالاستىرىلماعان كەزدە، ادام ىستەتۋشى ورىن ءوز مەكەمەسىندەگى قىزمەتكەرلەردىڭ ورتاشا ەڭبەكاقى ورەسى بويىنشا تۇرمىستىق قوسىمشا قاراجات بەرەدى؛ بۇدان سىرت، ەنگىزىلگەن دارىندىلاردىڭ پەرزەنتتەرىنىڭ مەكتەپكە (بالا باقشاسىنا) كىرۋ ىستەرىن جەرگىلىكتى وقۋ - اعارتۋ تاراۋلارى الدىمەن ورنالاستىرادى، جەرگىلىكتى وقۋشىلارمەن ۇقساس مامىلە جاسايدى.
ۇعىسۋعا قاراعاندا، جوعارى دەڭگەيدەگى دارىندىلاردى ەنگىزۋ ينجەنەرياسىندا رايونىمىز وڭتۇستىك شينجياڭداعى 4 ايماق، وبلىسقا باراتىن دارىندىلارعا ارناۋلى نىسان بەلگىلەپ، شارتتاردى لايىقتى كەڭەيتىپ، ساندى ايىرىم بەلگىلەيدى جانە ساياسات جاعىنان بەيىمدەلەدى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
