- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
قازاق تىلىندەگى ىلە اقپارات تورى كەمەلدەنۋدە
2015.01.12 14:31 كەلۋ قاينارى : حالىق تورابى
سەرىك سابىر ۇلى حابارلايدى. قازاق تىلىندەگى ىلە اقپارات تورى 2014 – جىلى ناۋرىزدىڭ 30 – كۇنى اشىلعان - دى. ءبىر جىلعا جۋىق ۋاقىتتان بەرى، ىقپالى بارعان سايىن كەڭەيىپ، بەدەلى دە جوعارىلاپ، ىلە قازاق اۆتونوميالى وبلىسىنداعى بۇقارا قىزىعا كورەتىن از ۇلت تىلىندەگى توراپقا اينالدى.
ىلە اقپارات تورى ــ وبلىستىق پارتكومنىڭ ۇگىت ءبولىمى باسقارعان، ىلە گازەتى مەكەمەسى قۇرعان تور. قازاق تىلىندەگى ىلە اقپارات تورى اشىلعاننان بەرى 2014 ـ جىلدىڭ سوڭىنا دەيىن جاريالانعان ماقالا، حابار، سۋرەت، كەسكىننىڭ جالپى سانى 5 مىڭ 562گە جەتكەن، مۇنىڭ ىشىندە جۇزگە جۋىق حابار – ماقالا مەن فوتوسۋرەت قازاق تىلىندەگى حالىق تورى مەن ءتاڭىرتاۋ تورى سياقتى اقپارات قۇرالدارى جاعىنان پايدالانىلىپ، وبلىستىڭ سىرتقا باعىتتالعان ۇگىت قىزمەتىندە ماڭىزدى رول اتقاردى.
ۇعىسۋعا قاراعاندا، ىلە قازاق اۆتونوميالى وبلىستىق پارتكوم ىلە اقپارات تورىنىڭ قىزمەتىنە ايرىقشا كوڭىل ءبولىپ، 2014 – جىلدىڭ باسىندا حانزۋشا ىلە اقپارات تورىنىڭ نەگىزىندە قازاق تىلىندەگى ىلە اقپارات تورىن قۇرۋدى ۇيعارىپ، وبلىستىق قازىنادان ارناۋلى قارجى بوساتتى. وبلىس باسشىلارى توردىڭ قۇرىلۋىنا قامقورلىق جاساپ، قازاق تىلىندەگى تور بەكەتىن قۇرۋعا دايىندىق قىزمەتىن ارناۋلى ۇعىسىپ ءارى ىلە گازەتى مەكەمەسى پارتكومىنا ناقتى قىزمەتتەردى ورنالاستىرعان. ىلە گازەتى مەكەمەسى ارناۋلى باسشىلىق گرۋپپاسىن قۇرىپ، قازاق تىلىندەگى ىلە اقپارات تورىنا قىزمەتكەر قابىلداۋ، جابدىق ساتىپ الۋعا مەردىگەر شاقىرۋ، ايدارلاردى تۇراقتاندىرۋ، تور بەتىن جوبالاۋ جونىندە جەتەكشىلىك ەتتى. مەردىگەر شاقىرۋ جانە ۇكىمەتتىك ساتىپ الۋ ءادىسى ارقىلى «بەيدافاڭجىڭ» توبى مەن ءتاڭىرتاۋ تورى تەحينكالىق جاقتان قولداۋ كورسەتىپ، ىلە اقپارات تورىنىڭ كاسىپتىك تەحنيكالىق قىزمەتكەرلەرىنىڭ قۇلشىنىسى ارقىلى توراپ ىسكە قوسىلدى.
قازاق تىلىندەگى ىلە اقپارات تورى اقپارت قاينارى، اسىل ارنالار، زاڭ جانە تۇرمىس، قىزمەت وتەۋ جانە ينفورماتسيا، تور گازەتى سياقتى 5 ۇلكەن ءبولىم ، 28 ايدار، 7 ارناۋلى تاقىرىپ جانە «ادەبيەت ارناسى» مەن «تۇرمىس جانە دەنساۋلىق» سىندى ەكى ارنادان قۇرام تاپقان. ىلە اقپارات تورى رەداكتورلاردى ءتاڭىرتاۋ تورىنىڭ قازاقشا بولىمشەسىنەن رەداكتورلىق جانە كاسىپتىك تەحنيكالىق مازمۇندارىن ۇيرەنۋگە ۇيىمداستىردى. قازىر قازاق تىلىندەگى ىلە اقپارات تورىندا ءار كۇنى «ىلە گازەتى»، «ىلە كەشى» گازەتى، «شينجياڭ زاڭ جانە تۇرمىس گازەتى» سياقتى 3 ءتۇرلى گازەتتىڭ ەلەكتروندىق نۇسقاسى مەن ءتۇرلى ماقالالارى جاريالانۋمەن بىرگە، قازاق تىلىندەگى حالىق تورى مەن ءتاڭىرتاۋ تورىنىڭ قاتىستى حابارلارى مەن ماقالالارى دا ۇزبەي جاريالانادى. الداعى كۇندەردە بۇل تور كريليتسيا جازۋ ۇلگىسىندەگى تور بەتى، ءۇنحات تەكشەسى سياقتى مازمۇندارمەن ءتىپتى دە كەمەلدەنە تۇسپەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
